⚜️✨ الأسيرة و المتدين ✨⚜️
🔸 بقلم : ليلوشة 🔸
🔅حصريا على كرونيكات اوبال🔅
〰️〰️〰️〰️〰️〰️〰️〰️〰️〰️〰️
حط شواربو عى شواربها تلقائيا ..
تصدمت من بوستو .. تحس فشواربو سخونين فوق شواربها .. نبضات قلبها تسارعو .. صدرها رجع يطلع و يهبط بسرعة ..
غمضت عينها بلا متحس و ستحلاتها ..
قعد حاط شواربو على شواربها حتا كمل نحالها الروبة ..
كان راح يبعد عليها اما مقدرش .. حاجة فوق طاقتو تجذب فيه ليها ..
بعد معاناة كبيرة قدر يجبد روحو بلعقل ..
خزر فيها لقا عينيها مزالهم مغمضين و بقات فنفس وضعيتها متحركتش ..
تبسم تبسيمة عريضة عليها .. اما تمتم محاها باش ميحرجهاش و هدر معاها بلعقل .. و فيقها ..
عماد الدين : لينة ..
حست على نسمة باردة وقت بعد عليها .. اما حشمت تفتح عينها و طيح عينها فعينو .. بقات هكاك حتا سمعت اسمها ..
فتحت عينها بلعقل و ثبتت عينها فعينيه ..
توردو خدودها و هربت بعينها من عينها و رجعت تفركت يديها معا بعضاهم .. نسات بلي مراهيش لابسة قدامو من غير روبة لي غطالها بيها لحمها ..
عماد الدين : تقدري تلبسي وحدك ..
فاقت على روحها و شهقت .. و هدرت ..
لينة : ايه خلاص نقدر ..
هزلها براسو ايه .. و خرج خلاها تلبس و غلق موراه الباب ..
غير حست عليه راح طلعت راسها و تبسمت .. حطت يدها على خدودها متبسمة و هدرت ..
لينة : افف راهي سخانة هنا .. ( احم احم 😂 ) ..
ناضت لبست حوايجها .. و رجع تماد الدين لعندها .. ساعدها باش تمشي .. خرجو مالسبيطار و توجهو لدار ..
مسافة نص ساعة و كانو وصلو ..
حبط عماد الدين قبلها مطونوبيل .. و رما يدو لخصرها كانو معنقها و ساعدها باش توقف ..
غلق طونوبيل .. و كل شدها باش تمشي ..
دخلو لدار .. لقاوهم كامل قاعدين فصالون .. وقت لي شافوهم وقفو كامل ..
حكيم : حمدلله على سلامتك بنتي ..
لينة : يسلمك ..
قربت وردة ليها .. و سلمت عليها .. تسدمت لينة فحركتها و هدرت ..
وردة : حمدلله على سلامتك بنتي ..
تبسمت معاها لينة و هدرت ..
لينة : يسلمك طاطا ..
رجعت خزرت لينة فصالون مشافتش رؤيا و يماها .. دارت فبالها انهم عرلو انو رؤيا هي لي طعنتها ..
رجع ساعدها عماد الدين تطلع لفوق .. و حطها فالغرفة ديالو ..
قعد معاها على جنب سرير و هدر ..
عماد الدين : راكي مليحة ..مكاش وجع ..
لينة : شوية اما نقدر نتحملو ..
تهدر معاه و محبطة راسها حشمانة منو ..
رجع هدر معاها ..
عماد الدين : كاش ما تحتاجي ..
لينة : لالا والو ..
عماد الدين : كيفاش حتا صراا هكا .. وين كنتي ..
ستغربت لينة .. دارت فبالها انو بعد ما عرفو بلي رؤيا لي دارت هكاك تكون حكاتلهم ..
لينة : شيي .. كنا نضاربو بالهدرة .. بعدها هز .....
〰️〰️〰️〰️〰️〰️〰️〰️〰️〰️
اوبالاتي 🔥
حبستلكم فاللقطة الحاسمة ههههه زعما لينوش راح تحكي لعماظ الدين واش صرا .. راح تكشف رؤيا ولا كالعادة تضطر انها تخبي و تسكت على حقها .. و عزيز و المجهول واش رااح يديرو .. حقااا قريت توقعاتكم فالحلقات لي فاتو صدمتوني راكم عايشين القصة بتفاصيلها لدرجة انكم حليتو معظم الاسرار ههههه مي منقولش شكون صح و شكون نن
راني نكتب كالعادة كيما البارح خلو تعليق هنا غير نزيد نحط نجمجملكم تعليقاتكم و خلولي رايكم متقولوليش كملي و تزربوني بسك كي نتضغط نولي نسرع الاحداث ليوم تخلاص مبقاش فيها بزاف 🥺💔
#ليلوشة
أنت تقرأ
⚜️ الأسيرة و المتدين ⚜️
Action⚜️✨ الأسيرة و المتدين ✨⚜️ 🔸 حصريا على كرونيكات اوبال 🔸 بقلم : Leila Ouaras ( ليلوشة ) •.............................................• اوبالات 🔥 رجعتلكم ليلوشة بكرونيك جديدة بعد ما عشقتو فكرونيك #عشقت_سَلَفِي 🧡 رجعتلكم بكرونيك...
