⚜️✨ الأسيرة و المتدين ✨⚜️
🔸 بقلم : ليلوشة 🔸
🔅حصريا على كرونيكات اوبال🔅
〰️〰️〰️〰️〰️〰️〰️〰️〰️〰️〰️
|| الحلقة 60 ||
رما يدو لنيفها .. ملقاش تنفس .. قلبوو حبس .. رفدها بين يديه و طاار بيها لطونوبيل .. كان حكيم ديجا ركب فالطونوبيل .. حطها ماللور و طارو لسبيطار ( مرمدتها لينوش مسكينة كل حلقة نبعتها لسبيطار .. مهم بقاو الماكس كاش خمسة حلقات جهزولي روحكم للنهاية .. نعست يا جدكم ولله .. ) ..
و هوما فالطريق عيطو للابوليس و عطاولهم عنوان الدار ..
بعد مدة قصيرة وصلو لسبيطار .. رفدها بين يديه و دخلها يجري .. جاو الممرضين يجرو ليه .. جابو الحمالة .. و دخلوها للغرفة .. غلقو لباب ..
قعد برا يسنا فيدعي انها تعيش ..
بعد مدة قصيرة خرج طبيب و قالو انها تحتاج دم .. راح تبرعلها بدمو .. و رجع خرج يسنا فيهم يخرجو و يطمنوها عليه .. جا ليه حكيم و هدر ..
حكيم : عزيز ..
عماد الدين هدر بصوت مرتفع شوية ..
عماد الدين : حسابو معايا ..
حكيم : مات ..
قعد يخزر فيه عماد الدين و بعدها حبط راسو و هدر ..
عماد الدين : ربي يرحمو ..
حكيم : انا سبب .. ولادي ماتو فيزوج بسبب قراري ..
خزر عماد الدين فجدو .. غاضو رغم انو غلط .. متمني يخبرو و يفرحو اما ميقدرش .. لانو كل حاجة فوقتها مليحة .. راح يرجع هو و يحكيلهم كلش احسن ( راني زدت بينتلكم اكثر الا معرفتوش معنتها نتوما ماشي تاع ذكاء هههه )..
و هوما هكاك خرج الطبيب مالشومبرا لي كانت فيها لينوش .. و هدر ..
طبيب : نتونا عايلتها ..
عماد الدين : ايه انا راجلها ..
طبيب : جرح مرتك تفتح و نزفت بزااف .. لازم ترد بالها على روحها .. هاد المرة سلكت .. يمكن مرة الجاية نتلحقش و ميتحملش قلبها ..
عماد الدين : و راهي مليحة .. نقدر ندخل نشوفها ..
طبيب : ايه راهي مليحة بعد شي نص ساعة يزول مفعول المخدرو تفيق ..
عماد الدين : شكراا دكتور يعطيك الصحة ...
الطبيب : العفو .. راح طبيب .. و عماد الدين دخل لعندها .. قدم ليها يجري و طبع بوسة على جبهتها .. و هدر فرحان ..
عماد الدين : حمدلله يا ربي ..
قعد شادها فيديا و يراقب فيها و فتنفسها حتا عدات نص ساعة .. و بدات تفطن ...
فتحت عينها بلعقل .. تشوف فيه قاعد مقابلها .. تبسمت معاه تبسيمة خفيفة ..
رفد يدها و باسها و هدر ..
عماد الدين : نموت عليك يا لينة ..
تخلعت فهدرتو .. فكل مرة تدخل لسبيطار يرجع حنين معاها .. هدرت بلا متحس ..
لينة : حتا بعد واش سمعت عليا ..
عماد الدين : نعرف الحقيقة ..
و اووب فاقت على روحها و تذكرت لي صراا قبل ما تجي لسبيطار ....
〰️〰️〰️〰️〰️〰️〰️〰️〰️〰️
اوبالاتي 🔥
تكشفوو كااامل الاسرار .. و تخلصنا من رؤيا و من عزيز .. بقا سر المجهول .. يتكشف و نعرفو حكايتو و تخلاص لكرونيييك و نتوحشكمممم بزااااف بزاااااف 🥺💔
خلو كااامل تعليق هنا غير نزيد نكتب .. نجمجملكم ..
#ليلوشة
أنت تقرأ
⚜️ الأسيرة و المتدين ⚜️
Acción⚜️✨ الأسيرة و المتدين ✨⚜️ 🔸 حصريا على كرونيكات اوبال 🔸 بقلم : Leila Ouaras ( ليلوشة ) •.............................................• اوبالات 🔥 رجعتلكم ليلوشة بكرونيك جديدة بعد ما عشقتو فكرونيك #عشقت_سَلَفِي 🧡 رجعتلكم بكرونيك...
