Unicode
အခန်း(၄၇-၁) - ပြဿနာရှာခြင်း
ရှန်ကျစ်ရှန်းသည် သူပြောလိုက်တဲ့ 'လှပတဲ့အမျိုးသမီးက ဖိတ်ကြားတာကို ခံရတဲ့အတွက် ဂုဏ်ယူပါတယ်' ဆိုတဲ့ စကားကြောင့်လား မသိသော်လည်း ရုတ်တရက် ရန်ကျင်းရဲ့ အကြည့်က သူ့ကိုအပေါက်ဖြစ်အောင် လောင်ကျွမ်းစေသလို ခံစားလိုက်ရသည်။
သူက အသစ်တွေ့ အဟောင်းမေ့တတ်တဲ့ နှလုံးသားမဲ့ လူတစ်ယောာက်လိုပဲ
ကံကောင်းထောက်မစွာနဲ့ ထိုအမျိုးသမီးက သူတို့ကိုဖိတ်ခေါ်ခြင်းသည် ဇာတ်ကွက်တစ်ခု ဖန်တီးချင်ပြီး သူမရဲ့ ခင်ပွန်းသည်ကို မနာလို ဖြစ်စေရန်သာ ဖြစ်နိုင်သည်။ သူတို့ဒီမြို့ကိုဘာကြောင့် ရောက်လာလဲ ဆိုတာ မေးပြီးတာနဲ့ သူတို့အတွက် ပြင်ပေးထားတဲ အခန်းတွင် သွားအနားယူရန် ပြောလာသည်လေ။
"အပင်ပန်းခံပေးတဲ့အတွက်ကျေးဇူးတင်ပါတယ်"
လမ်းပြပေးသည့် အိမ်တော်ထိန်းအား အပြုံးဖြင့် ပြန်လွတ်လိုက်ပြီးနောက် ရှန်ကျစ်ရှန်းက သူ့မျက်ခုံးနှစ်ခု ကြားကနေရာအား ပွတ်သပ်လိုက်ပြီး ရန်ကျင်းအား ဖြေသိမ့်ပေးရန် ကြိုးစားသည်။
"စိတ်မဆိုးပါနဲ့, ငါဒီကိုလာတဲ့ တစ်ခုတည်းသော ရည်ရွယ်ချက်က Undead City အကြောင်း သေသေချာချာ စုံစမ်းမေးမြန်းချင်လို့ပါ"
ရန်ကျင်းရဲ့ အမူအယာက အနည်းငယ် ပြေလျော့သွားသည်။ ရှန်ကျစ်ရှန်းက ဒါကိုမြင်တော့ ဒီအခွင့်အရေးကို သူအခွင့်ကောင်းယူချင်နေတယ် ဆိုတာအား သိလိုက်သည်။ ရလဒ်ကတော့ အိမ်တော်ထိန်းက သူတို့အတွက် ပြင်ဆင်ပေးထားသည့် အခန်းထဲ ရန်ကျင်းကို တွန်းပို့လိုက်တော့၏။
"နှစ်ဖက်လုံးက အချင်းချင်း တွက်ချက်နေကြတုန်းပဲ, အရင်အနားယူကြတာပေ့ါ မနက်ဖြန်မှ ဒီအကြောင်းကို ဆက်ပြောကြမယ်"
အိမ်တော်ထိန်းက သူတို့ဆက်ဆံရေးကို မသိတာကြောင့် နှစ်ယောက်အတွက် တစ်ခန်းဆီ ပြင်ပေးထားသည်။ ရှန်ကျစ်ရှန်းရဲ့ ပုံစံက သိပ်ဂရုမစိုက်ပုံ ပေါ်သော်လည်း ရန်ကျင်းကတော့ အနည်းငယ် တွန့်ဆုတ်နေသည်။
YOU ARE READING
(Completed) ဆရာဖြစ်ရတာမလွယ်ဘူး (ဆရာျဖစ္ရတာမလြယ္ဘူး)
Mystery / ThrillerTitle - It is not easy being a master Author - Jin Xi Gu Nian / Eng translator - Xi Xi Burmese translation period - Jan 5,2021 ~ Oct 14,2022 ရှန်ကျစ်ရှန်းသည်သူ့တပည့်ရဲ့အမြူတေကိုမုန်းတီးမှုကြောင့်ဖြတ်ထုတ်ပစ်ခဲ့သည့်အရံဇာတ်ကောင်ဆရာရဲ့ကိုယ်ထဲကူးပြောင်း...
