اكرهك ••• فماذا لو أحببتك؟
الحلقة ( 16 )
يوم جديد وكل يوم قاعد يقربني لليوم المجهول ايه مجهول بكل تفاصيله كيف حتكون حياتي مع محمد
تعبني التفكير البروفه الاخيره للفيلو و البنات رهف و ميس و ريم بيمشوا معاي و بنكملوا شوي حاجات ناقصه
وصلنا ع محل الفيلوات
ريم: امتا نوصل للحظه هادي نبي نتزوج نلبسه ونروح لحوشنا راضيه
ميس: قيسي ليش تخلي فيه في خاطرك
رهف: لا فال مش حلو
ريم: بالحق😦
ميس و رهف : هههههه
ريم : ما في عرس حضرته الا وقسته قبل ما تلبسه العروسه
رهف😱: مش كويس هذا الي سامعاته
ميس: ههههههه مش حتموتي ما تخافيش
و طلعت عليهم انا
ريم: تي والله لما نقيسه وخلي يكون فال مش حلو
رهف و ميس: ههههه ما فيش فايده
ريم : كأنك ضاعفه
انا : شويه شن رايكم فيه
رهف: فضيع
ميس: مشاء الله حلو
ريم: تعالي ميس نختارلك اللي يمشي معاك باعتبار ما سيكون
ميس: اوكي
رهف تساوي معاي في الفيلو: خيرك مش فرحانه
انا: لا ابدا
رهف: ملامح وجهك مش ملامح عروسه فرحانه
انا: مش عارفه ( و اتنهدت)
رهف: كل هذا في قلبك شوفي نادين انا مش نسألك شن في بس بنقولك ممكن محمد من الناس الي تكتم ف مشاعرها و هذا ابرز سر لنجاحه لاكن تقدري بالحنيه تغيريه و شويه حب و دلع حيفتح قلبه ما فيش داعي للخوف
ورن تليفون رهف : شوفي عمره طويل هو الي يتصل
وقلبي اتجمد و بعدها بدي يدق كأنه جرس
رهف : ايه بعتهولك ع المكتب
لاكيف متأكده
دور كويس
باهي تمام الي لقيته
استاذ في حد بيكلمك
وحطت التليفون ع ودني
وقعدت ساكته مصدومه
قامتلي ايدي باش نشد التليفون
محمد بهدوء: نادين
انا اتفجأت وقعدت ساكته
محمد : لها الدرجه تبي تكلميني تخلي رهف ......
رهف باعدت عليا و انا قاطعته: لا ابدا بس ورهف دارت هكي بدون ما نقوللها
محمد : وشن يثبت
انا: انت الي ما تبيش تصدق ف مش محتاجه نثبت
محمد : من غير ما تقولي اصلا فهمتها (و سكت و انا سكتت )
محتاجه شي
انا: لا شكرا
وعطيت التليفون لرهف
محمد قعد يفكر في الي صار بس قعد ينفض ف راسه يمين و يسار بالقوه باش معاش يفكر و كمل شغله
رهف: مفجأه حلوه ليك و ليه
انا: ايه
وجت ميس وريم وانا بالي مش معاهم
ريم: المحل تحفه
ميس: اها في هلبا حاجات حلوه
رهف ما جعتوش
ريم: هلبا
وطلعنا ع المطعم
طول الوقت سرحانه
رهف: محمد قالك شي زعجك
انا: ها لالا
رهف شافتلي و مش مصدقه
انا: تي هيا اطلبو جعانه
ريم: بسم الله من امتا انفجعتي
انا : العدوى انتقلت منك
ميس: حق ههههه ريم ديما المتصربعه
رهف: مش كويس انتي وياها خليكم راقيات
ريم: الجوع ما في رقي فيه انا نبي ناكل هيا
وضحكنا كلنا
انا: نبي نطلب منكم طلب
ياريت نتجمعوا ديما و ما نبي شي يفرقنا
ريم: هذا كان فضتيلنا تي قالت رهف محمد طرف
رهف 😳: انا
ريم ابتسمت و نعمت صوتها: اسفه اسفه قالت جذاب و شخصيه و وسيم
ماهي هادي مواصفات الطروف
ميس: هههههه مش حتتغيري يا ريم
انا: مستحيل تخلوني نكمل كلامي مره ف حياتي
ريم التزمي بالصمت
انا: ما عندي خوات بس انتم خواتي و سندي الي مهما كنت مضايقه شوفتكم تسر قلبي
ميس و ريم و انتي رهف مع اني كيف اتعرفت عليك بس كانه ليا سنين نعرفك و ميسون ما نبي شي يفرقنا
ميس : يا رب يدوم لمتنا
ريم: نتكلم؟
انا: وين تقدري انتي اتفضلي اتحفينا
ريم : شن النكد الي قولتيه توا بلا دراما فددتينا حتى في عرسك نكد شوفي دموع رهف تي نبو نهيجو احنا و
بعدين من بيسيبك اصلا دايره مشروع ف راسي نشوف خو محمد بالك طرف حتى هو
انا : ارتاحي خوه يقرا ثانوي لا يصلح ليك
ريم: اووو خساره
انا: بس رهف عندها خو سنفور
ميس: بعد شن يعني ريم قدام رهف ما كانتش كيوت للاسف شافت الوجه البشع ههههه
ريم بلعت ريقها: ااا
رهف: اطمني متزوج و عنده زوز صغار
و اهنا ريم اتنفست براحه: باهي خير ما تقولي بوعبعاب 😂
و قعدنا نضحكوا
كملنا غدي و طلعنا نشروا الي ناقص
انا: خلاص اتعبت
ميس : اهو كملنا
رهف: معاش ناقصك شي؟
انا : لا كله تمام
ريم: في محل متع لبس حوش يهبل
انا: انا اكتفيت
ريم : اركبي السياره ربع ساعه ونجيكم
و هذا الي صار
و بعد نص ساعه جت ريم
انا: عطلتي
ريم: اي يهبل خديتلك حاجات منه
و روحنا
لقيت ماما : باهي الي جيتي عندي مشوار اقعدي مع صهيب
