(Completed) ဆရာဖြစ်ရတာမလွယ်ဘူး (ဆရာျဖစ္ရတာမလြယ္ဘူး)

Chapter(74-1) - ကျောက်တုံးနံရံ

Unicode

အခန်း(၇၄-၁) - ကျောက်တုံးနံရံ

တောင်ကြီးက မသေးပေ။ ကျယ်လောင်လှသည့် ပေါက်ကွဲသံကြီးနဲ့အတူ ကျောက်တုံးများနဲ့ ကျောက်ခဲများအားလုံး မြေပြင်ပေါ် တစ်လိမ့်လိမ့် ကျလာရင်းဖြင့် စတင်ရွေ့လျားလာခဲ့သည်။

အားလုံးသည်အကြီးအကျယ် ပြိုကျနေသည့် အပျက်အစီးများကို ရှောင်ရှားရန် ကြိုးစားရင်း ဘေးသို့ ရှောင်ထွက်သွားကြသည်။

အချိန်ကြာမြင့်စွာ ပြိုကျနေပြီးနောက်မှာ ကျောက်တုံးများက ရုတ်တရက် ရပ်တန့်သွားပြီး အပေါ်သို့ ပြန်လည်တက်သွားကာ လျှိုဝှက်နယ်မြေ တောင်ကြီးရဲ့ လားရာအတိုင်း ရွေ့လျားသွားသည်။

လျှိုဝှက်နယ်မြေသည် ပထမတော့ နည်းနည်းခြင်းဆီဖြင့် ဖြည်းညှင်းစွာ ရွေ့လျားနေသည်။ ၎င်း၏ အောက်ခြေက မြေပြင်နဲ့ ခပ်ဟဟလေးသာ ကွာဟနေကာ လမ်းလျှောက်သင်ခါစ ကလေးတစ်ဦးလို လှုပ်လီလှုပ်လဲ့ သွားနေရာမှ တစ်ဖြည်းဖြည်း မြန်ဆန်လာသည်။ ပြုတ်ကျနေသည့် ကျောက်တုံးကြီးများပင် အမြန် မလိုက်နိုင်ပေ။

ကျောက်တုံးများက လျှို့ဝှက်နယ်မြေ၏ နောက်မှ တစ်ခုပြီးတစ်ခု ကမန်းကတန်း လိုက်သွားသည်မှာ အမြီးကြီး တစ်ခုလိုပင်။

တောင်ရှေ့မှာ ရပ်နေကြသည့် လူတိုင်းအား နှိုင်းယှဉ်ရရင် ယင်ကောင်လေးများလို သေးငယ်လှ၏။

လျှန်ချင်းက တောင်ရှေ့သို့ ခုန်ထွက်လိုက်ပြီးသူ့လက်ထဲကကုချင်းအား မြှင့်လိုက်ကာ မြေပြင်ဆီ နောက်တစ်ဖန် ရိုက်ခတ်လိုက်သည်။

ဖုန်မှုန့်များနှင့် ကျောက်စရစ်ခဲများက မြင့်တက်လာ၍ မြေပြင်ပေါ်မှာ အပေါက်ကြီးတစ်ခု ချန်ရစ်သည်။ ကုချင်းဆီမှ ဝိညာဉ်စွမ်းအင်များက မြေပြင်ဆီသို့ ဖြတ်သန်းဝင်ရောက်သွားပြီး တောင်ကြီးရှေ့မှာ မြင့်မားလှသည့် မြေကြီးနှင့်ကျောက်တုံးနံရံတစ်ခုအား ဖြစ်ပေါ်သွားစေသည်။

ထိုသို့ လုပ်ခြင်းက တောင်ကြီးအား ယာယီပိုင်းမျှ ပိတ်ဆို့နိုင်လိုက်သည်။ သူက မြင့်မားလှသည့် နံရံကြီးအား ဝုန်းဆိုတဲ့ အသံနဲ့အတူ ချေမွှပစ်သော်လည်း ပြိုကျသွားသည်အထိ မဖြိုချနိုင်ပေ။ ၎င်းက နောက်သို့ ယိုင်နဲ့ကာ ဆုတ်သွားပြီး ရပ်တန့်သွားသည်။ နောက်ကနေ အမြီးတစ်ခုလို လိုက်နေသည့် ကျောက်တုံးများ ကျောက်ခဲများက တောင်ကြီးအား ဝင်စောင့်ကုန်ကြပြီး ပျော်ပျော်ရွှင်ရွှင် ပတ်လည် လှည့်နေကြသည်။