Unicode
အခန်း(၄၁-၁) - ပြန်လာခြင်း
ရှန်ကျစ်ရှန်းရဲ့ ပထမအတွေးက ဘာမှမဖြစ်ခဲ့သလို ဟန်ဆောင်လိုက်မယ် ဆိုတာဖြစ်ပြီး ဒုတိယအတွေးကတော့ ဒီလိုဆိုးဝါးတဲ့ အရာမျိုး လုပ်ပြီးတာတောင် မတောင်းပန်တဲ့အတွက် သူက တကယ်ဆိုးတာပဲ ဆိုတာဖြစ်သည်။
--အဲ့ဒါက မရည်ရွယ်ခဲ့ပေမယ့်ပေါ့
သူက ရန်ကျင်းရဲ့ အမူအယာကိုကြည့်ကာ သူ့တောင်းပန်မှုကို မျိုသိပ်လိုက်ဖို့ ဆုံးဖြတ်လိုက်တော့သည်။
အကယ်၍ သူပြောလိုက်မိရင် တစ်စုံတစ်ခု ဆိုးဝါးသွားလိမ့်မယ်လို့ အာရုံရနေတယ်
သူက နောက်ဆုတ်တာကို မသိသာစေရအောင် ဘာမှမဖြစ်ခဲ့သလိုမျိုး ဟန်ဆောင်၍ ခြေလှမ်းဆုတ်လိုက်သည်။ သို့သော် သူ့ခါးတစ်ဝိုက်က ရန်ကျင်းရဲ့ လက်များ တင်းကြပ်သွားတာကြောင့် ရှန်ကျစ်ရှန်းမှာ ကူကယ်ရာမဲ့စွာဖြင့် ပြောလိုက်ရလေသည်။
"အားကျင်း, လက်ကိုလွှတ်လေ"
ရန်ကျင်းက သူ့ကို တိတ်တဆိတ် ငေးကြည့်နေရင်းဖြင့် သူ့လက်ကို အနည်းငယ် ဖြေလျော့ပေးလိုက်သည်။ တကယ့်ကို နည်းနည်းလေးပဲ ဖြစ်ကာ သူ့လက်များက ရှန်ကျစ်ရှန်းရဲ့ ခါးတစ်ဝိုက်မှာ ရှိနေဆဲပင်။
ရှန်ကျစ်ရှန်းက ထိုကဲ့သို့ အကြည့် ခံနေရခြင်းအပေါ် အတော်လေး မသက်မသာ ခံစားလာရတာကြောင့် စကားပြောရန် ပါးစပ်ဖွင့်လိုက်သည်။ သို့သော်လည်း ရုတ်တရက် ရန်ကျင်းရဲ့ မျက်လုံးထဲက အနီရောင် တစွန်းတစကို သတိပြုမိသွားသည်။ ထိုအချင်းအရာကို မြင်သည်နှင့် ရှန်ကျစ်ရှန်းရဲ့ နှလုံးသားက တင်းကြပ်သွားရ၏။ သူက ရန်ကျင်းရဲ့ လက်ကောက်ဝတ်ကို အလိုလို ဆုပ်ကိုင်လိုက်မိပြီး သူ့ခန္တာကိုယ်ကို စစ်ဆေးဖို့ ပြင်လိုက်သော်လည်း သူ့မှာ ဝိညာဉ်စွမ်းအား မရှိတာကို သတိရသွားသည်။
ရှန်ကျစ်ရှန်းရဲ့ လုပ်ရပ်က ဖုံးကွယ်ဖို့ ခက်ခဲလှသည်။ ရန်ကျင်းလည်း နားလည်လိုက်ပြီး သူ့မျက်လုံးထဲက အနီရောင်က ပိုမိုနက်ရှိုင်းလာသည်။ သူက တီးတိုးပြောလာ၏။
أنت تقرأ
(Completed) ဆရာဖြစ်ရတာမလွယ်ဘူး (ဆရာျဖစ္ရတာမလြယ္ဘူး)
غموض / إثارةTitle - It is not easy being a master Author - Jin Xi Gu Nian / Eng translator - Xi Xi Burmese translation period - Jan 5,2021 ~ Oct 14,2022 ရှန်ကျစ်ရှန်းသည်သူ့တပည့်ရဲ့အမြူတေကိုမုန်းတီးမှုကြောင့်ဖြတ်ထုတ်ပစ်ခဲ့သည့်အရံဇာတ်ကောင်ဆရာရဲ့ကိုယ်ထဲကူးပြောင်း...
