⚜️✨ الأسيرة و المتدين ✨⚜️
🔸 بقلم : ليلوشة 🔸
🔅حصريا على كرونيكات اوبال🔅
〰️〰️〰️〰️〰️〰️〰️〰️〰️〰️〰️
|| الحلقة 52 ||
بعت لميساج هاداك .. عاود صونا تيليفون .. لحقو ميساج من عند صاحبو " غدوة عشية يكون عندك الموقع شريك " ..
قرا الميساج .. طفا التيليفون حطو و رجع دار عند لينة .. يخزر فيها راقدة ..
يتمعن فتفاصيلها ..
نفسها هادي و منتظم .. رما يدو لخدها .. عدا يدو عليه ..
قرب ليها اكثر لدرجة انو نيفها رجع يقيس فنيفو ..
نفسو سخون قاعد يضرب فشواربها .. قدم ليها اكثر .. قاسو شواربو معا شواربها ..
كان راح يبوسها .. كان راح يستسلم لشهوتو .. كان راح يمسها بدون ارادتها كأنو ناسي انها مرتو شرعا و قانونا و يعمل فيها لي حب ..
اما بعد عليها .. عدا يدو على شعرو و استغفر ..
عماد الدين : استغفر الله .. يا رب تعدي هاد الليلة بخير ..
بقات هكاك فحضنو .. و هو قاعد يتصارع معا نفسو و معا احساسو حتا غفا و رقد و هو معنقها ..
لحق نهار جديد .. يومين قبل يوم المهمة .. يوم الاحداث و القنابل .. كان راقد و مرتاح .. شعور جامي حسو .. انو يرقد و معنق لي يحبها بين يدو .. ناسي كامل لحكايات لي عليها و ناسي الواقع .. عايش فعالمهم الخاص برك ..
حس عليها تتحرك بين يديه فطن .. حل عينو بلعقل .. شافها مقابلاتو بين يديه .. يد محطوطة تحت راسها و يد محاوط بيها خصرها ..
نحا يدو لي تحت راسها .. و حطها تحت راسو و قاتد يشوف فيها .. راقدة .. شعرها مغطي وجها كامل ..
بدات تتحرك و تفطن .. تحس فحاجة ثقيلة فوق كرشها .. فتحت عينيها بلعقل تحاول تصحصح .. هو غير شافها هكاك دار روحو رقد ..
حاولت تنوض و نسات جرحها .. خرجت اه من بين شفافها ..
لينة : اه .. يا يما نسيت ..
بعدها فاقت على روحها .. دورت وجها و خزرت فعماد الدين مستغربة ..
لينة : اياه هادا واش جابو هنا ..
خزرت ليديه لقاتو معنقها .. حاولت تنحيلو يدو اما مقدرتش .. بقات تخزر فيه تحاول تتذكر واش صرا و اوووب تحلو عينها مصدمة .. حطت يدها على فمها مصدومة و هدرت ..
لينة : ياا ربي واش درت ..
غطات وجها بيدها فيزوج و بقات تهدر معا روحها .. شي لي خلاه يتبسم اما من حسن حظو مشافتوش ..
لينة : يا ربي واش درت .. دك يقول ليا خامجة و ماشي مربية .. ديجا انا ماشي مالفة ندير هكاك و لي دارت هكاك ماشي انا لينة وحدوخرا سوفاجة ..
نحات يدها من وجها بسرعة و هدرت ..
لينة : بصح نورمال ياك راني مرتو ..
خبطت راسها بؤدها و رجعت هدرت ..
لينة : واش راكي تهدري يا حمارة ..
مقدرش يشد روحو .. راح يطرطق بضحك .. دار روحو كانو راهو راقد .. طلقها و دار للجيهة لوخرا و تبسم ...
〰️〰️〰️〰️〰️〰️〰️〰️〰️〰️
اوبالاتي 🔥
حاجة لولة اعذروني على الاخطاء الاملائية بسك راني نكتب بسرعة .. الحاجة الثانية فرايكم وشنو هي القنبلة لي هدرت عليها فوسط الحلقة .. خلو رايكم نشوف شكون لي توبعها صحيح .. راح نعيشو احداث بزاااف ليوم اربطوو الاحزمة و اجروو للحلقة لي موراها ..
#ليلوشة
أنت تقرأ
⚜️ الأسيرة و المتدين ⚜️
Action⚜️✨ الأسيرة و المتدين ✨⚜️ 🔸 حصريا على كرونيكات اوبال 🔸 بقلم : Leila Ouaras ( ليلوشة ) •.............................................• اوبالات 🔥 رجعتلكم ليلوشة بكرونيك جديدة بعد ما عشقتو فكرونيك #عشقت_سَلَفِي 🧡 رجعتلكم بكرونيك...
