⚜️✨ الأسيرة و المتدين ✨⚜️
🔸 بقلم : ليلوشة 🔸
🔅حصريا على كرونيكات اوبال🔅
〰️〰️〰️〰️〰️〰️〰️〰️〰️〰️〰️
|| الحلقة 44 ||
الطبيب : المريضة تجاوزت مرحلة الخطر .. بصح اعضاءها داخلية تصررو شوية و يمكن تصرا مضاعفات فهاد المدة .. ماعليكم غير تدعولها ..
رغم لي سمعو عماد الدين من عند الطبيب الا انو فرح بمجرد تخايل انو قلبها ينبض .. ترسمت تبسيمة صغيرة على شفافو ..
راح طبيب و موراه بشوية خرجوها من غرفة العمليات .. و داوها لغرفة وحدوخرا ..
بعد ما كملو عدلولها الاجهزة و كل شي.. خرجو الممرضين من عندها ..
و هوما خارجين عند الباب .. حبس عماد الدين واحد فيهم و هدر ..
عماد الدين : نقدر ندخل عندها ..
الممرض : اكيد اما واحد فيكم برك لي يقدر يدخل .. و مطولش من فضلك ..
هزلو عماد الدين براسو بمعنى ايه .. رما يدو يفتح باب الغرفة .. متحمس يشوفها و فرحان انها عايشة .. قلبو دق بالقاوي وقت لي دخل و شاف منظرها هكاك و هي مربوطة بهادوك الماشينات ..
تقدم ليها بلعقل .. وقف عند راسها يخزر فوجها و يحفظ فتفاصيلو ..
لمح عينها زرقة .. تفكر نهار لي ضربها .. حبط لعندها و طبع بوسة صغيرة على عينها ..
قعد الكرسي لي قدامها ..
شد يدها بيديه فيزوج .. و قاعد يخزر فيها برك ماشي قادر يهدر حتا كلمة الغصة لي فقلبو كانت قوية ..
بعد ما خرج طبيب .. راح موراه عزيز .. و تحت تهديداتو طبعا .. خذا الموس و مسح اثار بصمات بنتو بيدو ..
رجع حط الموس و تبسم بخبث و رجع قعد وسط العايلة ..
نرجعو لعند عماد الدين لي بعد محاولات عديدة قدر يهدر ..
قرب لوذنها بلعقل .. و همسلها بصوت فيه بحة خفيفة ..
عماد الدين : نحبك يا روحي .. ( ايما رااح نطييح .. اوبالات اجرو ليا زوجووني لا نديرلكم مندبة هنا .. ) ..
بعد عليها بلعقل .. و رجع هدر ..
عماد الدين : مسامحك على كلش .. قابل بيك كيما راكي .. فيقي برك و خليني نشوف عينيك .. خليني نشوف نظرتك لي منفهمهاش .. عيطيلي عيمادوش .. ازعفي عليا .. متهدريش معايا .. نوضي برك و خليني نشوفك تتحركي قدامي ..
وقت لي سكت فيه .. دخل الممرض و هدر ..
الممرض : ميسيو .. طولت
داار ليه عماد الدين و هزلو براسو معنى ايه و هدر ..
عماد الدين : دك نخرج ..
خرج الممرض .. رجع عماد الدين دار عند لينوش ..
وقف و رجع تقدم لوذنها و هدر ..
تماد الدين : راني نسنا فيك يا قلبي .. نمووت عليك .. طبع بوسة على جبينها و خرج ..
قابلوه قاعدين .. شافوه كيفاش لون وجهو رجع فهمو انو راهي مليحة .. هدر معاهم ..
عماد الدين : روحو لدار ارتاحوا انا راح نبقا هنا ..
قبل ميكمل هدرتو صونا تيليفون تاع عزيز ..
بعد عليهم و ريبوندا ..
عزيز : الوو
المجهول : اهلا سي عزيز ..
عزيز : واش تسحق ..
المجهول : ههههه نجحت انك تخفي الدليل لي يبين واش دارتو بنتك .. اما حاجة ما تخفى عليا ....
تصدم ملي سمعو .. كيفااش عرف ...
〰️〰️〰️〰️〰️〰️〰️〰️〰️〰️
اوبالاتي 🔥
ياا جدكم بديت ننعس و منيش حابة نرقد و نخلف بوعديي .. و الكونيكسيون تاع الزمر مكااش ..
حااليا الورقة الرابحة راهي فيد المجهول .. بقات حماية حكيم و نتهناااو .. بداا العد تنازلي للمهمة .. اربطوو الاحزمة .. لينووش راهي رجعتلنا ..
خلوو كامل تعليق هنا غير نكتب و نحط نجمجملكم
#ليلوشة
أنت تقرأ
⚜️ الأسيرة و المتدين ⚜️
Acción⚜️✨ الأسيرة و المتدين ✨⚜️ 🔸 حصريا على كرونيكات اوبال 🔸 بقلم : Leila Ouaras ( ليلوشة ) •.............................................• اوبالات 🔥 رجعتلكم ليلوشة بكرونيك جديدة بعد ما عشقتو فكرونيك #عشقت_سَلَفِي 🧡 رجعتلكم بكرونيك...
