⚜️✨ الأسيرة و المتدين ✨⚜️
🔸 بقلم : ليلوشة 🔸
🔅حصريا على كرونيكات اوبال🔅
〰️〰️〰️〰️〰️〰️〰️〰️〰️〰️〰️
|| الحلقة 26 ||
عماد الدين : ايه يما يتزوج بلي حبيتيها ارضاي عليا برك ..
قدمت ليه .. عنقاتو و هدرت ..
وردة : راضية عليك دنيا و آخرة يا وليدي ..
خزر فيها متبسم و باسها فجبهتها ..
.. فغرفة نورا و عزيز ..
بعد ما دخلت نورا .. دخل موراها عزيز ..
هدرت معاه و هي معصبة و شر يطاير من عينها ..
نورا : كنت راح تقول تتزوج بيها باك مرانيش غالطة ..
عزيز : ايه ..
نورا : تتزوج عليا تسما ..
قدم ليها .. و هدر معاها بلعقل باش يقنعها ..
نورا : راكي تسمعي واش راكي تهدري .. باينة بلي نتزوجها باش تبلع فمها .. و نعرف شكون خبرت و نقتلها و نقوللهم هربت ..
هدات و تغيرت ملامح وجها و هدرت ..
نورا : صح ؟ ..
عنقها و هدر ..
عزيز : ايه صح .. و تبسم تبسيمة تدل على انو يكذب .. كان طامع فيها و فجسدها .. اما ديما الجد يوقف فطريقو ..
خلاص بعد ما مات لؤي .. لازم يموت الجد تان و يرجع كلش بأسمو و طبعا جزء صغير لوردة ..
خرج عماد الدين لصالون ما لقا حتا واحد .. زاد رجع الجد حكيم و حبط عزيز ..
الجد حكيم : وين راهي ..
عزيز : سور تكون هربت ..
عماد الدين : علاش تهرب ..
ارتبك عزيز مفاقش لروحو بلي راهو يفكر بصوتو مرتفع .. و رجع هدر ..
عزيز : قصدي بالاك مراهيش قابلة ..
خرج عماد الدين لبرا ملقاهاش .. راح لجاردان .. لقاها قاعدة فلرض و تمس لورد بيدها ..
قدم ليها .. وصل عندها اما مفاقتش بلي راهو قدامها ..
لينة : لوكان غير جيت وردة .. ولا فراشة مثلا هههه معليش نعيش نهار واحد و منتمرمدش كامل هاكا ..
عماد الدين : احم احم ..
وقفت تجري و دارت تخزر فيه .. عينيها كانت ضاربة فيهم شمس .. منظرها كان يهبل .. خيمارها زاد فيها نص ..
حبط راسو و هدر معاها ..
عماد الدين : راكي موافقة ..
لينة : ايه ..
عماد الدين : راح نتزوجك باش نسترك برك .. ماراح تكون بيناتنا حتا علاقة .. بعد ستة شهور نطلقو ..
قلبها وجعها من هدرتو .. متحتاجش سترة راهي حياتها كامل و هي تستر فروحها .. حبت تعيط و تقولو راني مظلومة .. اما سكتت و قاتلو ..
لينة : اكيد مرسي كي راح تسترني .. و زيرت على اخر كلمة ..
عماد الدين : دك يجي الامام .. نفتحو بعدها يكون عندك الحق تقعدي هنا فالدار ..
لينة : معليش نقعد هنا و كي يجي تعيطولي ..
هزلها عماد الدين براسو .. دار و راح و خلاها ..
لينة : راح نثبتلكم بلي مادرت والو .. راح نلقا دليل و نبينلكم بلي انا ماشي هكاك و نبينلك خالك واش يسوى ..
رجع عماد الدين دخل .. قابلو جدو و عزيز قاعدين .. راح قعد معاهم ..
عزيز : متأكد من قرارك عماد الدين ..
عماد الدين : ايه ..
الجد حكيم : بعد شي ساعتين راح يجي الامام .. و غدوة اعقدو .. لازم نهدرو معاها تمدلنا هويتها ..
طلع عزيز راسو مصدوم .. كيفاش مفكرش فهاد الحاجة .. هويتها .. اكيد راح يطلبو انو يروحو لدارهم و هي معندهاش دارهم و هو كذب عليهم ..
رما يدو لكرافاط ديالو فتحها .. حس روحو مخنوق ..
عزيز : راح نخرج شوية و نجي ..
ناض خرج .. راح لجاردان .. قابلاتو قاعدة .. طلعت راسها طاحت عينها فعينو .. تبسم معاها بشر .. لدرجة انو جسمها رعش .. و تقدم ليها ..
وقفت تجري ......
〰️〰️〰️〰️〰️〰️〰️〰️〰️〰️
اوبالاتي 🔥
زعما عزيز راح يقدر يحل امر الهوية .. مراحش يدير غلطة و يفيقولو .. مجهول شكون و علاش مبانش .. مزال معلابالناش الا راح يكون فصف عزيز ولا صف لينة .. زعما عماد الدين راح يشد فهدرتو و تبقا مرتو على لورق برك ...
خلولي توقعاتكم طواااال عراااااض ..
وجمجمو كااامل الحلقات متنسااوش ..
خلو تعليق هنا كي نحط نجمجملكم هاد اليامات نحط فاي وقت حابة نكملها تمتم كيما قلتلكم لبارح
#ليلوشة
أنت تقرأ
⚜️ الأسيرة و المتدين ⚜️
Ação⚜️✨ الأسيرة و المتدين ✨⚜️ 🔸 حصريا على كرونيكات اوبال 🔸 بقلم : Leila Ouaras ( ليلوشة ) •.............................................• اوبالات 🔥 رجعتلكم ليلوشة بكرونيك جديدة بعد ما عشقتو فكرونيك #عشقت_سَلَفِي 🧡 رجعتلكم بكرونيك...
