Unicode
အခန်း(၃၂) - ခေါင်းအုံးမျှအိပ်ခြင်း
လူငယ်လေးက ဝမ်းနည်းမှုများကြားထဲမှာ နစ်မြှုပ်နေပြီး သူ့ကိုယ်သူ ရုန်းမထွက်နိုင်ပေ။ လူသုံးယောက်ကလည်း သူ့ကို အနှောင့်အယှက် မပေးတာကြောင့် သူ့ခံစားချက်များကို ဖြည်းဖြည်းခြင်း ရှင်းထုတ်နိုင်ဖို့အတွက် တိတ်တဆိတ် ထွက်ခွာသွားသည်။
သွမ့်ယွမ်သည်လည်း စိတ်မကောင်းဖြစ်နေပေမယ့် သူမက သိချင်စိတ်ပိုများနေသည်။
"အကိုကြီးဆွေ့, ဒီတစ္စေအကြောင်းကို ဘာလို့ ဒီလောက်သိနေရတာလဲ?"
ရှန်ကျစ်ရှန်းက အံ့အားသင့်သွားသည့် အမူအယာမျိုး လုပ်လိုက်ပြီး ပြန်ဖြေသည်။
"ငါက ဒီလိုအရာမျိုးကို စပ်စုတတ်တော့ ငါတို့တွေ ခရီးသွားလာတိုင်း အားကျင်းက ငါ့ကို အဲ့ဒီအကြောင်းတွေ အများကြီး ပြောပြပေးတယ်လေ"
သူတို့တွေ စားသောက်ဆိုင်က ထွက်လာတဲ့အချိန်မှာ ရှန်ကျစ်ရှန်းက မတော်တဆလိုလိုနဲ့ ရန်ကျင်းရဲ့ ညာဘက်ကို လျှောက်သွားလိုက်သည်။ရလဒ်ကတော့ ရန်ကျင်းက သူနဲ့ သွမ့်ယွမ်ကြားထဲမှာ ညပ်သွားရခြင်းပင်။ ဒီအချိန်မှာပဲ သွမ့်ယွမ်က ရန်ကျင်းကို ကြည့်လိုက်သည်။
သူမက ရယ်မောရင်းဖြင့် ပြောလိုက်၏။
"ရှင်တို့နှစ်ယောက်က တော်တော်လေး ဆက်ဆံရေးကောင်းကြတာပဲ, အကိုကြီးရန်က စကားသိပ်မပြောတတ်တဲ့ သူမျိုးနဲ့ တူပေမယ့် သူက အရမ်း စွမ်းအားကြီးတယ်, အခုတော့ အချိန်ရှိရင် ကျွန်မ မေးခွန်းတွေ ထပ်မေးလို့ရပြီပေါ့"
သူမက သူတို့နဲ့ အချိန်တစ်ချို့ကြာ ကုန်ဆုံးခဲ့တာကြောင့် လုံလောက်အောင် ရင်းနှီးမှု ရှိနေပြီဖြစ်သည်။ ရလဒ်ကတော့ သွမ့်ယွမ်သည် သူမရဲ့ ခြေလှမ်းများကို လွှဲရင်း သက်တောင့်သက်သာပင် လျှောက်လှမ်းလေ၏။ ဂိုဏ်းအတွင်းမှာဆိုရင် သူမအနေနဲ့ သူမရဲ့ စိတ်သဘောထား အစစ်အမှန်ကို ထိန်းချုပ်ထားခဲ့ရသည်။ အခုတော့ ဂိုဏ်းတူတပည့်များကိုလည်း မတွေ့တာ ကြာပြီဖြစ်တာကြောင့် ရှန်ကျစ်ရှန်းရဲ့ လွှမ်းမိုးမှုအောက်မှာ သူမက ပိုလို့ပင် သက်တောင့်သက်သာ ဖြစ်လာပြီး ရန်ကျင်းကိုပင် နောက်ပြောင်ရဲနေပြီဖြစ်၏။
YOU ARE READING
(Completed) ဆရာဖြစ်ရတာမလွယ်ဘူး (ဆရာျဖစ္ရတာမလြယ္ဘူး)
Mystery / ThrillerTitle - It is not easy being a master Author - Jin Xi Gu Nian / Eng translator - Xi Xi Burmese translation period - Jan 5,2021 ~ Oct 14,2022 ရှန်ကျစ်ရှန်းသည်သူ့တပည့်ရဲ့အမြူတေကိုမုန်းတီးမှုကြောင့်ဖြတ်ထုတ်ပစ်ခဲ့သည့်အရံဇာတ်ကောင်ဆရာရဲ့ကိုယ်ထဲကူးပြောင်း...
