⚜️✨ الأسيرة و المتدين ✨⚜️
🔸 بقلم : ليلوشة 🔸
🔅حصريا على كرونيكات اوبال🔅
〰️〰️〰️〰️〰️〰️〰️〰️〰️〰️〰️
|| الحلقة 37 ||
حس على رعشتها .. تبسم تبسيمة خفيفة .. رجع طبع بوسة ثانية على رقبتها .. ستنشق شوية من ريحتها .. و بعد عليها بلعقل ..
كانت مغمضة عينها ماشي عارفة لي قاعد يصير معاها اما كل لي تعرفو انو قلبها قاعد يدق مالفرحة .. فهاد اللحظة فيزوج تأكدو من مشاعرهم لبعضاهم .. حب طاهر .. حب زوج لزوجتو .. ( اي مكلاه تتحمسو متنساوش بلي راهم فالحلال ماشي فالحرام 😑 )
حست بنسمة باردة ضربتها وقت لي بعد عليها .. حلت عينها بلعقل رجعو طاحو فعينيه ..
فاق على روحو واش قاعد يدير .. تمحات ابتسامتو .. تذكر حكايتها .. تغيرت نضرتو ليها و رجعت نظرة شفقة و احتقار ..
وقت لي طاحو عينها فعينو .. تمنات انها تنشق لرض و تبلعها .. تمنات انها ترجع تغلقهم و تبقى فعالمهم الخاص عالم لينة و عماد الدين برك ..
دار رايح للباب .. و دارت هي عطاتو بظهرها باش ميشوفش دموعها لي مقدرتش تشدهم و خداو طريقهم على خدها ..
غير وصل للباب حبس فبلاصتو .. عدا يدو على لحيتو .. ندمان على واش دار .. فلحظة وحدة بينلها شعورين متناقضين .. لي ميعرفوش يقول عندوو انفصام فالشخصية ..
دار ليها راح يهدر معاها .. لقاها دايرة للحيط و عاطياتو بظهرها ..
لمح وحمة تحت رقبتها بشوية .. كبيرة نوعا ما و لونها بني .. زادت شعلاتو اكثر .. تراجع و رجع دار .. فتح لباب و خرج يجري ..
خذات نفس عميق .. مسحت دموعها و هدرت معا روحها يإستهزاء ..
لينة : ههه واش راكي تسناي يرحب بوحدة قالولو خانجة بين الاحظان .. فيقي من احلامك لينة .. راح يطلقك .. تزوجك بسيف عليه .. عندك مهمة وحدة .. ركزي معاها اثبتي براءتك و اخرجي من هاد الدار و ارجعي لحياتك الطبيعية ..
توجهت لخزانتها .. رفدت بيجامة من بيجاماتها .. لبستها .. و خلات ضو مشعولة لانها تخاف .. و دخلت لفراشها و غمضت عينها تحاول ترقد ..
بعد ما خرج من عندها .. راح ديراكت لدوش و دخل تحتو هكاك بحوايجو .. يحاول يطفي نارو و شعور لي قاعد يحس بيه .. ولا مرة حس هاكا .. ولا مرة توقع يصرا فيه هاكا ..
خرج مدوش .. غير حوايجو .. رجع توضى و حط السجادة باش يصلي ..
صلى صلاتو .. و دعا ربي ينورلو طريقو و يغفر للينة على عملتها ( ماشي عارف مسكين بلي مدارت والو ) ..
راح تكسل فبلاصتو .. حاط يد تحت راسو .. يخزر فالسقف و يسنا فيها تجي ترقد معاه .. عارف انها تخاف وحدها ..
و هو يسنا غفا و رقد بلا ميحس .. و حتا لينة بعد مدة قصيرة غفات هي تان ....
〰️〰️〰️〰️〰️〰️〰️〰️〰️〰️
اوبالاتي 🔥
سمحولي فسدتلكم الرومنسية هههه الله غالب نحب المشاجرات و لمضاربات انا لازم نفسدها لازم .. مهم علابالكم واااش كاين فالحلقات الجااايين قنبلة رؤيا البقرة يااا درااا كيفاش راح نعدووها .. و الا عديناها راح تجي القنبلة الاكبر .. قبنلة باباها .. المهم راح نقبنلها جدها قاع و نموتو قاع 😂😂
اتشووو خلولي توقعااتكم طواااال عراااض و علقوو فالرد
#ليلوشة
أنت تقرأ
⚜️ الأسيرة و المتدين ⚜️
Acción⚜️✨ الأسيرة و المتدين ✨⚜️ 🔸 حصريا على كرونيكات اوبال 🔸 بقلم : Leila Ouaras ( ليلوشة ) •.............................................• اوبالات 🔥 رجعتلكم ليلوشة بكرونيك جديدة بعد ما عشقتو فكرونيك #عشقت_سَلَفِي 🧡 رجعتلكم بكرونيك...
