#اكرهك_فماذا_لو_احببتك؟
الحلقة ( 3 )
في اليوم الثاني و يوم الاجتماع الي تقريبا نسيته
انا: صباح الخير رهف
رهف : صباح الورد
انا: دعاء ما جتش حتى اليوم؟
رهف: امها تعبانه
انا: ان شاء الله لا باس عليها
رهف: يارب
انا: رهف بنسألك
رهف: اسأليني
انا: شن في اليوم من مراجعات
رهف: اووو شكلك متحمسه للعمل
انا: طبعا اتعودت
رهف: جهزتلك الملفات تلقيهم ع مكتبك و خلي نطلبك شاهي بالحليب 😉
انا: ياريت و الله 😂
و بعد ساعتين كملت مراجعه الملفات
رهف: نادين هيا ع قاعه الاجتماعات
انا( الاجتماع نسيته تماما ) : حاضر
و طلعنا ع القاعه قعمزت جنب رهف و كانوا تقريبا كل موظفين الشركه موجودين
استاذ علاء : اهلا بيكم في اجتماع الشركه الشهري اليوم بنحكوا ع انجازات الشركه خلال هالشهر
تقريبا بعد ساع وصل الاستاذ علاء لقسمنا
بالنسبه لقسم الحسابات نشكرهم ع المجهودات الي يقوموا بها التدقيق ع الملفات امر مش ساهل
و في نهايه الاجتماع المدير ما نساش ان اليوم الاجتماع الشهري
........: صباح الخير موظفين Em
بما انه اليوم الاجتماع الشهري حبيت نتواصل معاكم كالعاده
انا( كان هذا صوت المدير ع السكاي كان كلامه مدروس و صوته فيه الهدوء الواضح كانت مفجأه غير متوقعه بالنسبه ليا)
و في النهايه نشكر الاستاذ علاء و نشكر كل الموظفين لان خلال هالشهر في تقدم للشركه ملحوظ و الى اللقاء في اجتماع اخر
بها الكلمات ختم المدير الاجتماع
رجعنا ع مكاتبنا
رهف: نادين
انا: نعم
رهف : في ملفات مستعجله نبيك تراجعيهم معاي غياب دعاء مأثر سلبا عليا
انا: ولا يهمك هاتيهم
في نهايه الدوام اتفجئنا بحضور استاذ علاء
استاذ علاء : شن صار يا رهف في الملفات المستعجله
رهف: تقريبا ف ساعتين يكونوا كاملين
استاذ علاء : تمام ياريت تكملوهم و تجيبهم ع مكتبي في اسرع وقت
و اتصلت ماما بيا: لا ما تنشغليش عندنا ملفات مستعجله ونكملهم و نروح ما تقلقيش ساعه و تلقيني قدامك
رهف: امك مش متعوده ع التأخير
انا: ههههه ايه
رهف: حتى انا اول ما اشتغلت هكي امااليا و بعدين تعودوا ع التأخير
انا: قصدك ديما هكي
رهف : لا بس لما يكون في شغل مستعجل
كملنا و رجعت للحوش
ماما: نادين
انا: نعممم
ماما: معقوله ساعتين تاخير انتي بنت اقل شي لنهايه الدوام مش بعده بساعتين
انا: و الله يا ماما لازم يكمل اليوم
ماما: مش كان اشتغلتي مع بوك خير
انا؛ اتكلمنا فيه الموضوع انا هكي مرتاحه
ماما: الي يريحك حتى بوك مازال ما روح
انا: بابا المدير ما تنسيش 😂
ماما: خلي نحط العشي بوك بيتعشا برا
انا: ما خاطريش
ماما: انا خاطري و مش حناكل بروحي فاهمه😡
انا: ههههه حاضر حاضر
امشيت لداري دوشت و صليت و لقيت ماما حاطه العشا
ماما: هذا و ما خاطركش 🙂
انا: شكلي جعانه و ما كنتش ندري 😂
••••••••••••••••••••••••••••••••••••••••••••
ريم كالعاده تحكي مع خالد و خصوصا لما شافوا بعض زادت مكالماتهم
ريم: شن تبيني نحكيلك
خالد: كل شي نبي نعرف كل شي عليك
ريم: عنيده شويه و ديما ماما تقولي طفله بحكم ما نعرف ندير شي او ما نحبش ندير شي فاشله في الطبخ وامور الحوش
خالد: الله يعين الي بيتزوجك
ريم: هههه مسكين امه داعيه عليه
