⚜️✨ الأسيرة و المتدين ✨⚜️
🔸 بقلم : ليلوشة 🔸
🔅حصريا على كرونيكات اوبال🔅
〰️〰️〰️〰️〰️〰️〰️〰️〰️〰️〰️
|| الحلقة 12 ||
وقفت تزرب .. توجهت تجري للباب .. لقات الخدامة سبقتها .. هدرت معاها و هي متبسمة ..
وردة : خلي انا نفتح ..
هزتلها الخدامة براسها و رجعت للكوزينة ..
تنفست وردة بعمق .. كبرت تبسيمتها اكثر و فتحت الباب ..
و كاانت المفاجأة .. قابلوها زوج بوليسيين واقفين عند الباب ..
تصدمت كي شافتهم .. رجع لون وجها صفر .. افكاااار بزاااف تدي و تجيب فيها ..
فيقها من سرحتها البوليسي وقت لي هدر ..
بوليسي : دار لؤي ***** ..
غير سمعت اسمو حطت يدها على صدرها .. قلبها رجع يوجعها .. هدرت مترددة ..
وردة : ايه هو ..
بوليسي : ممكن ندخل نهدر معا باباه ..
وردة : اكيد اتفضل ..
دخل هو يزرب و هي دخلت موراه تجري لدرجة خلات الباب مفتوحة ..
كانو مجتمعين على طابلة كيما خلاتهم وردة .. يضحكو و يڤصرو .. فجأة حكيم شاف البوليسي سكت و وقف .. كامل يخزرو فيه ستغربو لوين قاعد يخزر .. دارو كامل يشوفو .. قابلهم البوليسي واقف ..
بوليسي : نظن نتا حكيم ***** اب لؤي ***** ..
معا هدرتو وقفو كامل مصدومين ..
هدر حكيم و هو مغمض عينيه يصبر فروحو كأنو عارف واش راح يقول البوليسي ..
البوليسي : للأسف وليدك لقيناه مقتول .. عظم الله اجركم ..
معا هدرتو هادي .. وردة عيطت باسم خووها ففووور لدرجة صدى صوتها تعاود شحال من مرة فالدار .. و طاحت مغمى عليها ..
عماد الدين .. غير شاف يماه هكاك طار ليها .. رفدها راسها بين يديه يحاول يفطن فيها ..
الجد حكيم حبطلو سكر .. طاح قاعد فوق الكرسي ديالو .. راحت ليه نورا و عزيز و رؤيا يجرو ليه ..
الخدمات كل وحدة وين تجري .. لي تجيب فالدوا و لي تجيب فاداة قياس الضغط و لي تجيب فالكولونيا .. رجعت الدار خراب ..
البوليسي هاداك حطلهم تقرير على وفاة لؤي و كل تفاصيل فيها و خرج بهدوء .. عارف انو حالتهم صعيب .. و لوكان يزيد يشرحلهم كيفاش مات تصرا كارثة ..
بعد ما جازت مدة صغيرة .. فطنت وردة مدمرة .. عينيها منفخيين حمورة .. لقاتهم الكل مغيرين حوايجهم .. لابسين اسود و رايحين للمستشفى لي راهو فيه لؤي ..
ناضت تزرب لبست هي تان و ركبو فطونوبيلات ..
الجد معا وردة و عماد الدين ..
عزيز معا نورا و رؤيا .. راكبين كيفكيف ..
طايرين للمستشفى .. وردة دايرة حالة بلبكا .. تبكي بصوت و شهقت و على لسانها غير اسم خوها ..
هدر عماد الدين معاها و قلبو مقسوم على حالة يماه و على خالو لي مات مقتول ..
عماد الدين : يا يما اصبري .. ان الله كان مع الصابرين ..
خزر فيها حكيم .. عينيه معبيين دموع .. هدر بصوت فيه رجفة ..
الجد حكيم : ربي يرحمو يا بنتي ..
نروحو عند نورا و عزيز .. لي كانو مرتبكين شوية بسبب لينة .. اما عزيز كان عادي و ملامحو عاديين كأنو شخص لي قتلو ماشي خوه ..
وصلو للمستشفى .. دخلو مدمرين .. كل واحد افكارو وين داياتو .. لحقو لعند la morque ( معلاباليش كيفاش نقولولها بالعربية مي لي يحطو فيها الموتى و تجي باااردة ) ..
وقفو كامل فبلاصة وحدة .. هدر معاهم طبيب لي كان تما ..
طبيب : شكون يدخل ..
قبل ما ينطقو كامل نطق عزيز ..
عزيز : انا نسبق ..
راح معا طبيب .. فتحلو الباب و دخلو فيزوج .. الغرفة باردة لدرجة كبييرة ..
خرج الدرج لي كان فيه لؤي .. مغطي بغطاء بيض ..
خرج طبيب و خلاه معاه ..
تقدم ليه بلعقل .. صوت خبطات صباطو قاعدين يتعاودو فالغرفة معا كل خطوة يخطيها ..
وصل عندو .. رما يدو و طلع الغطاء من على وجهو ..
〰️〰️〰️〰️〰️〰️〰️〰️〰️〰️
اوبالاتي 🔥
واااش رايكم واش راح يصرا فالاحداث زعما كي مكاشهم فدار لينوش تهرب ؟؟ ولا مزال ..
صوووري راني فدار خالتي مكااش كونيكسيون كامل و راني مريضة تمرمدت ندمت لي حطيت لكرونيك دك كرهت روحي علاجالها بسك نكره كاتبات يطولو قد منطلب منكم سماح منوفيش 🥺
متنساوش تجمجموولي الحلقات كااامل ..
و خلو توقعاتكم فالرد ..
#ليلوشة
أنت تقرأ
⚜️ الأسيرة و المتدين ⚜️
Action⚜️✨ الأسيرة و المتدين ✨⚜️ 🔸 حصريا على كرونيكات اوبال 🔸 بقلم : Leila Ouaras ( ليلوشة ) •.............................................• اوبالات 🔥 رجعتلكم ليلوشة بكرونيك جديدة بعد ما عشقتو فكرونيك #عشقت_سَلَفِي 🧡 رجعتلكم بكرونيك...
