Unicode
အခန်း(62) - အလယ်
ရှန်ကျစ်ရှန်း၏ မေ့ပျောက်နေသော အတိတ်ဖြစ်ရပ်များသည် အမျိုးမျိုးသော မှတ်ဉာဏ်များအဖြစ် တစ်ခုခုပြီးတစ်ခု သူ့ခေါင်းထဲ ဒီရေအလား တိုးဝင်လာခဲ့သည်။ ၎င်းက သူ့ခေါင်းတစ်ခုလုံးကို ရွှံနွံကဲ့သို့ ဖြစ်လာစေပြီး အသက်ပြန်ရှင်လာသလိုမျိုး ခံစားရစေသည်။
တကယ်တော့ အဲ့ဒီ ခံစားချက်က အစစ်အမှန်ပဲ
ပုံရိပ်ယောင် မှတ်ဉာဏ်ထဲမှ သူ့ကိုယ်သူ ပြန်ဆွဲထုတ်လိုက်ချိန်မှာတော့ သူက အာရုံပျံလွင့်နေပြီး စိတ်ပျက်လက်ပျက် ဖြစ်နေမိသည်။ အချိန်အတော်လေး ကြာမှသာ ဓားကို ရုတ်တရက် ဆွဲထုတ်လိုက်၏။ ဓားချီက ပန်းပွင့်များအပေါ် ဖြတ်သန်းသွားကာ မရေမတွက်နိုင်သည့် ပန်းများ၏ ထိပ်ဖျားများကို ဖြတ်တောက်ပစ်လိုက်၍ အရပ်မျက်နှာ အရပ်ရပ်သို့ ပြန့်ကျဲသွားစေသည်။
ရှန်ကျစ်ရှန်းက အသက်ပြင်းပြင်း ရှုလိုက်ကာ တစ်ဖြည်းဖြည်းဖြင့် တည်ငြိမ်သွားလေသည်။သူ့စိတ်ထဲတွင် "မူလပိုင်ရှင်" ဟူသော အတွေးတစ်ခု ထွက်ပေါ်လာသည်။
တကယ်ကို အဓိပ္ပါယ်မဲ့တာပဲ
သူက အမြဲတမ်း သူ့ကိုယ်သူ စာအုပ်ထဲ ကူးပြောင်းလာတဲ့ အပြင်လူတစ်ယောက်လို့ပဲ တွေးခဲ့မိတာ။ ဒါပေမဲ့ အဲ့ဒါက အမှားကြီး ဖြစ်နေခဲ့တာပဲ!
သူကမှ တကယ့် လူအစစ်ပဲ!
ထူးဆန်းတဲ့ ပင်လယ်ရဲ့ အစွန်းကနေ ဂိုဏ်းချုပ်ဝမ်က သူ့ကို ကယ်တင်ခဲ့ပေမယ့် အရိုးမှာ ကပ်နေခဲ့တဲ့ မိစ္ဆာတစ်ဝက်ရဲ့ ဝိညာဉ်ကိုပါ အတူတူ ခေါ်လာခဲ့မိတယ်။
အဲ့ဒီအချိန်တုန်းက သူက ပြင်းပြင်းထန်ထန် ဒဏ်ရာ ရနေခဲ့တာ။ သေဆုံးခြင်းရဲ့ အစွန်းကနေ ရုန်းကန်ပြီး အသက်ရှုသံလေးပဲ ကျန်ခဲ့တော့တဲ့အချိန်။ ချင်းယွင်ဂိုဏ်းကို သွားနေတဲ့ လမ်းတစ်ဝက်မှာပဲ အဲ့ဒီ မိစ္ဆာတစ်ဝက်က သူ့ခန္တာကိုယ်ကို အပိုင်သိမ်းနေခဲ့ပြီ။
အဲ့ဒီအချိန်မှာ နှင်းခဲပြန်လာဓားရဲ့ ဓားဝိညာဉ်ကလည်း သူ့သခင်ရဲ့ သက်ရောက်မှုကြောင့် စုန်းနဂါးနဲ့ တိုက်ပွဲမှာ ပြင်းပြင်းထန်ထန် ဒဏ်ရာရသွားခဲ့တယ်။ သူက နှစ်နှစ်ခြိုက်ခြိုက် အိပ်ပျော်သွားခဲ့တယ်လေ။ အဲ့ဒါကြောင့် အမှန်တရားက ဖုန်းကွယ်ခံလိုက်ရတယ်
ESTÁS LEYENDO
(Completed) ဆရာဖြစ်ရတာမလွယ်ဘူး (ဆရာျဖစ္ရတာမလြယ္ဘူး)
Misterio / SuspensoTitle - It is not easy being a master Author - Jin Xi Gu Nian / Eng translator - Xi Xi Burmese translation period - Jan 5,2021 ~ Oct 14,2022 ရှန်ကျစ်ရှန်းသည်သူ့တပည့်ရဲ့အမြူတေကိုမုန်းတီးမှုကြောင့်ဖြတ်ထုတ်ပစ်ခဲ့သည့်အရံဇာတ်ကောင်ဆရာရဲ့ကိုယ်ထဲကူးပြောင်း...
