⚜️✨ الأسيرة و المتدين ✨⚜️
🔸 بقلم : ليلوشة 🔸
🔅حصريا على كرونيكات اوبال🔅
〰️〰️〰️〰️〰️〰️〰️〰️〰️〰️〰️
|| الحلقة 63 و الاخيرة ||
تعدااو بضبط ثلث شهوور .. لؤي رجع تزوج بمرا خيرتهالو ختو .. اما مستحيل ينسا حبو لول .. عماد الدين و لينوش رجعو يعشقوو بعضاهم .. او خلينا نقولو مهووسين ببعضاهم ..
رجع معاها فكل دقيقة .. حتا كي يروح لخدمتو يبقا يعيطلها .. اييه هو ملاكها الحاارس واش تسنااو منو ..
طلع نهار جديد على ابطالنا .. ناضت تجري من سريرها للدوش.. معدتها هاد اليامات تعبتها .. ولات تتقيا بزااف و تحس بدوخة ..
رفدت التاست و دخلت ديرو .. حبت تنحي شكوكها .. و فجأة خرجولها زوج خطوط .. مالصدمة معرفتش واش دير .. بقات تخزر فيه هكاك .. حتا رجعت تبكي بالصوت و بالشهقة ..
كان راقد فسابع نومة .. حتا فيقو صوت بكاها .. ناض مفزوع يجري ليها .. كان لابس سروال تاع بيجامة قري و مالفوق ما لابس والو ..
دخل ليها لقاها تبكي .. راح عنقها و هدر ..
عماد الدين : وشبيك يا روحي واش يوجع فيك ..
لينة : والو ..
عماد الدين : علاش راكي تبكي مالا ..
لينة : بسك فرحت .. و زادة قوات فالبكية ..
تبسم على منظرها و رجع هدر ..
عماد الدين : و كاين كاش واحد يفرح يبكي هاكا ..
بدات تمسح فدموعها و تهدر ..
لينة : اسكت يقولولهم دموع الفرحة ..
عماد الدين : لالا قصدك نديب الفرحة ..
ضحكت عليه و هدرت ..
لينة : صحاا نقولك حاجة ..
عماد الدين : وشنو ..
لينة : راني اونسانت ..
عماد الدين : اه صح مبروك عليك يتربا فعزكم ان شاء الله ..
و خرج مدووش .. و اووب فنص طريق حبس .. و رجع يجري .. طل عليها مالباب تاع دوش يخزر فملامحها الا كانت تتمسخر ولا منيتها ..
حتا خرجتها التاست .. غير شاافوو عيط بأعلى صوتو ..
عماد الدين : اااااااااااااااالله ..
و طار ليه رفدها و يبوس فيه ..
رجعت تضحك عليه و تهدر ..
لينة : اي حبطني بلعقل ..
فاق على روحو و هبطها .. رجع يهدر و هو ماشي عارف واش راهو يقول ..
عماد الدين : نروحو لسبيطار ..
لينة : علاش ..
عماد الدين : باش تولدي ..
و طرطقت علييه بالضحك .. لدرجة هادي ماشي مأمن .. جبدها ليها .. طبع بوسة على شواربها .. و من بوسة رجعو بووسات .. و انقطع البث( ايا طييرو تشو منكتبش العيب ) ..
بعد تسع شهور بالضبط ولدت لينوش احلى بنوتة و سماتها سمر .. كملو عاشو حياتهم كلها حب و ضحك و شوية مشاكل و شوية مضاربات
♡♡ النهاية ♡♡
و هنااا تكوون خلاصت رحلتنا اوبالاتي حبيباتي 🥺🔥 والفتكم و والفت سهرتنا كيفكيف .. خلولي رايكم بكل صدق فالحكاية و فاسلوبي ..
نتلاقاو ان شاء الله فكرونيك وحدووخرا معا حكاية جديدة و ابطااال جدد حصرياا على كرونيكاات اوبال .. و متنسااوش ليلوش تحبكم بزاااااااف ❤❤
متنساااوش تعليقااات داخل الرد خلوو ستاتي نقي
#ليلوشة
أنت تقرأ
⚜️ الأسيرة و المتدين ⚜️
Action⚜️✨ الأسيرة و المتدين ✨⚜️ 🔸 حصريا على كرونيكات اوبال 🔸 بقلم : Leila Ouaras ( ليلوشة ) •.............................................• اوبالات 🔥 رجعتلكم ليلوشة بكرونيك جديدة بعد ما عشقتو فكرونيك #عشقت_سَلَفِي 🧡 رجعتلكم بكرونيك...
