⚜️✨ الأسيرة و المتدين ✨⚜️
🔸 بقلم : ليلوشة 🔸
🔅حصريا على كرونيكات اوبال🔅
〰️〰️〰️〰️〰️〰️〰️〰️〰️〰️〰️
|| الحلقة 23 ||
غير حس انو لباب تفتح .. حط صبعو على فمو و قاللها شتت .. عمل روحو كأنو يمسح على شعرها و هي تبكي ..
غير فتح لباب لقا خالو يمسح على شعرها و هي تبكي ..
عماد الدين : صباح الخير خالي ..
بعد عليها عزيز .. وقف و دار عند عماد الدين و هدر ..
عزيز : اه عماد الدين جيت .. صباح الخير ..
خزر فيها عماد الدين و ستغرب .. يشوف فيها .. كأنها ممرعوبة .. طاحو عينو على يدها .. لقاها ترعش .. طاحو عينو فعينها .. لقاهم معبيين دموع .. نظرتها منكسرة كأنها حابة تقولو حاجة و ماشي قادرة ..
غمض عينو و رجع فتحهم .. استغفر و رجع خزر فخالو ..
عماد الدين : خير خالي علاش جيت ..
عزيز : جيت نخرج بنتي لينة ..
دار و خزر فيها متبسم و غمزها .. تصدمت كيفاش عرف اسمها ..
عماد الدين : اه مالا انا نروح ..
عزيز : لالا عاوني .. روح دير اجراءات الخروج و انا نعاونها تحبط لطونوبيل ..
هزلو براسو عماد الدين .. و خرج مالغرفة ..
دار ليها عزيز و تبسم معاها و هدر ..
عزيز : شطوورة .. راح نخرج و نخليك تلبسي رغم انو كنت حاب نعاونك .. و غمزلها ..
غمضت عينها .. و خلاتو حتا خرج .. رجعت ناضت .. لبست حوايجها بلعقل .. دارت تسڤم فراشها .. لقات خمار فوقو ..
رفداتو و تبسمت .. حطاتو على راسها و عدلاتو مليح .. سڤمت فراشها .. و قعدت فوقو ..
زادت شوية سمعت لباب تفتح ..
طلعت راسها و خزرت فيه .. حابة تقتلو ..
عزيز : اوو كتكوتة دير خمار .. ايا امشي قدامي نروحو لدار .. و نبهك واش يقولو قولي ايه ردي بااالك تناقشي ولا تكذبي هدرتي ..
مفهمتش واش قاللها و واش يقصد اما خزرت فيه و هزتلو براسها بمعنى ايه ..
ناضت تمشي و هو موراها .. وصلو عند الطونوبيل ..
خرج عماد الدين ..
عماد الدين : خلاص خالي فريتها ..
عزيز : يعطيك صحة وليدي .. نروحو لدار ؟
عماد الدين : ايه راني رايح لدار ..
عزيز : مالا نسبقو و نتا تبعنا ..
ركبت لينة معا عزيز .. و عماد الدين طلع فطونوبيلتو .. راحو لدار ..
مسافة نص ساعة و وصلو .. لحقو فنفس الوقت .. حبطو مطونوبيل و توجهو للباب تاع الدار ..
لينة و عزيز كانو قبل عماد الدين ..
دخلو لقاوهم مجتمعين فالدار .. وقفو كامل يخزرو فيهم ..
الجد حكيم : حمدلله على سلامتك بنتي ..
هزتلو براسها تشكر فيه ..
نطقت رؤيا مغششة ..
رؤيا : شكون هادي .. علاش جات لدارنا ..
نطق عزيز متبسم معا بنتو و هدر ..
عزيز : راح تبقا معانا فدار .. ديريها كيما صحبتك بنتي ..
خزرت فيها مالتحت للفوق و هدرت ..
رؤيا : منعرفها ما تعرفني و علاش تبقا هنا ..
نطق عماد الدين بدون ما يحس ..
عماد الدين : كيفاش تبقا فالدار غرباء عليها .. لا يجوز للمرأة انو تقعد فدار غير دار باباها ولا راجلها بدون محرم ..
دارت لينة تخزر فيه .. خزرة لوم .. غاضاتو و ندم لي هدر هكاك .. اما هادي هي الحقيقة ..
عزيز : و شكون قال راح تبقا بدون محرم ..
خزر فيهم كاامل و هدر ..
عزيز : قررت اني نتزو....
قبل ما يكمل هدرتو .. قاطعو الجد حكيم و هدر ..
حكيم : مراحش تبقى بدون محرم و راح ترجع زوجة عماد الدين ..
خزرو فيه كاامل مصدومين و اكثرهم عماد الدين و لينة ..
〰️〰️〰️〰️〰️〰️〰️〰️〰️〰️
اوبالاتي 🔥🔥
شكرااا شكرااا بلا متبرسوني علابالي بلي انا ناس ملاح و بلي راح نزوجهم مرسي مرسي .. مكلاه توجدو حوايجكم .. عرس متدين مكاش غنا و تان عندهم جنازة تاع لؤي ياك ..
صوو هادا واش كتبت ليووم خلو كومنتار واااحد فالرد تاع تعليق كي نحط غدوة نجمجملكم .. قلتلكم وااحد برك متكثروش ..
و خلولي توقعاتكم طوال عراض و ديرو ليستاتي على لكرو باش يطلع تفاعل فيها 🥺
#ليلوشة
أنت تقرأ
⚜️ الأسيرة و المتدين ⚜️
Action⚜️✨ الأسيرة و المتدين ✨⚜️ 🔸 حصريا على كرونيكات اوبال 🔸 بقلم : Leila Ouaras ( ليلوشة ) •.............................................• اوبالات 🔥 رجعتلكم ليلوشة بكرونيك جديدة بعد ما عشقتو فكرونيك #عشقت_سَلَفِي 🧡 رجعتلكم بكرونيك...
