Unicode
အခန်း(၅၁-၁) - ကိစ္စအသစ်
၎င်းတို့သည် လျှို့ဝှက်နယ်မြေထဲတွင် တစ်နှစ်ခွဲနီးပါး နေခဲ့တာဖြစ်သည်။ ထို့ကြောင့် တစ်စုံတစ်ဦးက သူတို့ကို ရုတ်တရက် ပိတ်ဆို့လိုက်ခြင်းက ထူးဆန်းနေသည်။
ရှန်ကျစ်ရှန်းက သူ့အင်္ကျီလက်ကို ခါယမ်းလိုက်ရင်း သူ့ရဲ့ မမြင်ရတဲ့ ချီစွမ်းအင်က လူငယ်လေးရဲ့ ဓားအား ရိုက်ခတ်လိုက်ကာ သူတို့အားလုံးကို ရိုက်ထုတ်လိုက်သည်၊။
လူငယ်များက အချင်းချင်း ထိခိုက်မိမည်အား ရှောင်ရှားနိုင်ရန် နောက်သို့ ခြေလှမ်းအနည်းငယ်လောက် ဆုတ်ခွာလိုက်ကြရသည်။
ရှန်ကျစ်ရှန်းက သူ့အကျီၤလက်အား ပြန်လည်ချောမွေ့စေရန် သပ်လိုက်ပြီး အေးအေးဆေးဆေး စကားစ၏။
"ကောင်းကောင်းမွန်မွန်ပြော, ဓားနဲ့ ညွှန်ခံရတာကို မကြိုက်ဘူး"
လူငယ်များက သူတို့ရဲ့ ပြိုင်ဘက်အား ဒီလောက် အစွမ်းထက်မည်ဟု မမျှော်လင့်ထားပုံပင်။ သူတို့ရဲ့ ဗျူဟာမြောက်လှသည့် ဖွဲ့စည်းပုံက သနားစရာ ကောင်းလောက်အောင် ပျက်စီးသွားပြီးနောက်မှာတော့ ပေါ့ပေါ့တန်တန် မယူဆရဲကြတော့။ သူတို့က ဂရုတစိုက်နဲ့ ပြန်ဖွဲ့စည်းလိုက်ကာ ထိုနှစ်ယောက်အား သတိကြီးစွာ ကြည့်နေကြသည်။
အပြာရောင်ဝတ်ထားသည့် လူငယ်က အရင်ဆုံး စကားစလာသည်။ သူ့ဓားက ရှန်ကျစ်ရှန်းနဲ့ ရန်ကျင်းနားမှာ ဝဲနေပြီးနောက် နောက်ဆုံးတွင် ရန်ကျင်းဆီမှာ အခြေကျသွား၏။
"ခင်ဗျားက ရန်ကျင်းလား?"
ရန်ကျင်းက တည်ငြိမ်စွာ ပြန်ပြောသည်။
"ဟုတ်တယ်"
လူငယ်လေးက တင်းမာစွာ ပြောလာသည်။
"ဟုတ်တယ် ခင်ဗျားပဲ, ခင်ဗျားက နှစ်ဝက်လောက် တောက်လျှောက် လှည့်စားနေခဲ့ပြီး မရေမတွက်နိုင်တဲ့ အန္တရာယ်တွေကို ဖြစ်စေတယ်, ခင်ဗျားကျူးလွန်တဲ့ ရာဇဝတ်မှုက အရမ်းများနေပြီ, ဒီနေ့ ကျုပ်တို့ခင်ဗျားကို ရှာတွေ့ခဲ့ပြီ, အကယ်၍ ခင်ဗျားမှာသာ အသိစိတ် ရှိတယ်ဆိုရင် ကိုယ့်ကိုကိုယ် လက်လွှဲပေးပါ...."
YOU ARE READING
(Completed) ဆရာဖြစ်ရတာမလွယ်ဘူး (ဆရာျဖစ္ရတာမလြယ္ဘူး)
Mystery / ThrillerTitle - It is not easy being a master Author - Jin Xi Gu Nian / Eng translator - Xi Xi Burmese translation period - Jan 5,2021 ~ Oct 14,2022 ရှန်ကျစ်ရှန်းသည်သူ့တပည့်ရဲ့အမြူတေကိုမုန်းတီးမှုကြောင့်ဖြတ်ထုတ်ပစ်ခဲ့သည့်အရံဇာတ်ကောင်ဆရာရဲ့ကိုယ်ထဲကူးပြောင်း...
