⚜️✨ الأسيرة و المتدين ✨⚜️
🔸 بقلم : ليلوشة 🔸
🔅حصريا على كرونيكات اوبال🔅
〰️〰️〰️〰️〰️〰️〰️〰️〰️〰️〰️
|| الحلقة 39 ||
دخل لدار لقاها فالكوزينة .. كانت تنقي فيها .. راح لغرفتو .. بدل حوايجو ..
سمع تيليفونو صونا .. قرب ليه و قرا .. جمايل من شخص ميعرفوش ..
رفد التيليفون و فتحو .. و هنا كانت الصدمة .. الطفلة الوحيدة لي سلبتلو عقلو و قلبو بين يدين راجل وحدوخر
شاف صور شحال من مرة .. مقدرش يصدق .. اما وقت لي شاف الوحمة لي فظهرها نفسها لي فالصورة .. طاح منو النص .. بدون ميحس تغرغرو عينيه بالدموع ..
حكماتو القنطة .. روحو و شرفوو و كرماتو الكل راحو وقت لحقوه هاد التصاور ..
رجع هز تيليفون و نتابه على الميساج لي لحقو معا تصاور .. " مرتك حلوة "
رجع ميضويش .. زير قبضة يدو .. دمو سخوون يجري فشرايينو .. تسارعو انفاسوو .. تعقدو حواجبو مالغضب .. اول مرة يغضب لهاد الدرجة ..
هز تيليفون بقوة و خرج من بيتو .. خبط لباب حتا قريب طارت من بلاصتها ..
و على خبطابو هاديك شهقت لينة ..
خرجت مفزوعة مالكوزينة ..
واقفت عند باب الكوزينة و تشوفو جاي ليها .. ملامحو متغيرين .. كأنو عبد وحدوخر ماشي عماد الدين لي تعرفو ..
وصل عندها .. و غرس صباعتيه فشعرها .. و عيط عيطة هزت الدار ..
عماد الدين : شكوووون هادي اه ..
و ورالها صور و هو حاكمها من شعرها و هي تتوجع ..
تصدمت وقت لي شافتهم ..
اول مرة يتسرع فحكمو على الناس ..
كانت راح تهدر اما مخلاهاش تهدر و ضحك ضحكة استهزاء و هدر ..
عماد الدين : ماشي محتاج نعرف اجابتك .. عارف بلي نتي هي الخامجة لي راهي هنا ..
معا كل كلمة قالها تغرسوو اموااس فقلبها .. غرغرو عينها بالدموع .. ملاكها الحارس فهاد اللحظة تخلى عليها كيما تخلاو عليها لوخرين ..
رجعت تبكي بالشهقة .. طلعت يدها و غطات وجها بيهم ..
طلقها من شعرها و هدر ..
عماد الدين : حبطي يدك ..
مسمعتلووش و كملت تبكي .. رجع هدر و هاد الخطرة بالعياط ..
عماد الدين : حبطي يدك قتلللك ..
ترعبت من عيطتو .. حبطت يدها و خزرت فيه تشهق ..
عماد الدين : وقتاش هادي لبارح ياك ..
هزت راسها بمعنى لالا .. و هدرت و صوتها يتقطع ..
لينة : م ماشي ا ا انا ..
معا جملتها زاد عصب اكثر يعني خانتو و زادة كذبت عليه ..
بلا ميحس .. هز يدو على قد ما يقدر .. و ضربعا بكف ..
من قوتها طاحت فلرض قاعدة ..
حبط لعندها و هدر بنبرة تهديد ..
عماد الدين : راح نطلق نهاية الاسبوع ..
خلى كلماتو يترددو فوذنها و خرج معصب ..
خبط لباب بكل قوتو .. و خرج و طاار بطونوبيلتو ..
فهاداك الوقت كانت رؤيا تشوف فيه مالتاقة .. ضحكت بنصر و قالت ..
رؤيا : هههه تمت المهة .. ليوم تغادرنا اكيد .. ( هههه فمنامك يا روحي مسكينة دك تتصدم كي تعرف بلي راح تقعد ) ..
قعدت هكاك فلرض تبكي بالصوت .. عياات مالدنيا هادي .. لولا ايمانها لقوي لوكان راهي نتاحرت .. وقفت من تما .. حطت يدها على خد تحس فيه يوجعها خاصة تحت عينها ..
راحت لدوش .. غسلت وجها و خزرت فالمرايا .. رجعت زرقة تحت عينها .. و رجعت تفكرت وقت لي ضربها .. تغرغرو عينها بالدمووع .. ديما يظلموها .. حتا ملاكها الحارس و ظلمها و جرحها ...
و هي هكاك صونا تيليفونها .. قرات الاسم " المجهول " .. رمات يدها ليه و هزت عليه ..
〰️〰️〰️〰️〰️〰️〰️〰️〰️〰️
اوبالاتي 🔥
علابالي غاضتكم لينوش .. و صح هي راهي مظلومة مي متتسرعوش و تكرهو عماد الدين .. راهو داير فبالو صح و اي راجل يحب مرتو راح يعمل نفس عملتو .. يعني لزوج راهم مظلوميين من عزيز و بنتو الكلبة .. خلولي توقعاتكم لواش راح يصرا زعما رؤيا راح تستسلم ولا راح تتمادى اكثر .. متنساوش مبقاش بزاف على يووم المهمة
#ليلوشة
أنت تقرأ
⚜️ الأسيرة و المتدين ⚜️
Action⚜️✨ الأسيرة و المتدين ✨⚜️ 🔸 حصريا على كرونيكات اوبال 🔸 بقلم : Leila Ouaras ( ليلوشة ) •.............................................• اوبالات 🔥 رجعتلكم ليلوشة بكرونيك جديدة بعد ما عشقتو فكرونيك #عشقت_سَلَفِي 🧡 رجعتلكم بكرونيك...
