Unicode
အခန်း(၅၈) - ရှေ့ပြေးဖြစ်ရပ်များ
ခေါင်းပြောင်ဘုန်းကြီးက ရှန်ကျစ်ရှန်းနောက်မှာ ဝင်ပုန်းသည်။ သူက အခု ရှန်ကျစ်ရှန်းနဲ့ ရန်ကျင်းအား အကာအရံ လုပ်ထားတာကြောင့် ကြည့်ရတာ အများကြီးပိုပြီး စိတ်သက်သာရာ ရသွားပုံပင်။ သူက ကျယ်လောင်စွာ အော်ဟစ်လာသည်။
"ရိုးရိုးသားသားပြောရရင် ငါမင်းကို ပြောပြီးသားလေ။ ဒီတစ်ခေါက် ငါ ဘာအမှားမှ မလုပ်ထားဘူး။ မင်းငါ့ကို ရိုက်လို့ မရဘူး!"
ချန်လျဲ့ ဟုခေါ်သည့် မျက်နှာအေးစက်စက်နဲ့ လူက သူ့အား ဂရုမထားစွာဖြင့်သာ ကြည့်နေသည်။ သူက နှင်းခဲများ ပြည့်နှက်နေသည့် မျက်လုံးများဖြင့် အေးစက်စက် မေးလာ၏။
"စီဖေး ဘယ်မှာလဲ?"
ခေါင်းပြောင်ဘုန်းကြီးက လည်ပင်းကို ပြန်နောက်ဆုတ်ပြီး သူ့ကို ငြင်းဆိုသည်။
"ငါအဲ့ဒီကလေးကို ပြောပြီးသား။ မင်း အားဖေးကို သွားမရှုပ်သင့်ဘူး။ ငါတို့မိသားစု အားဖေးက အရမ်းကောင်းတာ!"
ချန်လျဲ့ က ခေါင်းပြောင်ဘုန်းကြီးအား ခဏလောက် စိုက်ကြည့်ပြီးမှ ရှန်ကျစ်ရှန်းအား ခပ်သာသာ ခေါင်းညိတ်ပြပြီး အေးစက်စွာ ပြောလာသည်။
"အခုပြောတဲ့ သူ့စကားတွေက မမှန်ဘူး။ ဒီလူက အဓိပ္ပါယ်မဲ့စကားတွေ ပြောရတာကို သဘောကျပြီး အမှားနဲ့ အမှန်ကိုခွဲခြားလို့ မရနိုင်ဘူး"
သူ့ရဲ့ 'အဓိပ္ပါယ်မဲ့စကား' ဆိုတဲ့ စာလုံးက ခေါင်းပြောင်ဘုန်းကြီးအား ရည်ညွှန်းခြင်းဖြစ်ကာ ရှန်ကျစ်ရှန်းနဲ့ ဘာမှ ပတ်သတ်မှု မရှိပေ။
ရှန်ကျစ်ရှန်းက ခေါင်းပြောင်ဘုန်းကြီးအပေါ် သူ့ဆက်ဆံမှုနဲ့ ပတ်သတ်လို့လည်း ဘယ်လိုအမြင်မှ ရှိမနေ။ ဒါက သူတို့နှစ်ယောက်ကြားက ကိုယ်ရေးကိုယ်တာ ကိစ္စသာ ဖြစ်သည်လေ။ ဒါပေမဲ့ချန်လျဲ့က ခေါင်းပြောင်ဘုန်းကြီးကို သတ်ချင်နေတဲ့ အပေါ်မှာတော့ အမြင်ရှိတယ်..... အဲ့ဒါကြောင့်လည်း သူ့ဘက်က နားထောင်ဖို့ ပျော်ရွှင်မိသည်သာ
YOU ARE READING
(Completed) ဆရာဖြစ်ရတာမလွယ်ဘူး (ဆရာျဖစ္ရတာမလြယ္ဘူး)
Mystery / ThrillerTitle - It is not easy being a master Author - Jin Xi Gu Nian / Eng translator - Xi Xi Burmese translation period - Jan 5,2021 ~ Oct 14,2022 ရှန်ကျစ်ရှန်းသည်သူ့တပည့်ရဲ့အမြူတေကိုမုန်းတီးမှုကြောင့်ဖြတ်ထုတ်ပစ်ခဲ့သည့်အရံဇာတ်ကောင်ဆရာရဲ့ကိုယ်ထဲကူးပြောင်း...
