Unicode
အခန်း(၆၆-၂) - အဝတ်အစားချွတ်ခြင်း
စုန့်မင်းက ဝုန်းကနဲ ထလိုက်မိပြီး အလွန်လျင်မြန်စွာ လှုပ်ရှားမိတာကြောင့် သူ့ရှေ့က လက်ဖက်ရည်ခွက်များပင် ပြုတ်ကျ မတတ် ဖြစ်သွားရသည်။
အမျိုးမျိုးသော အကြည့်ပေါင်းစုံက စုန့်မင်းနဲ့ရှန်ကျစ်ရှန်းကြားမှာ ကူးလူးနေခဲ့တာ စုန့်မင်းက သူ့စိတ်ကို တည်ငြိမ်အောင် ထိန်းလိုက်ပြီး အပြုံးတစ်ခု ဖြစ်ညှစ်ထုတ်လိုက်၏။
"ဂျူနီယာညီလေး ပြန်လည်ကျန်းမာလာတာကို ဂုဏ်ယူပါတယ်။ ဂျူနီယာညီလေးက အခုမှ တံခါးပိတ် တရားကျင့်ရာကနေ ထွက်လာတာဆိုတော့ ခဏလောက် အနားယူဖို့တော့ လိုသေးတယ်လေ...."
သူ့အတွေးများက ဖရိုဖရဲ ဖြစ်နေသည်။ သူ့စိတ်ထဲမှာ သူက ရှန်ကျစ်ရှန်းရဲ့ နှလုံးဒဏ်ရာအကြောင်း ကောင်းကောင်းနားလည်တယ်ဟု ထင်ထားခဲ့တာပင်။ ထိုနှစ်တုန်းက ဂိုဏ်းချုပ်ဝန်တောင် ကုသဆေး ရှာမတွေ့ခဲ့တဲ့အတွက် ရှန်ကျစ်ရှန်းကတော့ သူ့တစ်ဘဝလုံး အသုံးမဝင်တဲ့ လူတစ်ယောက် ဖြစ်သွားပြီဟု တွေးခဲ့မိသည်။ ဘယ်လိုဖြစ်လို့ ရုတ်တရက်ကြီး....
ရှန်ကျစ်ရှန်းပေးတဲ့ သတင်းက သူ့ခေါင်းတစ်ခုလုံးကို ရှုပ်ထွေးနေစေခဲ့သည်။ သူက မြန်ဆန်သည့် တုံ့ပြန်မှုအား မစဉ်းစားနိုင်တော့ပဲ ထပ်တလဲလဲ ရေရွတ်နေမိ၏။
"ဂျူနီယာညီလေးက တကယ့်ကို လွတ်လပ်ပါတယ်။ လက်ရှိ ဂိုဏ်းမှာလည်း ပြဿနာ ကြီးကြီးမားမား မရှိဘူးဆိုတော့ ဂျူနီယာညီလေး ရှေ့ထွက်ဖို့ ကြိုးစားစရာ မလိုပါဘူး"
ရုတ်တရက် ရှန်ကျစ်ရှန်းက သူ့အင်္ကျီလက်အား ဆတ်ခနဲ ခါလိုက်ပြီး အေးစက်စက်လေပြင်းတစ်ချက်က ဓားသွားတစ်ခုလိုမျိုး စုန့်မင်းဆီ ပြေးဝင်သွားသည်။ ဤအတားအဆီးမရှိသော ခွန်အားပြသမှုသည် ရှန်ကျစ်ရှန်း၏ စွမ်းအားနှင့် အနေအထားကို ဆယ်ပုံတစ်ပုံသာ ပြသခဲ့ခြင်းသာ။
စုန့်မင်း၏ အမူအရာသည် ချောမွေ့ပြီး လိမ္မာပါးနပ်သော်လည်း သူ၏ ကျင့်ကြံမှုမှာ အားနည်းလေသည်။ နှစ်အတော်ကြာအောင် လေးစားမှုများအား ရရှိခဲ့တာကြောင့် ကျင့်ကြံမှုများကို လျစ်လျူရှုထားမိခဲ့သည်။ ယခုအချိန်တွင် သူသည် ဆယ့်တစ်ဆင့် ရှိနေသည့် ကျင့်ကြံသူ တစ်ဦးသာဖြစ်ပြီး သူ့အဆင့်၏ အထွတ်အထိပ်သို့ပင် မရောက်သေးပေ။
أنت تقرأ
(Completed) ဆရာဖြစ်ရတာမလွယ်ဘူး (ဆရာျဖစ္ရတာမလြယ္ဘူး)
غموض / إثارةTitle - It is not easy being a master Author - Jin Xi Gu Nian / Eng translator - Xi Xi Burmese translation period - Jan 5,2021 ~ Oct 14,2022 ရှန်ကျစ်ရှန်းသည်သူ့တပည့်ရဲ့အမြူတေကိုမုန်းတီးမှုကြောင့်ဖြတ်ထုတ်ပစ်ခဲ့သည့်အရံဇာတ်ကောင်ဆရာရဲ့ကိုယ်ထဲကူးပြောင်း...
