Unicode
အခန်း(၅၆) - လျှို့ဝှက်ချက်
ပထမအကြိမ် အနေနဲ့ ရှန်ကျစ်ရှန်းသည် ရန်ကျင်းမှာ သေးငယ်တဲ့ လျှို့ဝှက်ချက်တွေနဲ့ ပြည့်နေကြောင်း လေးလေးနက်နက်ခံစားလိုက်ရသည်။
သူကူးပြောင်းလာပြီး ကတည်းက ရန်ကျင်းကို ဘယ်သောအခါမှ ကန့်သတ်ချုပ်ချယ်ထားခြင်း မရှိသလို မူရင်း ရှန်ကျစ်ရှန်းက လုပ်ခဲ့တယ် ဆိုတာမျိုးကိုညွှန်ပြနိုင်တဲ့ မှတ်ဉာဏ်မျိုးလည်းဒီခန္တာကိုယ်ထဲမှာ ရှိမနေ။
ရှန်ကျစ်ရှန်းက တိတ်ဆိတ်နေပြီး အဓိပ္ပါယ်မဲ့သော အတွေးတစ်ခု တိတ်တိတ်ဆိတ်ဆိတ် ထွက်ပေါ်လာခဲ့သည်—သူနဲ့ ရန်ကျင်းတို့က ဆရာနဲ့ တပည့်အဖြစ် မတွေ့ခင်ကတည်းက တစ်ယောက်ကိုတစ်ယောက် သိခဲ့ကြတာ ဖြစ်လိမ့်မယ်
ဟိုးတုန်းက ဒီလို မရေရာတဲ့ အမှတ်တရတွေထဲမှာ သူတို့... မဟုတ်ဘူး၊ ရန်ကျင်းနဲ့ တစ်နည်းနည်းနဲ့ တွေ့ဆုံဖူးတာ ဒါမှမဟုတ် လမ်းခွဲခဲ့တဲ့သူက မူလပိုင်ရှင် ဖြစ်လိမ့်မယ်
ရှန်ကျစ်ရှန်း၏ နှလုံးသားသည် အလွန်အမင်း မပျော်မရွှင် ဖြစ်သည့် ခံစားချက်များဖြင့် ပြည့်နှက်သွားရသည်။
ရန်ကျင်း တစ်ခါတုန်းက ပြောခဲ့ဘူးသည့် 'အရမ်းကောင်းတဲ့သူ' ဆိုတဲ့ စကားအား မစဉ်းစားပဲ မနေနိုင်တော့ပေ။
ရှန်ကျစ်ရှန်းက အတိတ်မှာ ပျော်ရွှင်နေတတ်တဲ့သူ မဟုတ်သလို တစ်ခြားသူတွေရဲ့ အတိတ်နဲ့ ပတ်သတ်လို့လည်း အာဃာတ လိုက်ထားနေတတ်တဲ့သူမျိုး မဟုတ်ဘူး။ အဲ့ဒါကြောင့်လည်း ရန်ကျင်းရဲ့ ကိစ္စဟောင်းတွေနဲ့ ပတ်သတ်ပြီး အရမ်းစိတ်ထဲ မထည့်မိဖို့ သူ့ကိုယ်သူ ပြောနေခဲ့ရတာ။ ရန်ကျင်းက ကလေးဘဝတုန်းက ခက်ခဲခဲ့တယ် ဆိုတာကိုပဲ သူသိတာမို့လို့ အနာဂတ်မှာ သူ့ကို ကောင်းကောင်း ဆက်ဆံပေးဖို့နဲ့ သူ့ကိုပျော်ရွှင်အောင် လုပ်ပေးဖို့ပဲ ဆုံးဖြတ်ထားတာ။
ဒါပေမဲ့ အခုတော့ သူ့နှလုံးသားထဲကို ဆူးလေးတစ်ချောင်း စိုက်ဝင်သွားသလိုမျိုး ခံစားရပြီး အနည်းငယ် စိတ်မသက်မသာ ဖြစ်မိသည်လေ။
YOU ARE READING
(Completed) ဆရာဖြစ်ရတာမလွယ်ဘူး (ဆရာျဖစ္ရတာမလြယ္ဘူး)
Mystery / ThrillerTitle - It is not easy being a master Author - Jin Xi Gu Nian / Eng translator - Xi Xi Burmese translation period - Jan 5,2021 ~ Oct 14,2022 ရှန်ကျစ်ရှန်းသည်သူ့တပည့်ရဲ့အမြူတေကိုမုန်းတီးမှုကြောင့်ဖြတ်ထုတ်ပစ်ခဲ့သည့်အရံဇာတ်ကောင်ဆရာရဲ့ကိုယ်ထဲကူးပြောင်း...
