⚜️✨ الأسيرة و المتدين ✨⚜️
🔸 بقلم : ليلوشة 🔸
🔅حصريا على كرونيكات اوبال🔅
〰️〰️〰️〰️〰️〰️〰️〰️〰️〰️〰️
|| الحلقة 24 ||
خزرت لينة فعماد الدين مصدومة .. و هو تان مكانش اقل منها ..
رؤيا قريب هبلت كي سمعت هكاك .. خاصة انو هي تظل تلبس و تصبغ فشعرها و تماكيي باش تعجب عماد الدين معا لخر تجي وحدة مكرفصة و محجبة كيما لينة و تديه ( لينة شابة برك زعما رؤيا كي غارت راهي تهدر هاكا ) ..
خزرت نورا فعزيز مخلوعة .. كأنها فهمت واش كان راح يقول قبل ما يقول لجد حكيم ..
اما وردة خزرت فالجد حكيم و هدرت ..
وردة : كيفاش يتزوج وحدة ميعرفها ماتعرفو .. و منعرفو لا اصلها لا فصلها ..
و خزرت فلينة معصبة ..
الجد حكيم : راح تكون زوجتو و راح يحكيلكم حكايتها عزيز ..
خزر فعزيز و هدر معاه ..
الجد حكيم : اتفضل احكيلهم ..
ارتبك عزيز .. خايف يحكي قدام لينة و تبيعلهم بلي هدرتو مكانش منها ..
دار خزر فيها .. خزرة تخوف .. معاها ابتسامة خفيفة .. فهمت انو قاعد يهدد فيها .. حبطت راسها و سكتت و قاعدة تسمع فيه ..
عزيز : حكايتها هي ... و بدا يحكيلهم من الاول للخر نفس لحكاية لي حكاها لعماد الدين و الجد حكيم ..
لينة تسمع و تخزر فيه مصدومة و تبكي ..
عماد الدين كان يسمع فهدرة خالو و قلبو واجعو مهما كان .. كانو لازم يستروها ..
رؤيا تسمع فباباها و متبسمة .. كأنها تأكدت بلي مراحش يقبل بيها ..
وردة مصدومة .. راح يتزوج وليدها بوحدة خامجة .. اما الجد حكيم كان يسمع و يخزر فلينة يستنا فيها تدافع على روحها و تهدر اما مهدرت والو .. تسمع و تبكي ..
كمل عزيز حكالهم و هدر ..
عزيز : هادي هي حكايتها .. و دار و خزر فلينة نظرة شفقة ..
ضحكت رؤيا بصوت و هدرت ..
رؤيا : منيتك جدي .. عماد الدين يتزوج بوحدة خامجة .. هاربة من دارهم ..
سمعتها لينة و معا كلمة خامجة خزرت فيها و تاهت بتفكيرها ..
حياتها كامل طفلة وحدها .. عاشت باش تحمي روحها و تحمي شرفها و متتساماش خامجة .. شحاال تبلاوها و شحاال حاولوا يغتاصبوها مي دايمن تسلك و تدافع على روحها معا لخر تجي هادي و تقول عليها خامجة ..
هدرت و دموع فعينها و صوتها يتقطع ..
لينة : مانيش خامجة ... قبل ما تكمل تهدر مشا عزيز و وقف قدام رؤيا و خزر فلينة و حل عينو بمعنى متنساايش تهديدي ..
سكتت و حبطت راسها .. حشمت من حاجة مدارتهاش .. شحال صعيبة تحبي تهدري الحقيقة و متقدريش ..
وردة : مستحيل نزوج وليدي بيها ...
و هنا و هوما يخزرو كامل فلينة .. قرب عماد الدين ليها .. وقف قبلها كأنو يغطي فيها من نظراتهم .. كأنو يحمي فيها بطريقة غير مباشرة .. و هدر و هو يخزر فجدو و ملامحو جدية ..
عماد الدين : قابل نتزوج بيها جدي ..
لينة طلعت راسها مصدومة .. تخزر فظهرو .. بلا متحس تبسمت .. حتا بعد لي سمعو عليها و قبل .. فحياتها متلاقات بشخص كيما هادا ..
اما الجد خزر فيه و تبسم و هزلو براسو ..
رؤيا تخلعت من هدرت عماد الدين و قاتلو ..
رؤيا : منيتك عماد الدين تقبل تتز.... قبل متكمل تهدر قطعلها هدرتها و هدر ..
عماد الدين : انا راح نتزوج بيها ماشي نتي ياك هادي حياتي و انا حر فيها واحد معندو الحق يتدخل فقراراتي .. ( الله على القصف ا حمودة ) ..
وردة : ياوليدي وشبيك هبلت .. علاش تغبن فروحك ..
عماد الدين : يما اومبعد نهدرو ..
و رجع هدر و هو يخزر فجدو ..
عماد الدين : اما عندي شرط ...
〰️〰️〰️〰️〰️〰️〰️〰️〰️〰️
اوبالاتي 🔥
اووو واش رايكم فهدرة عمادوووش .. و زعما راح تكون زوجتو صح ولا خرطي برك .. زعما شرطو وشنوو .. ووردة راح تحب كنتها بعد لي سمعاتو عليها و رؤيا راح تستسلم ولا تمرمد لينة ..
خلولي توقعاتكم طوال عرااض ..
متنساوش تجمجمو كامل الحلقاات ..
#ليلوشة
أنت تقرأ
⚜️ الأسيرة و المتدين ⚜️
Action⚜️✨ الأسيرة و المتدين ✨⚜️ 🔸 حصريا على كرونيكات اوبال 🔸 بقلم : Leila Ouaras ( ليلوشة ) •.............................................• اوبالات 🔥 رجعتلكم ليلوشة بكرونيك جديدة بعد ما عشقتو فكرونيك #عشقت_سَلَفِي 🧡 رجعتلكم بكرونيك...
