⚜️✨ الأسيرة و المتدين ✨⚜️
🔸 بقلم : ليلوشة 🔸
🔅حصريا على كرونيكات اوبال🔅
〰️〰️〰️〰️〰️〰️〰️〰️〰️〰️〰️
|| الحلقة 25 ||
الجد حكيم : وشنو هو شرطك ..
عماد الدين : تقدر تقول شرطين ماشي واحد ..
الجد حكيم : اتفضل ..
عماد الدين : شرط لول نعيش فالايطاج الفوقاني وحدي منحب حتا واحد معايا .. الشرط الثاني نتزوج ليوم .. امام و فاتحة ليوم و نعقدو غدوة و فرات .. منسحق عرس لا دك لا اومبعد .. خاصة انو خالي لؤي معندوش بزاف ملي مات و هي منقبلش تبقى هنا بلا محرم ..
الجد حكيم : مقبولين ..
تقدم لجد عند لينة .. و هدر معاها بحنية و بلعقل ..
الجد حكيم : بنتي عندك شروط ..
لينة : لالا معنديش .. بصح ..
حشمت تكمل تهدر قدامهم .. تقدمت ليه و هدرت فوذنو ..
لينة : علاش قتلو يتزوجني باينة هاديك طفلة تحبو .. خلوني نروح معليش ..
بعد عليها بلعقل .. خزر فيها و غمض عينو بلعقل و رجع فتحهم كأنو يطمن فيها ..
رغم انو مداتش اجابة على سؤالها اما تبسمت تبسيمة خفيفة ..
قطعت عليهم وردة .. و هدرت معصبة ..
وردة : مليح .. وليدي يتزوج بين ليلة و نهار و معامن معا وحدة خ.. مكملتش هدرت و ستغفرت ..
راحت معصبة لغرفتها ..
لحقها عماد الدين ... اما رؤيا كانت تخزر فلينة بشر .. كرهتها من اول دقيقة شافت عماد الدين كيفاش جرا ليها ..
نورا خزرت فعزيز بمعنى عندي هدرة معاك ..
طلعو فيزوج لشومبرتهم ..
هدر الجد حكيم : نروح نهدر معا الامام و نرجع ..
بقات غير رؤيا و لينة تما ..
قدمت رؤيا للينة تخزر فيها باشمئزاز ملفوق للتحت ..
لحقت ليها و هدرت ..
رؤيا : دنيتي لحاجة ماشي ليك .. ديريها مليح فبالك مراحش نخليهالك .. اصلا هادي هي خدمة الخامجات .. يعرضو روحهم للرجال ..
طلعت لينة راسها معصبة .. المرة لولة سكتت على كلمة خامجة .. اما المرة دوزيام مسكتتش و رجعتلها ..
لينة : و مقالولكش بلي لمرا لي تخلط فالخامجة تحلاص عليها كحلة .. سقسي يقولولك ..
للحظة خافت منها رؤيا .. اما عملت روحها مخافتش و هدرة ..
رؤيا : استعرفتي بلي خامجة ..
لينة : ميعرف لخماج غير لي تربى فيها .. معا الوقت نوريلك بلي انا خامجة بإمتياز نتي و باباك ..
خلاتها واقفة وحدها هكاك و خرجت لجاردان .. تحس بالغمة كي تقعد فهاديك الدار .. و قاعدة دور فيه ..
.. فالغرفة تاع وردة ..
واقفة مقابلة تاقة و معصبة .. دخل ليها عماد الدين و هدر ..
عماد الدين : يما متزعفيش ..
دارت ليه معصبة و تهدر بالعياط ..
وردة : كيفاش منعصبش .. شفت لي راح تتزوج بيها واش راهي دايرة اه .. و زدت وافقة تمتم و نهار قتلك اتزوج برؤيا قعدت تخمم .. هاكا ربيتك انا ..
عماد الدين : ايه ربيتيني نستر الناس .. ماشي حنا نحكمو على لعباد .. بينها و بين مولاها .. واحد معلابالو الا غفرلها ولا لالا .. ربي لي هو ربي و يغفر لعبادو و حنا منغفروش لبعضانا .. تحتاج واحد يسترها راح نسترها انا .. نعاونها ترفد روحها و تعتمد على روحها و نطلقها .. على الاكثر ستة الشهور و نطلقو ..
سكتها بهدرتو .. كالعادة وليدها ديمة رزين .. ديما يخمم من ناحية دين قبل ما يخمم فاي حاجة ..
رجعت خزرت فيه و هدرت ..
وردة : يعني بعد ستة شهور طلقها ..
هزلها براسو .. بمعنى ايه ..
وردة : و تتزوج بعدها برؤيا ... ( بدات تقلقني انا وردة ولله .. مي باينة اي ام تخاف على وليدها .. )
〰️〰️〰️〰️〰️〰️〰️〰️〰️〰️
اوبالاتي 🔥
عماد الدين معول يطلقها خرا ولله .. مدولي تشو توقعاتكم واش يصرا بعد ما يتزوجو .. زعما تحس روحها بأمان و تحكي لعماد الدين ولا نن .. المجهول راهو مختفي هاد اليامات ..
اكتبولي توقعاتكم طوااال عرااااض
و متنسااوش جمجموو كامل الحلقااات
#ليلوشة
أنت تقرأ
⚜️ الأسيرة و المتدين ⚜️
Acción⚜️✨ الأسيرة و المتدين ✨⚜️ 🔸 حصريا على كرونيكات اوبال 🔸 بقلم : Leila Ouaras ( ليلوشة ) •.............................................• اوبالات 🔥 رجعتلكم ليلوشة بكرونيك جديدة بعد ما عشقتو فكرونيك #عشقت_سَلَفِي 🧡 رجعتلكم بكرونيك...
