⚜️✨ الأسيرة و المتدين ✨⚜️
🔸 بقلم : ليلوشة 🔸
🔅حصريا على كرونيكات اوبال🔅
〰️〰️〰️〰️〰️〰️〰️〰️〰️〰️〰️
|| الحلقة 30 ||
كان فطريق يسوق متوجه لدار صاحبو .. فجأة تفكر بلي نسا ل pc ديالو .. رجع دور طونوبيل و رجع لدار ..
لحق لدار .. طلع بلعقل كان الهدوء و كل واحد فغرفتو .. فتح باب دارو بلعقل .. راح لغرفتو و هو ناسي انو لينة راهي هنا .. فتح باب غرفتو و يا ليتو مافتحها .. قابلاتو بصوغتي دبان غووز قصير لركبة .. رجلها بيوضة .. شعرها كحل و طويل مشمخ .. كان منظرها مغري ..
دارت ليه مفجووعة .. و اووب طاحت عينها و فعينو .. تاع فزينها .. فبراءة وجها .. حاجة فوق طاقتو .. قلبو قاعد يدق بقوة .. و هي مكانتش اقل منو ..
قرب ليها خطوة .. زاد دوزيام .. كان راح يزيد الثالثة .. كأنو جا واحد و خبطو .. فاق على روحو .. حبط عينو و عدا يدو على لحيتو ..
عماد الدين : استغفر الله يا ربي من اول ليلة هاكا ..
لينة : انعم مسمعتكش ..
عماد الدين : اا سامحيني نسيت بلي راكي هنا ..
لينة هدرت و هي مرتبكة ..
لينة : لا عادي ..
عماد الدين : راح نخرج خودي راحتك ..
دار و خرج بزربة .. غلق لباب و وقف موراها ..
حاس سخانة طلعتلو .. افكار مخربطة فراسو .. ماشي فاهم واش قاعد يصرا معاه ..
نفض راسو و راح للغرفة لوخرا .. فرش فراشو و تكسل تما .. بعدها بشوية هز تيليفون و خبر صاحبو انو مراحش يقدر يجي .. رجع حط تيلبفون و دار يدو مور راسو و قاعد يخمم و افكارو طارت بيه ديراكت لمنظرها فغرفتو .. حتا داه النوم و غفا ..
بعد ما خرج عماد الدين من عندها طارت تجري غلقت الباب بالمفتاح ..
فتحت لخزانة .. لقات بيجامات دافيين .. رفدت وحدة منهم لونها violet و مرسوم فيها زهرة ليْلك ( كاين لي يسموها ليْلى و كاين لي يسموها ليْلك ) ..
بعد ما كملت لبست .. قعدت دور فشومبرة .. و لاحظت انو كاين كتابات تاع دين .. رفدتهم بدات تقلب فيهم .. لقاتهم تاع قرايا و تفكرت تاع كيفاش يحبط راسو و كيفاش يستغفر و هدرت ..
لينة : يخااه زعما ميكونش متدين .. تبهديلة و زاد شافني هكاك ..
خبطت راسها بيدها و رجعت هدرت ..
لينة : بهلولة نسيتي واش حكاولو عليك ..
رجعت سكتت و قاعدة دور .. بعدها عيات راحت قعدت فسرير .. حست بالخوف تالمون كان الهدوء .. وقفت بلعقل خايفة .. توجهت للباب و فتحتها .. خرجت راسها للكولوار و عيطت بصوت خفيف ..
لينة : عماد الدين .. راك هنا ..
مرجعلهاش .. زادت خافت اكثر .. خرجت للكولوار .. و راحت للغرفة لي مقابلة الغرفة لي كانت فيها ..
فتحت لباب بلعقل .. قابلها راقد فوق سرير .. شعرو داخل فبعضاه .. يدو تحت راسو .. نفسو منظم .. دخلت و قاعدة تخزر فيه و تتبسم ..
فاقت على روحها واش قاعدة دير .. عقدت حواجبها و هدرت معا روحها بهمس ..
لينة : وشبيك يا طفلة افطني واش صرالك ..
دارت و خرجت مالباب .. خافت .. كولوار مظلام و دار كبيرة و الهدوء بزاف .. و غير معاه لي تحس روحها بأمان ..
لينة : يا ربي واش ندير .. خفت .. نروح نرقد معاه .. نورمال راجلي .. و هي تهدر معا روحها راح تخمامها لبعيد ( كيما راح تخمامكم نتوما يا منحرفين 😂 ) ..
رجعت خبطت راسها و هدرت ..
لينة : تفووه راسي المنحرف .. بصح نروح نرقد معااه نخااف .....
〰️〰️〰️〰️〰️〰️〰️〰️〰️〰️
اوبالاتي 🔥
درتلكم شوية رومنسية بزاف عليكم هههههه ايا تشو قولولي زعما تروح ترقد معاه .. زعما يفطن و يشوفها .. و رؤيا مااهي مخططاتها .. و غزووز زعما يفريها غدوة فالعقد ؟
خلووو توقعاتكم كالعادة .. و جمجمولي كااامل الحلقات ..
#ليلوشة
أنت تقرأ
⚜️ الأسيرة و المتدين ⚜️
Action⚜️✨ الأسيرة و المتدين ✨⚜️ 🔸 حصريا على كرونيكات اوبال 🔸 بقلم : Leila Ouaras ( ليلوشة ) •.............................................• اوبالات 🔥 رجعتلكم ليلوشة بكرونيك جديدة بعد ما عشقتو فكرونيك #عشقت_سَلَفِي 🧡 رجعتلكم بكرونيك...
