Unicode
Extra (1) - ဆောင်းဦးပေါက်ပွဲတော်
ကျင့်ကြံရေး နယ်ပယ်ရှိ ပွဲတော်များသည် တကယ်တော့ သာမန်ကမ္ဘာနှင့် ဆင်တူသည်။
ဥပမာအားဖြင့် ယနေ့သည် ဆောင်းဦးပေါက်ပွဲတော်ဖြစ်သည်။
ဤသည်မှာ ရံဖန်ရံခါဆို မိသားစုနှင့်အတူ ဆိုရင် ပျော်ရွှင်ဖွယ်ကောင်းသော အခမ်းအနားတစ်ခုဖြစ်သင့်သည်။
သို့ပေမယ့် ရှန်ကျစ်ရှန်းက ချင်းယွင်ဂိုဏ်းရဲ့ ဆောင်းဦးပေါက်ကွဲတော်များကို ရိုးအီနေပြီး စွန့်ပစ်မြေထဲက အရိုင်းဆန်သည့် နတ်ဆိုးများကိုလည်း မျက်နှာခြင်း မဆိုင်လိုပေ။ သူက ခဏလောက် စဉ်းစားပြီးနောက်မှာ ဒီနှစ်တော့ ပျော်စရာ တစ်ချို့လောက်ရအောင် သာမာန်သေမျိုး ကမ္ဘာသို့ သွားရန် ဆုံးဖြတ်ချက် ချလိုက်သည်။
ထို့ကြောင့် ရှန်ကျစ်ရှန်းသည် ရန်ကျင်း အာရုံမစိုက်နေတဲ့အချိန်အား အခွင့်ကောင်းယူ၍ မှတ်စုတစ်ခု ချန်ထားခဲ့ကာ တစ်ယောက်တည်း တိတ်တဆိတ်ပင် သေမျိုးကမ္ဘာဆီ ဆင်းသွားတော့သည်
စာရွက်ပေါ်တွင် တိုတိုတုတ်တုတ် စကားလုံးအနည်းငယ်သာ ရှိခဲ့သည်။ ရန်ကျင်းက တစ်ချက်ကြည့်လိုက်ပြီးနောက် မျက်မှောင်ကြုတ်ကာ ကူကယ်ရာမဲ့စွာဖြင့် သက်ပြင်းချမိ၏။
ဆွေ့ရှန်းက ထပ်ပြီး ထွက်ပြေးသွားပြန်ပြီ
ဒီတစ်ခေါက်မှာ ဘာသဲလွန်စမှ မချန်ထားခဲ့တဲ့အပြင် သူ့ကိုရှာဖွေဖို့ မန္တာန်တွေ စာချုပ်တွေကိုလည်း အသုံးပြုခွင့် မပေးခဲ့ဘူး
......
သေမျိုးလောကရှိ ပွဲတော်များသည် များသောအားဖြင့် ကျင့်ကြံရေးနယ်ပယ်ထက် ပို၍အသက်ဝင်သည်။ မသေမျိုးများသည် ကျင့်ကြံခြင်းကိုသာ စွဲလမ်းကြပြီး သာမာန်လူများ ပျော်ရွှင်အောင် လုပ်တတ်သည့် လှည့်ကွက်များကို အာရုံစူးစိုက်မှု နည်းပါးကြသည်လေ။
ရန်ကျင်းသည် လူစည်ကားသော လမ်းပေါ်တွင် လမ်းလျှောက်နေပြီး ပတ်ပတ်လည်တွင် လူအများအပြား ရှိနေသည်။ အားလုံးက ပြုံးပျော်နေပုံရ၏။ သို့သော်လည်း ရန်ကျင်း၏ အမူအရာမှာတော့ တည်ငြိမ်အေးဆေးနေကာ ဤအသက်ဝင်သောလေထုနှင့် မပေါင်းစည်းနိုင်သော သူစိမ်းတစ်ယောက်လိုပင်။
ВЫ ЧИТАЕТЕ
(Completed) ဆရာဖြစ်ရတာမလွယ်ဘူး (ဆရာျဖစ္ရတာမလြယ္ဘူး)
Детектив / ТриллерTitle - It is not easy being a master Author - Jin Xi Gu Nian / Eng translator - Xi Xi Burmese translation period - Jan 5,2021 ~ Oct 14,2022 ရှန်ကျစ်ရှန်းသည်သူ့တပည့်ရဲ့အမြူတေကိုမုန်းတီးမှုကြောင့်ဖြတ်ထုတ်ပစ်ခဲ့သည့်အရံဇာတ်ကောင်ဆရာရဲ့ကိုယ်ထဲကူးပြောင်း...
