⚜️✨ الأسيرة و المتدين ✨⚜️
🔸 بقلم : ليلوشة 🔸
🔅حصريا على كرونيكات اوبال🔅
〰️〰️〰️〰️〰️〰️〰️〰️〰️〰️〰️
|| الحلقة 05 ||
عينيها تحلو على وسعهم .. خاافت لدرجة هدرت بلا متحس و قالت حاجة جاامي كانت متوقعة تقولها ..
نورا : اقتلها .. ( هااه يا نورا بديتي طيحي من عيني راكي رايحة لطريق عزيز الداندو ) ..
تفاجأ كيفاش سمع الكلمة هادي من عندها .. حط يديه فجيبو و دار عطاها بظهر يمشي متوجه للتاقة و يهدر ..
عزيز : لالا نسحقها ..
نورا : واش تسحق من عندها .. راهي خطر علينا ..
عزيز : حاب نعرف شكون لي بعتها .. بالاك بابا لي بعتها .. بعد ما شافتني هربت لازم نتأكد بلي ماقالت لحتى واحد ..
افكار بزااف يدورو فراسو .. خلاوه يشك فيها ..
حطت نورا يدها على فمها مصدومة و هدرت ..
نورا : و الحل كيفاش .. لوكان يشوفها كاش واحد ..
عزيز : راح تبقى هنا مدة طويلة شوية .. لانو بابا شاك فيا بلي راني ندير حاجة مور ظهرو .. لازم نبعد شبهات عليا .. عليها نتي تولي تحبطيلها الماكلة فليل برك .. بالاكي ديري حركة غالطة لانو مزال منعرفوش قدراتها ..
نورا : اوك نمدلها .. اما حاول تحل مسألتها فاقرب وقت ..
هزلها براسو بمعنى ايه ..
دخل يعمل دوش .. و هي غيرت حوايجها و دخلت لفراشها .. حطت راسها و غمضت عينها ..
بعد ما كمل عماد الدين صلى .. قرا شوية قرآن .. بعدها وقف قدام تاقة هاز فيدو كاس قهوة و يخزر لسما .. و هو يخزر فسما جات فبالو نظرة خالو .. نفض راسو من هاد الافكار و هدر ..
عماد الدين : استغفر الله .. ان بعض الظن اثم .. ( احح يا عمري على استغفر الله تاع ولادي يا عمري ) ..
حط كاس تاع القهوة .. توجه لسريرو .. حط راسو و رقد ..
طلع نهار جديد على ابطالنا ..
قاعدة فالكرسي .. مربوطة ما حاسة بحتا حاجة .. صوت نفسها خفييف و ثقيل .. شعرها طايح الكل على وجها .. كل متتنفس يتحرك شعرها معا نفسها .. دنيا معتمة علخر .. ضوء خفيف خاي من ثقبة صغيرة محفورة على الحيط لي مقابلها ..
بدات تتحرك بلعقل .. حلت عينها تخزر فضوء لي ضارب فيها .. اما رؤيتها متضببة .. غمضت و حلت عينها شحال من مرة باش وضاحتلها الرؤية تشوف فغرفة مضلامة و شوية ضوء مقابلها ..
حركت راسها باش تتفقد لغرفة بكل هدوء .. لحد الآن مش متذكرة لي صرا معاها ولا هي وين ..
غير حركاتو حست فوجيعة اسفل راسها .. و اووب معا هاديك لوجيعة تذكرت لي صرا .. تسارعت نبضات قلبها .. نفسها رجع يتسمع بصوت كبير .. حاولت تتنفس من فمها اما استوعبت لي هو مربوط .. حاولت تنوض .. حاولت تتحرك اما كانت مربوطة كلها بالكرسي ..
تحركت و عملت حس على قد ما تقدر .. اما تعبت و ولا حد حس عليها ولا سمعها .. ستسلمت لمصيرها .. غمضت عينها تحاول تتفكر شي حاجة مليحة صراتلها فحياتها .. اما رجعت نظرة عزيز بين عينها .. رجعت فتحت عينها بسرعة ..
و قعدت هكاك تخزر فطرف ضوء هاداك .. و دموعها ماخدين طريقهم على خدها ...
ناض عماد الدين قبل ما يأذن الفجر .. لبس قميص ڤري .. حط مسك عليه ( ياا قلبي يا قلبي 🔥 المسك يا جدكم .. سيبون قررت ندير المسك فكل بلاصة 😂 غير متابعاتي لي يفهموني اوبالات ليزوم )
عدل شعرو .. لبس فاست نواغ خفيفة فوق القميص .. صباط نواغ .. رفد مفاتح طونوبيل .. و راح للجامع ...
〰️〰️〰️〰️〰️〰️〰️〰️〰️〰️
اوبالاتي 🔥
احح وااش رايكم فالحلقات لحد الان .. كيفاش راح يتلاقاو معا بعضاهم زعما .. زعما عمادوش راح يكون الملاك الحارس للينوش بالحق ؟؟ اياا شمرو على يدكم و حطولي توقعااتكم طوال عراض ✨
متنسااوش تجمجموو كامل الحلقات راهم قريب 300 جام ايا وصلوهم نتكل عليكم 🥺❤️
تعليقاات فالرد ❌
#ليلوشة
أنت تقرأ
⚜️ الأسيرة و المتدين ⚜️
Acción⚜️✨ الأسيرة و المتدين ✨⚜️ 🔸 حصريا على كرونيكات اوبال 🔸 بقلم : Leila Ouaras ( ليلوشة ) •.............................................• اوبالات 🔥 رجعتلكم ليلوشة بكرونيك جديدة بعد ما عشقتو فكرونيك #عشقت_سَلَفِي 🧡 رجعتلكم بكرونيك...
