Unicode
အခန်း(၃၂) - ခေါင်းအုံးမျှအိပ်ခြင်း
သုံးယောက်ထဲမှာ ရန်ကျင်းက စကားနည်းတဲ့ ဘူးသီးတောင်းတစ်ယောက် ဖြစ်နေပြီး သွမ့်ယွမ်ကတော့ အပြင်လူတွေ ရှေ့မှာဆိုရင် 'ညင်သာပြီးကြော့ရှင်း' သလို ဟန်ဆောင်နေကြ ဖြစ်နေသည်။ ထို့ကြောင့် တစ်ခြားသူများနဲ့ စကားပြောဖို့က ရှန်ကျစ်ရှန်းတစ်ယောက်တည်းသာ ကျန်ရစ်၏။
သူက လှပတဲ့ အသွင်အပြင်ရှိပြီး လိုက်လျောညီထွေတဲ့ စိတ်နေစိတ်ထား ရှိတာကြောင့်, ပေါင်းစပ်လိုက်သောအခါ လူများကို သက်တောင့်သက်သာ ဖြစ်စေရန်အတွက် အထောက်အကူ ပြုနေသည်။
လူလတ်ပိုင်းကြီးက 'အမ်း' ဟုပြောလိုက်ပြီးမှ ကျေနပ်အားရတဲ့ အမူအယာအားထုတ်ဖော်ပြသလာ၏။
"မျှော်လင့်ထားသလိုပဲပေါ့, အဲ့ဒီလျို့ဝှက်မြေက အရင်တုန်းက တစ်ခါမှ မပွင့်ခဲ့ဘူးဘူးလို့ ကောလဟာလတွေ ဖြစ်နေတယ်, အဲ့ဒီထဲမှာ ရတနာ ဘယ်လောက်တောင် ရှာတွေ့မလဲ ဘယ်သူသိမလဲ? ကျုပ်ရဲ့ ကံကောင်းခြင်းကို ကြိုးစားကြည့်တာက ပုံမှန်ပါပဲလေ"
သူက အဲ့ဒီ လျို့ဝှက်မြေနဲ့ ပတ်သတ်ပြီး ပိုသိပုံရတယ်
ရှန်ကျစ်ရှန်းက တိတ်တဆိတ် တွေးမိ၏။ အပြုံးတစ်ခုနဲ့အတူ မေးခွန်းအနည်းငယ် ထပ်မေးလိုက်ပြီး ပိုကောင်းမွန်တဲ့ နားလည်မှုရဖို့ ကြိုးစားလိုက်သည်။
ဒီလျို့ဝှက်နယ်မြေက ရှင်ချုန်းနားတွင် လွန်ခဲ့တဲ့ လများစွာကတည်းက ပေါ်ထွက်ခဲ့သော်လည်း ဖွင့်လို့မရသေးပေ။ ၎င်းသည် သိပ်သည်းသော ဝိညာဉ်ချီများနဲ့ ဝန်းရံထားသည်။ ဒါကိုကြည့်ခြင်းဖြင့် ဝိညာဉ်နယ်မြေက ဘယ်လောက်တောင် ထူးခြားနေသည်ကို ညွှန်ပြနေသည်။
ရလဒ်ကတော့ များပြားလှတဲ့ ကျင့်ကြံသူများ စုရုံးရောက်ရှိလာခြင်းပင်။
ကျင့်ကြံသူများစွာက ရှင်ချုန်းမှာ စုရုံးပြီး လျို့ဝှက်နယ်မြေ ပွင့်လာမည်ကို စောင့်နေကြသည်။ တိုက်တိုက်ဆိုင်ဆိုင် ရှင်ချုန်းရဲ့ ပိုင်ရှင်က ရွမ်ကျီတာဝါရဲ့ တပည့်ဖြစ်နေ၏။ ရှည်ကြာစွာ တွက်ချက်ပြီးနောက်မှာတော့ သူက လျို့ဝှက်နယ်မြေဟာ နောက်ရက်အနည်းငယ်အတွင်း ပွင့်မယ်လို့ ကောက်ချက်ချလိုက်သည်။
YOU ARE READING
(Completed) ဆရာဖြစ်ရတာမလွယ်ဘူး (ဆရာျဖစ္ရတာမလြယ္ဘူး)
Mystery / ThrillerTitle - It is not easy being a master Author - Jin Xi Gu Nian / Eng translator - Xi Xi Burmese translation period - Jan 5,2021 ~ Oct 14,2022 ရှန်ကျစ်ရှန်းသည်သူ့တပည့်ရဲ့အမြူတေကိုမုန်းတီးမှုကြောင့်ဖြတ်ထုတ်ပစ်ခဲ့သည့်အရံဇာတ်ကောင်ဆရာရဲ့ကိုယ်ထဲကူးပြောင်း...
