(Completed) ဆရာဖြစ်ရတာမလွယ်ဘူး (ဆရာျဖစ္ရတာမလြယ္ဘူး)

Chapter(15) - နှလုံးရောဂါ

Unicode

အခန်း(၁၅) - နှလုံးရောဂါ

ရှန်ကျစ်ရှန်းသည်မည်းမှောင်နေတဲ့ပင်လယ်ပြင်ထဲမှာမျောလွင့်နေသလိုမျိုးခံစားနေရသည်။

ရေကသူ့အပေါ်ကိုဖိချနေပြီးသူ့ကိုအသက်ရှုရခက်ခဲနေစေ၏။သူ့ရင်ဘက်မှာလည်းအပေါက်တစ်ခုဖြစ်ပေါ်နေသလိုမျိုးခံစားနေရပြီးအသက်ရှုဖို့အတွက်ရုန်းကန်လိုက်တိုင်းပြင်းထန်သောဝေဒနာအဖြစ်ပြောင်းလဲသွားလေသည်။

နောက်တစ်ကြိမ်ပဲထပ်သည်းခံလိုက်မယ်

ရှစ်ကျစ်ရှန်းကတော့သိပ်မကြာခင်ပဲသူရေထဲကိုနစ်မြှုပ်ပြီးသေရတော့မယ်ဟုတွေးမိသည်။

ပရမ်းပတာများဖြစ်နေဆဲအချိန်မှာသူ့အင်္ကျီလက်စကိုတစ်စုံတစ်ခုကလာထိသည်ကိုခံစားလိုက်ရသည်။မသိလိုက်စွာနဲ့ပဲသူ့လက်ခုံနဲ့ထိကြည့်လိုက်မိ၏။သူ့အင်္ကျီလက်ကိုတင်းကြပ်စွာဆွဲထားသည့်လက်သေးသေးလေးကထိရတာအေးစက်နေသည်။

ဘယ်သူလဲ....?

နာကျင်မှုကအနည်းငယ်လျော့ပါးသွားပြီးထိုလက်သေးသေးလေးအားအာရုံစိုက်နိုင်သည်အထိလုံလောက်သွားသည်။အဲ့ဒါကခုနှစ်နှစ်သို့မဟုတ်ရှစ်နှစ်လောက်သာရှိမည့်ကလေးတစ်ယောက်ရဲ့ပိန်ပါးသောခန္တာကိုယ်ဖြစ်ပုံပင်။

ထိုကလေးရဲ့လက်ကောက်ဝတ်ကသစ်ကိုင်းတစ်ချောင်းလိုပိန်ပါးသည်။ရှန်ကျစ်ရှန်းညင်သာစွာကိုင်လိုက်တော့သတိပြုလိုက်မိသည်မှာသွေးခုန်နှုန်းကဘယ်လောက်တောင်အားနည်းနေလဲဆိုတော့ဘယ်အချိန်မဆိုရပ်တန့်သွားနိုင်သကဲ့သို့ပင်ဖြစ်နေ၏။

သူ့ခန္တာကိုယ်ကနစ်မြှုပ်နေဆဲဖြစ်ပြီးအေးစက်တဲ့ပင်လယ်ရေများကသူ့ပတ်လည်မှာဝန်းရံပြီးဖိထားပုံရသည်။ရှန်ကျစ်ရှန်းကနာကျင်မှုများကိုသည်းခံနေရင်းဖြင့်ကောင်လေးအားဖက်ဖို့ကြိုးစားကာသူ့ကိုပါရေမျက်နှာပြင်ခေါ်သွားနိုင်ဖို့မျှော်လင့်နေမိသည်။ထိုအချိန်မှာပဲမှောင်မိုက်သောပင်လယ်ရေပြင်ထဲမှာအလင်းရောင်တစ်ခုတောက်ပလာပြီးကလေးရဲ့မျက်နှာပေါ်ကျရောက်သွားသည်။