Unicode
အခန်း(၉) - မျက်ရည်စက်သဏ္ဍာန်မှဲ့
ရှန်ကျစ်ရှန်းကသူ့ရဲ့အလွန်မြင့်မားနေတဲ့'အကြီးအကဲ'ဆိုတဲ့ခေါင်းစဉ်အားတိတ်တဆိတ်လှောင်ပြောင်နေခဲ့တာဖြစ်သည်။အထူးသဖြင့်သူ့ရဲ့လက်ရှိကျွမ်းကျင်မှုနည်းခြင်းနဲ့သူနဲ့မကိုက်ညီတဲ့အဖြစ်မှန်ကြောင့်ပင်။ဒါပေမဲ့လည်းဒီတစ်ခေါက်တော့တစ်ဖက်လူကိုခြိမ်းခြောက်ဖို့သူ့အနေနဲ့ရွေးချယ်စရာမရှိပဲသူ့အနေအထားကိုအသုံးပြုနေရသည်။
တပည့်လေးကစိုရွှဲနေတဲ့မြေပြင်မှာဒေါက်ခနဲဒူးထောက်လိုက်ပြီးသူ့မျက်နှာကနီရဲနေကာသူ့မျက်လုံးများထဲမှာတော့ကြောက်ရွံ့မှုများပြည့်နှက်နေသည်။သူကအသံထွက်ဖို့ကိုပင်ကြောက်နေ၏။
ရန်ကျင်းကမှောက်သွားတဲ့ရေပုံးကိုတိတ်တဆိတ်ပြန်ကောက်ယူလိုက်ပြီးနောက်တစ်ကြိမ်ရေသွားခပ်ဖို့ပြင်လိုက်တဲ့အချိန်မှာပဲရှန်ကျစ်ရှန်းရဲ့အသံကိုကြားလိုက်ရသည်။
"ပြန်ချထားလိုက်"
သိပ်မကြာခင်ပဲညင်သာတဲ့အားတစ်ခုကသူ့လက်ကိုဆွဲယူလိုက်ပြီးရေတွင်းထဲကရေခပ်ရန်,ပုံးကိုချမည်အားတားဆီးလိုက်သည်။
"ဒီကိုလာခဲ့"
ရန်ကျင်းကရေပုံးကိုကျောက်တုံးရေတွင်းပေါ်မှာနာနာခံခံနဲ့ပဲပြန်တင်လိုက်သော်လည်းအနားကိုတော့ချက်ချင်းလျှောက်မသွားပေ။သူ့မျက်လုံးထဲမှာတော့ရှန်ကျစ်ရှန်းရဲ့အနားမှာနေရခြင်းကရန့်ရှန်အတွက်ရေဆွဲပေးရခြင်းထက်ပိုလို့ဆိုးရွားသည်။
ဒါပေမဲ့လည်းတစ်နှစ်ကျော်လောက်ပညာသင်ကြားပြီးနောက်မှာရှန်ကျစ်ရှန်းကသူ့မျက်နှာကိုတန်ဖိုးအထားဆုံးဆိုတဲ့အကြောင်းအား,လုံလောက်အောင်နားလည်ထားလေသည်။ဒီတပည့်ငယ်လေးရှေ့မှာသူ့မျက်နှာပျက်ရတာကိုလိုချင်မှာမဟုတ်ဘူး
ရန်ကျင်းကနှုတ်ခမ်းကိုကိုက်ပြီးအနားသို့ခရုသွားသလိုဖြေးဖြေးချင်းတစ်လှမ်းဆီလှမ်းလာသည်။သူနဲ့ရှန်ကျစ်ရှန်းတို့အကွာအဝေးတစ်ခုလောက်အရောက်မှာတော့ခြေလှမ်းကိုရပ်လိုက်ပြီးခေါင်းကိုလေးစားစွာဖြင့်ဦးညွှတ်ကာနှုတ်ဆက်လိုက်သည်။
YOU ARE READING
(Completed) ဆရာဖြစ်ရတာမလွယ်ဘူး (ဆရာျဖစ္ရတာမလြယ္ဘူး)
Mystery / ThrillerTitle - It is not easy being a master Author - Jin Xi Gu Nian / Eng translator - Xi Xi Burmese translation period - Jan 5,2021 ~ Oct 14,2022 ရှန်ကျစ်ရှန်းသည်သူ့တပည့်ရဲ့အမြူတေကိုမုန်းတီးမှုကြောင့်ဖြတ်ထုတ်ပစ်ခဲ့သည့်အရံဇာတ်ကောင်ဆရာရဲ့ကိုယ်ထဲကူးပြောင်း...
