⚜️✨ الأسيرة و المتدين ✨⚜️
🔸 بقلم : ليلوشة 🔸
🔅حصريا على كرونيكات اوبال🔅
〰️〰️〰️〰️〰️〰️〰️〰️〰️〰️〰️
|| الحلقة 35 ||
لينة : انعم مسمعتكش ..
عماد الدين : قتلك بلي ليوم عندي خدمة و راح نتأخر شوية .. اقعدي هنا و متفتحي لباب لحتا واحد ..
لينة : اوكي .. هادامكان ؟
هزلها عماد الدين براسو بمعنى ايه .. و جاز عليها .. هز الpc ديالو .. دوزانو كامل و راح ..
قعدت لينة دور تما فالدار .. نحات خيمارها .. بعدها ملقاتش واش دير دخلت تعمل دوش ..
عند عزيز بعد ما دا العقد .. رجع لدار ..
دخل و طلع لغرفتو ديراكت .. قابلاتو نورا تما ..
غير دهل تبسمت فوحهو و هدرت ..
نورا : تخلصنا من اول عقبة ههههه ..
ضحك معاها و هدر ..
عزيز : مزال نتخلص من مصدر العقبة و الراس لكبير ..
نورا : مصدر العقبة عرفتها انها لينة .. اما الراس لكبير شكون ..
تبسم عزيز بخبث و هدر ..
عزيز : هههه معا الوقت راح تعرفي .. و دك روحي طيبيلي قهوتي كيما نحبها ..
نورا : من عيوني ( حلابة 😑 ) ..
و راحت .. سناها خرجت مالغرفة و هز تيليفونو و عيط لواحد من رجالو ..
عزيز : الو .. درت واش قتلك ..
الراجل : زعيم .. لقينا نهار الثلاثاء سمانة الجاية راح تكون الدار فارغة ..
عزيز : متأكد ..
الراجل : ايه الزعيم .. عماد الدين راح يتخرج .. اكيد راح تروح معاه يماه .. و راح يدي مرتو تان .. راح تبقا المدام نورا و رؤيا و حكيم .. المدام نورا و رؤيا بعتنالهم دعوة لمعرض الازياء فهاداك النهار و اكيد راح يروحو .. و راح تفرغلك الساحة ليك ..
تبسم بشر .. تبسيمة نصر .. هدر و هو فخور برجالو ..
عزيز : بعد ما تم المهمة نتا و رجال لي ساعدتوني راح تكون ليكم مفاجأة كبير ..
الراجل : شكرا زعيم ..
عزيز قص لابال .. حط التيليفون و وقف يخزر لجاردان مالتاقة و تبسيمة مفارقتش وجهو ..
دخلت نورا هازة فيدها كاس قهوة ..
قربت ليه و مدتهالو .. و هدرت ..
نورا : راك تبان فرحان ..
عزيز : هههه قريب نتهناو ...
طلعت الدروج بلعقل .. تتلفت يمين و يسار تشوف الا شي حد شافها .. وصلت للباب .. تقدمت ليها بلعقل .. انفاسها متسارعة .. قلبها قاعد يدق بالقاوي ..
رمات يدها للباب و فتحتها ....
〰️〰️〰️〰️〰️〰️〰️〰️〰️〰️
اوبالاتي 🔥
اكدوولي على المقطع الاخييير تاع الحلقة فييه قنبلة .. زعما شكوون هاديك لي دخلت و واشمن دار دخلت .. و عزيز لقا وقت المهمة .. زعما لينوش راح تكون فالدار ولا نن .. خلولي توقعااتكم
و جمجمووولي الحلقااات كامل عميراتي ..
#ليلوشة
أنت تقرأ
⚜️ الأسيرة و المتدين ⚜️
Action⚜️✨ الأسيرة و المتدين ✨⚜️ 🔸 حصريا على كرونيكات اوبال 🔸 بقلم : Leila Ouaras ( ليلوشة ) •.............................................• اوبالات 🔥 رجعتلكم ليلوشة بكرونيك جديدة بعد ما عشقتو فكرونيك #عشقت_سَلَفِي 🧡 رجعتلكم بكرونيك...
