⚜️✨ الأسيرة و المتدين ✨⚜️
🔸 بقلم : ليلوشة 🔸
🔅حصريا على كرونيكات اوبال🔅
〰️〰️〰️〰️〰️〰️〰️〰️〰️〰️〰️
|| الحلقة 07 ||
فجأة .. تفكر لينة .. ناض مبلاصتو بكل هدوء .. جا طالع لبيتو .. ناضت نورا تبعاتو .. دخلت لشومبرا .. غلقت لباب موراها و لتفتت ليه لقاتو مقابل تاقة ..
تقدمت ليه .. حطت يدها على كتفو و هدرت ..
نورا : ندمت بعد ما سمعت هدرتهم ..
دار ليها بسرعة و هدر بالعياط ..
عزيز : مندنتش و ممندمش سمعيتينيي ..
ترعبت بعد ما عيط هكاك .. و هدرت مترددة ..
نورا : واش نديرولها الطفلة ..
عزيز : اسمعيني مليح ..
دار ليها .. ركز فعينها مليح و هدر بنبرة حادة ..
عزيز : دك تحبطي ليها .. بلا ميشوفك حتا واحد .. بعد ما تدخلي تلقايها مربوطة .. نحيلها على فمها برك .. ردي بالك تشوف وجهك .. حاولي تدي من فمها الهدرة و حاولي تعرفي شكون لي بعتها ..
هزتلو براسها ايه و هي خايفة ..
دار راح لتحت سريرو جبد مسدس ..
غير شافتو فيدو رعشت .. دقات قلبها تسارعو ..
هدرت بسرعة ..
نورا : هادا هو لي قتلتو بيه ..
تبسم بشر و هزلها براسو بمعنى ايه .. و هدر ..
عزيز : ماشي مسألتنا هادي المهم دك .. هاكي هاد المسدس .. راه فيه كاتم صوت يعني ميتسمعش .. غير تنحيلها على فمها حطيه فوق راسها .. قوليلها تعيطي نتيري ..
ترعبت اكثر .. اول مرة راح تهدد و بيمن بمسدس .. اما الحاجة لي ماشي عارفتها انو بعد هاد المهمة راح ترجع بلا قلب هي تان ..
رجع قدم ليها .. شدها من يدها و هدر ..
عزيز : متخافيش مراح يصرا والو ديري هاكا باش تحميني و تحمي بنتك .. راكي قابلة بقرار بابا اه ( فالحلقات الجايين راح تعرفو هاد القرار لي بسبتو صرات حكايتنا حكاية الأسيرة و المتدين )
هزتلو براسها لالا و هدرت ..
نورا : علاش متروحش نتا ..
عزيز : قتلك بابا راهو شاك بلي راني ندير شي حاجة ..
نورا : خلاص دك نروح .. و الا محبتش تهدر واش ندير ..
عزيز : حاولي معاها شوية الا مهدرتش فليل انا نهبط ليها .. و دار عطاها بظهر و تبسم بشر ..
رجع دار ليها .. حطلها المسدس فيدها .. علمها كيفاش ترفدو و كيفاش تصوب ..
بعدها .. دخلاتو تحت الروب لي كانت لابستها و حكماتو بطرف قماش دوراتو على كرشها ..
لتفتت تمشي للباب .. يدها يرعشو .. وصلت للباب .. كانت راح دور لعزيز اما نطق قبل مدور ليه ..
عزيز : مدوريش كملي طريقك .. اياكي تشوفي موراك .. ديما اتقدمي ( نصيحة جميلة بصح ماشي فمحلها للاسف .. ) ..
هبطت دمعة سخونة على خدها .. مستحتها بسرعة .. فتحت لباب و خرجت ..
و هي هابطة فدروج قابلة عماد الدين طالع .. خزر فيها مستغرب و هدر معاها ..
عماد الدين : وشبيك خالتي نورا ..
تبسمت معاها .. حاولت تبينلو انها عادية و هدرت ..
نورا : اه والو وليدي سلامتك ..
و كملت حبطت فدروج .. عماد الدين بقا مستغرب .. شاف يدها يرجفو و حسها كأنها خايفة من حاجة .. كان طالع .. اما شاف سنسلة تاع نورا طايحة فلرض ..
هبط ليها رفدها .. و دار يعيط لنورا اما مسمعاتوش ..
رجع جا هابط يحوس عليها باش يمدهالها ...
〰️〰️〰️〰️〰️〰️〰️〰️〰️〰️
اوبالاتي 😁🔥
واااش رايكم زعما عمادووش راح يشوف نورا واش راح ديير .. راح يتكشف سرهم .. راح تتلاقا لينوش بعمادووش ولا مزاال .. خلولي توقعااتكم طوااال عراااض نحب نقراهم 🥺
متنسااوش لي مجمجمتش الحلقات تطلع تجمجمهم 😍
❌ تعليقات فالرد ❌
خلووو كاااامل كومنتار هنا الا زدت كتبت و حطيت فليل نجادووغيلكم على تعليقاتكم باش تعرفو بلي حطيت 🔥🔥❤️
#ليلوشة
( هادا واش راني كاتبة هنا لبنات غدوة نزيد نكتب و نحطلكم )
أنت تقرأ
⚜️ الأسيرة و المتدين ⚜️
Acción⚜️✨ الأسيرة و المتدين ✨⚜️ 🔸 حصريا على كرونيكات اوبال 🔸 بقلم : Leila Ouaras ( ليلوشة ) •.............................................• اوبالات 🔥 رجعتلكم ليلوشة بكرونيك جديدة بعد ما عشقتو فكرونيك #عشقت_سَلَفِي 🧡 رجعتلكم بكرونيك...
