⚜️✨ الأسيرة و المتدين ✨⚜️
🔸 بقلم : ليلوشة 🔸
🔅حصريا على كرونيكات اوبال🔅
〰️〰️〰️〰️〰️〰️〰️〰️〰️〰️〰️
|| الحلقة 62 ما قبل الاخيرة ||
وقف مقابلهم كامل .. عماد الدين رما يدو فجيبو متبسم .. عارف انو راح تكون ليهم صدمة و فرحة فنفس الوقت ..
نطق حكيم ..
حكيم : شكون نتا ..
المجهول : انا هو المجهول ..
تصدمو .. يعني اخيرا جا و راح يعرفوه .. حكيم حس صوتو مألوف .. قعد يخزر فيه يحاول يشوف وجهو اما مقدرش ..
رما لمجهول يدو للقلمونة لي كانت على راسو و نحاها بلعقل و طلع راسو .. و كانت صدمة كبيرة على وردة و حكيم .. لينة معرفاتوش ..
خرج اسمو من فم وردة و هي مصدومة ..
وردة : لؤي ..
تبسمت كأنها ماشي مصدقة و رجعت هدرت ..
وردة : مستحيل .. لؤي مات شفتوو بعيني بلي مات .. .
لؤي : قنعتكم اني مت و ضطريت ندير هكاك باش نحميكم ..
حكيم تفكر هدرت عماد الدين فالسبيطار .. دار خزر فيه .. و هزلو براسو .. بمعنى ايه هو ..
قدمت وردة للؤي و توشاتو تحوس تعرف الا صح و راهي تتخايل ..
قاستو .. تمتم رجعت جبدت يدها .. و ضحكت ..
وردة : لؤي .. صح نتا لؤي ..
و عنقاتو .. و رجعت تبكي بصوت .. حتا هو مكانش اقل منها .. كانت ليه اخت و ام ..
عنق باباه تان .. كان متوحشهم بزااف و ضطر انو يدير هكاك .. اما لينة كانت مصدومة كتر منهم .. شافتهم كي قتلوه بعينها ..
دار لؤي للينة و هدر معاها ..
لؤي : اهلا لينة .. يعطيك الصحة قمتي بمهمتك على اكمل وجه ..
هدرت معاه بلا متحس كأنها مسمعاتوش واش قاللها ..
لينة : شفتهم كي قتلوك .. كنت تما و شفتهم ..
تبسم معاها و رجع هدر .. و بدا يحكيلهم ..
لؤي : هاداك صح انا لي شفتيه .. اما الدم لي شفتوه ماشي حقيقي .. مالنهار لي بابا دار القرار قررت اني نراقب عزيز .. لانو لوكان كنت فبلاصتو راح نغضب و نعمل شي حاجة اما ماشي واش عملو هو .. عرفت بلي حاب يقتلني و سايرتو فالخطة .. و رحت ليه ببذلة مضادة لرصاص و فوقها ساشيات صغار فيهم دم .. وقت لي قوص عليا .. صح اغمى عليا برك اما مامتش .. بعد ما خداوني رجالو و رماوني فنص طريق فطنت و قدمت بلاغ بلي قتلةدو لؤي لي هو انا .. و تفاهمت معا طبيب وقت لي حطوني فمصلحة حفظ لجثث و حقني بدواء لي يخفف ندمن نبضات القلب لدرجة يرجعهم كأنو مكاش .. و هاكا قنعتكم بقصة موتي و بقيت نسير فالحكاية و نحمي فيكم من بعيد .. طبعا بمساعدة لينة ....
لينة : و علاش مخبرتنيش من الاول ..
لؤي : مجرد احتياطات باش نتأكد انو مكاش لي راح يعرفني ..
بعد ما حكالهم لؤي قصتو .. قعدو كيفكيف كلاو .. و تعداو يامات ليهم فالدار و تحسنو العلاقات اكثر .. و رجعت لينة مرت عماد الدين بالحق ...
〰️〰️〰️〰️〰️〰️〰️〰️〰️〰️
اوبالاتي 🔥
اخيييييراااا بقات حلقة وحدة و تخلاااص حكايتنا ..
نروح نكتبلكم الحلقة الاخيرة و نعبر على مشاعري فيها و نديرىكم شوية رومنسية هههه شفتووو شحال نحبكم .. درتلكم الناااية اسعد من سعيدة هههههه متجرجرتووش باطل و دك فرحوني و لي مجمجمتش الحلقات تطلع تجمجمهم ..
#ليلوشة
أنت تقرأ
⚜️ الأسيرة و المتدين ⚜️
Aksi⚜️✨ الأسيرة و المتدين ✨⚜️ 🔸 حصريا على كرونيكات اوبال 🔸 بقلم : Leila Ouaras ( ليلوشة ) •.............................................• اوبالات 🔥 رجعتلكم ليلوشة بكرونيك جديدة بعد ما عشقتو فكرونيك #عشقت_سَلَفِي 🧡 رجعتلكم بكرونيك...
