اكرهك ••• فماذا لو احببتك
الحلقه( 34 )
نزلت و انا كلامه يتردد ف عقلي و يجرح قلبي ينزف كل يوم تعبت تعبت
مع العصر مقعمزين نشربو في قهو ه
حاولت نبين طبيعيه ما قدرتش الي حاساته واعر هلبا
سعاد : جيبي البشكوت الي درته يا جوري
جوري كانت تحكي ع التليفون : باهي شويه يا ماما
انا: توا نمشي انا ياعمتي
امشيت و لحقني محمد
اول ما خشينا المطبخ
جبذني من ايدي
انا شن قتلك
و معاش نسمع فيه اخر شي نتفكره انه ارخي ايدي
محمد ما كاملتش كلامي و لقيتها طايحه من طو لها
انصدمت
حسيت اني بلا مشاعرً من امس وًانا شادها هزايب و هي ما تكلمتش بكل
اكيد انا السبب
قمتها و رفعتها للمستشفى بدون ما نوعى لروحي ما انتبهتش لطريق كل الي نفكر فيه خايف عليها و ما نعرفش هل خايف ولا حاس بالذنب متلخبطط
وصلت و طول دخلوها ع الاسعاف
ربع ساعه و انا نستنا و فاتت كانها ساعات و ساعات
لين طلع الدكتور
محمد : طمني دكتور
الدكتور: عندها هبوط اعطناها تغديه و لازم ترتاح
محمد اتنهد : الحمد لله تقدر تروح
الدكتور اتكمل التغديه و تروح
روحنا و لقيت رهف كيف واصله
خشينا
رهف : خيرك لا باس
انا: ما تخافيش هبوط
رهف : نادين احكيلي شن فيك
انا: توا انتي مسيبه عريسك و جايه
رهف: ما همكش فيه ما تحاوليش تتهربي
انا: لا
قاطعتني رهف: نااادين
عند وسام : بس يا خالد
خالد: شني شكلك حبيتها
وسام: تي حب شن متاعك
خالد : احنا اتفقنا تنزللها خشمها الي رافعاته في السميً
وسام: ايه لاكن فكرت و ما صارش
خالد : كييييف😡
وسام : اعراض ناس كيف تبيني نصور البنت ف وضعع غلط
خالد : كيف بنردلها الي دراته
وسام: مش تبي نكسرلها قلبها
خالد :اي
وسام : ساهله نتزوجها ونطلقها بعد العرس بيوم انت شوف شن يصير فها عروسه تطلق اول يوم زواج
خالد : ههههه يا ابن ال
وسام : شني😡
خالد : ي ابن الحلال
وسام: راضي
خالد كل الرضى
(اعتقد عرفتو السر الي ورا وسام )
محمد قاعد في نفس الدوامه و مش قادر يطلع منها
بعد ما روح بيا مافي حد حكي مع الثاني
وقف السياره ع البحر و نزل يعوم مع ان الميه كانت مصقعه
بس مرات نار القلب اذوب حتى الثلج
يبي يقول اسف و مستتقلها
( قداش مديون لنادين بهلبا اسافات)
رهف : احكي و الله نزعل منك
و اهنا قررت انحي حمل من عليا: انا و محمد مش زي اي اتنين متزوجين
رهف: كيييييييف 😨
انا: تذكري لما بابا خسر كل شي
وبديت نحكي ل رهف كل شي وسط جروحي و دموعي
.
.
.
رهف : هذا كل صاير معاك 😞😨
انا نبكي: تعبت و كرهته
رهف: مش طبيعي
انا: مش قادره نطلع من حياته يقولي لو تبيني نطلقك كل شي دفعه يرجعله و هذا شي صاعب
مستحيل
رهف : ليش ما حاولتي تتقربي منه
انا: شن تقولي رهف
رهف: بس الحل الوحيد
انا: هههههه تي انا و مش قاصده قالي ا
رهف : شن قالك
انا حطيت راسي لوطه : رخيصه
رهف : ليش
انا: بتنا في حوش اماليه و اعطتني جوري بيجامه و هي اشبه للروب ع اساس دايره فيا معروف
انقلبت عليا انا نبي نغريه
رهف: ليش لا
انا: رهف انتي واعيه و لا شن
رهف : ماهو اسمه راجلك
وهادي الطريقه الو حيده ال
قاطعتها انا: رهف انا ما نبي منه شي غير يخليني في حالي
رهف : الي فهمته منك انه مستحيل
انا: كرامتي اهم من كل شي اتعودت ع قسوته
رهف : ايه اتعودتي بدليل كنتي ف المستشفى
انا: ههههه اهو ندير في روحي قويه
رهف : باهي ما حستيشي ف اوقات يضعف لما تكوني قدامه
انا : صارت مره
رهف: معناها ا
انا: يا بنتي هذا الامير المغرور
تي هرب و خلاني
رهف بخبت : و انتي سن حسيتي
انا: بالخوف
رهف : اسمعي كلامي لو اتكررت ما تصديشي
انا: الي تقولي فيه مستحيل
ورن الجرس
فتحت لقيت جوري وعمتي سعاد
سعاد : كيف حالك توا يا بنتي
انا: الحمد لله احسن
جوري : تعرفي ماما من بكري اديرلك ف حاجات تاكليها قريب خشت ع العصبان غر ما لقت وقت هههه
انا : ربي يحفظها و يعطيها صحتها
رهف: نستأذن انا و حمد لله ع سلامتك حبيبتي
(وهي تبوس فيا) فكري فكلامي
روحت رهف
و حطو العشا
سعاد : اتصلي بمحمد مش معقوله مرته تعبانه و هو قاعد برا لتوا
و اتصلت جوري / وينك ماما والعه من الاخير روح توا
