Unicode
အခန်း(၄၈ - ၂) - သံချေးတက်နေသည့် သော့
နတ်ဆိုးငှက်ပေါက်လေးက ထိတ်လန့်တကြားဖြင့် ကယောင်ကတမ်း ပြောနေပြီး ရှန်ကျစ်ရှန်း နားမလည်ဘူးဟု ထင်နေမိသည်။ တကယ်တော့ ရှန်ကျစ်ရှန်းက အထဲမှာ အင်အားကြီးတဲ့ တစ်စုံတစ်ရာကို သော့ခတ်ထားတယ်ဆိုတာအား ခန့်မှန်းနိုင်သည်။ ထိုအရာက ငှက်လေးရဲ့ အသက်ကို ကြီးမားစွာ ခြိမ်းခြောက်နိုင်တာကြောင့် ကျယ်လောင်စွာ မအော်ရဲခြင်းပင်။
ရှန်ကျစ်ရှန်းက ထိုနေရာမှာပဲ ရပ်နေပြီး သော့ကို သွားထိတော့မလို လုပ်နေတာကိုမြင်တော့ ငှက်ပေါက်လေးက အလွန်အမင်း စိုးရိမ်သွားပြီး သူ့ဆီ အလျင်စလို ပြေးဝင်သွားသည်။ ငှက်လေးရဲ့ နှုတ်သီးသေးသေးလေးက ရှန်ကျစ်ရှန်းရဲ့ အင်္ကျီအနားစကို ဆိတ်လိုက်ပြီး သူ့ကိုဆွဲယူဖို့ ကြိုးစားရှာသည်။
"မဖြစ်ဘူး, ခင်ဗျားဝင်သွားလို့ မရဘူး, ခရစ်, ခရစ်! အဲ့ဒါက ကြောက်ဖို့ကောင်းတယ်!"
ရှန်ကျစ်ရှန်းက သော့ကို ထိလုနီးပါး ဖြစ်နေတဲ့အချိန်မှာ ရုတ်တရက် သူ့လက်က အေးခဲသွားရသည်။ ထိတ်လန့်သွားသည့် ပုံစံက သူ့မျက်နှာမှာ ပေါ်လာလေသည်။
အချိန်တိုမျှ ရပ်တန့်ပြီးနောက်မှာ သူ့လက်ကောက်ဝတ်ကို တစ်ချက်ခါလိုက်ပြီး သူ့လက်ထဲမှာ ဓားရှည်တစ်ချောင်း ပေါ်လာသည်။
ကြည်စင်နေသည့် ဓားကနေ အေးစိမ့်နေသည့် အအေးဓာတ်တစ်ချို့အား ထုတ်လွှင့်လိုက်သည်။ ဓားက သူ့ကို စိတ်လှုပ်ရှားအောင် လုပ်နေသည့် တစ်စုံတစ်ရာနဲ့ တွေ့ဆုံနေရသကဲ့သို့ တုန်ယင်နေသည်။ ရှန်ကျစ်ရှန်းသည် ကြာရှည်စွာ အိပ်စက်နေခဲ့သော 'နှင်းပွင့်အပြန်'ဓား၏ ဓားဝိညာဉ်ကိုပင် ခံစားလိုက်ရသည်...
ဒါက နိုးထချင်နေတဲ့ အရိပ်အယောင်ပဲ
ငှက်ပေါက်လေးက အံ့အားသင့်သွား၏။ ရန်ကျင်းသည်လည်း လှည့်ကြည့်လာသည်။ ခဏတာ အံ့အားသင့်ပြီးနောက်မှာ သူက ပြောလိုက်သည်။
"ဒါက?"
ရှန်ကျစ်ရှန်းက ဓားလက်ကိုင်အား လက်တစ်ဖက်နဲ့ ကိုင်လိုက်ပြီး ဓားသွားကို နောက်တစ်ဖက်နဲ့ ကိုင်လိုက်သည်။ သူက အင်အားအနည်းငယ် ထုတ်လိုက်ပြီး လှုပ်ရှားနေခြင်းအား ရပ်တန့်စေလိုက်သည်။ ဓားက အေးစက်စက် အလင်းများအား ထုတ်လွှင့်လိုက်ကာ သူ့ကိုယ်ထည်က တုန်ယင်နေသည်။'နှင်းပွင့်အပြန်' ၏ပိုင်ရှင်အနေဖြင့် ရှန်ကျစ်ရှန်းသည် ၎င်း၏တုန်လှုပ်ခြင်းကို ရှင်းရှင်းလင်းလင်းခံစားနိုင်ခဲ့သည်။
BINABASA MO ANG
(Completed) ဆရာဖြစ်ရတာမလွယ်ဘူး (ဆရာျဖစ္ရတာမလြယ္ဘူး)
Mystery / ThrillerTitle - It is not easy being a master Author - Jin Xi Gu Nian / Eng translator - Xi Xi Burmese translation period - Jan 5,2021 ~ Oct 14,2022 ရှန်ကျစ်ရှန်းသည်သူ့တပည့်ရဲ့အမြူတေကိုမုန်းတီးမှုကြောင့်ဖြတ်ထုတ်ပစ်ခဲ့သည့်အရံဇာတ်ကောင်ဆရာရဲ့ကိုယ်ထဲကူးပြောင်း...
