⚜️✨ الأسيرة و المتدين ✨⚜️
🔸 بقلم : ليلوشة 🔸
🔅حصريا على كرونيكات اوبال🔅
〰️〰️〰️〰️〰️〰️〰️〰️〰️〰️〰️
|| الحلقة 56 ||
تفكر وقت قالت اسم المجهول .. رجع على تيليفون بدون تفكير ..
عماد الدين : الو ..
المجهول : عماد الدين ..
عماد الدين : شكون نتا .. من وين تعرف اسمي ..
المجهول : ميهمش .. الا حاب مرتك تبقا حية تبعني واش راح نقول و متقطعش الاتصال ..
راح يلحق موقع دك فتيليفونك .. هادك هو موقع لينة .. كاين جهاز تعقب مربوط بالجهاز لي راهو عندها ..
مفهم والو من لي قاعد يهدر فيه ..
وصلاتو رسالة لتيليفونو .. فتح الموقع و يشوف فاشارة تبعد على الموقع لي راهو فيه هو ..
المجهول : ازرب روح .. لوكان تتاخر راح تلقاها ماتت ..
مجرد كلندمة ماتت خلاتو يعيط بأعلى صوتو ..
عماد الدين : علاااش تموووت .. شكون نتا ..
المجهول : انا ***** ..
تصدم .. عينيه تحلو على وسعهم ..
عماد الدين : ك كيفاش ..
الجهول : الحق مرتك و راح نحكيلك كلش فطونوبيل ..
طار عماد الدين لطونوبيلتو .. و قلع بيها باقصى سرعتو يتبع فلينة ..
حط مكبر الصوت على تيلبفون و قاعد يسوق و يسمع فالمجهول يحكيلو .. حكالو كلش .. تصدم .. مقدرش يصدق لي قاعد يسمع فيه .. يعني هو لي قتل لؤي .. و راح يقتل باباه .. يعني لينة يتيمة و طاهرة .. ذنبها الوحيد انها شافت جريمة قتل ..
عماد الدين : علاش .. علاش صرا هاكا ..
المجهول : بسبب قرار حكيم ..
عماد الدين : وشمن قرار ..
المجهول : فمرة من المرات جمع ولادو في ثلاثة فالمكتب ديالو .. وردة و لؤي و عزيز .. و خبرهم انو كتب وصايتو .. و ربع املاكو لوردة و عزيز و الباقي كلو للؤي بصفتو ولدو الشاطر و لي لازم يورثو .. قرار خاطئ كيما هادا .. خلا عزيز يحقد .. و من حقد يرجع هوس و يفقد ضميرو .. رجع مهووس بالميراث ..
صدمة مور صدمة .. ملقاش واش يهدر .. بقا ساكت .. ملقاش الا يخمم فلينة ولا يخمم فجدو .. ولا يخمم فخالو لي رجع مجرم ..
خايف يخسرها و فنفس الوقت خايف يتقتل جدو ..
المجهول : راح نقص لابال .. و نجهز روحي باش نظهر .. نتمنى تحميهم فيزوج ..
قص لابال .. و راح يحظر حالو باش يظهر للوسط .. باش يرجع يبان و يعرفو حكايتو ..
وصل عزيز لبلاصة خالية .. فيها طالع على حافة الهاوية لي طل على لبحر ..
حكيم : واش جينا نديرو هنا ..
عزيز : راح تعرف ..
حبط مطونوبيل و تبسم بخبث .. راح لجيهت حكيم و ساعدو يهبط .. غير هبط مطونوببل .. وقف موراه و جبد مشوار فيه مخدر و حطو على نيف حكيم ..
حاول يفلت منو اندما مقدرش و كاح مغمى عليه ...
〰️〰️〰️〰️〰️〰️〰️〰️〰️〰️
اوبالاتي 🔥
راح نموت بالخوف .. ريح و شتا راهي تصب و زيد الرعب لي راني نكتب فيه 😂 ..
خلولي توقعااااتكم و تعليقاتكم كالعادة .. غير نكتب و نحط نجمجملكم تعليقاتكم
#ليلوشة
أنت تقرأ
⚜️ الأسيرة و المتدين ⚜️
Acción⚜️✨ الأسيرة و المتدين ✨⚜️ 🔸 حصريا على كرونيكات اوبال 🔸 بقلم : Leila Ouaras ( ليلوشة ) •.............................................• اوبالات 🔥 رجعتلكم ليلوشة بكرونيك جديدة بعد ما عشقتو فكرونيك #عشقت_سَلَفِي 🧡 رجعتلكم بكرونيك...
