(Unicode)
နာကျင်မျက်ရည်(Only Love)-52
"ဘာဆိုင်လဲသမီး..." သူမအဖေက မေးသည်။
"ဆိုင်တယ် ဒယ်ဒီ... အဲ့ဒီ ညီမင်းခ ရဲ့ သူငယ်ချင်း မေသူက ဖေဖေ့ အကြောင်းတွေ အကုန်သိထားတာ... "
"ဟေ... ဟုတ်လား... သူက ဘယ်လိုဖြစ်လို့ သိနေရတာလဲ..."
"သူက မင်းခအမေရဲ့ ဒိုင်ယာရီကို ဖတ်တာရယ် သမီးနဲ့ ဒယ်ဒီ ဖုန်းပြောနေတာကို ကြားတာရယ်ကြောင့်..." ခင်ဝတ်မှုံက ပြန်ပြောလိုက်သည်။
" ဟုတ်လား...ဒါဆိုလည်း အဆင်ပြေတာပေါ့..."
"ဒယ်ဒီ ... သမီးနောက်မှ ပြန်ဆက်တော့မယ်နော်.... အခု ရှိုင်းတို့ တိုက်ကို ရောက်ပြီမလို့..." ဟုပြောပြီး ဖုန်းချလိုက်သည်။
ခင်ဝတ်မှုံက တိုက်ပေါ်ကို တက်လာတော့
မေသူ အသတ်ခံရသည့် သတင်းက လူတိုင်းလိုလို ပြောနေတာကို ကြားရသည် ။သူမက တော့ ဘာမှ မဖြစ်သလိုဘဲ
ဒေါ်တင်တင်နီ တို့ အခန်းကိုရောက်တော့
လူခေါ်ခေါင်းလောင်းကို နှိပ်လိုက်သည်။
တံခါးက ပွင့်လာပြီး" ဟင်... သမီး ပါလား...မိုးတောင် ချုပ်နေပြီကွယ်...လာလာ..." ဟု ဒေါ်တင်တင်နီက ဆီးကြိုသည် ။
"အခြေအနေသိချင်လို့ပါ အန်တီ... ဘယ်လိုလဲ ဟိုကောင့်ကို သေချာပြောခဲ့ရဲ့လား...." ခင်ဝတ်မှုံက မေးလိုက်တော့
"ပြောခဲ့တယ် သမီး... ဒီကောင့်ကို အကျပ်ရိုက်အောင် အန်တီ သေချာပြောခဲ့ပါတယ်...ဒါနဲ့ သမီးကိုပြောပြရဦးမယ်... သမီး သူငယ်ချင်း မေသူကျော် အသတ်ခံရတာတဲ့... အခု တိုက်မှာ လည်း အကုန်လုံး
ပွက်လော ရိုက်နေကြတာ..."ဟု
ဒေါ်တင်တင်နီကပြောသည်။" ဟုတ်လား အန်တီ... စိတ်မကောင်းလိုက်တာ... အခု သူ့ အိမ်က ဘယ်မှာလဲ...
သမီးသွား ဦးမှပါ..." ခင်ဝတ်မှုံ သူမ ဘာမှ
မသိသလို ပုံစံဖြင့်ပြောတော့" သူ့အလောင်းကဆေးရုံ မှာ တဲ့...သူ့ အိမ်ကို သွာစလို့လည်း ထူးမှာမဟုတ်ဘူး ...ညလည်း မိုးချုပ်နေပြီ မနက်ဖြန်မှ ဆေးရုံကို သွားကြတာပေါ့..."ဟု ဒေါ်တင်တင်နီကပြန်ပြောသည်။
YOU ARE READING
နာကျင်မျက်ရည်(Only Love)(BL Story)(Completed)
רומנטיקהလူတစ်ယောက်နဲ့ တစ်ယောက် ချစ်ဖို့ လိုအပ်တာ က အချစ်သည်သာ