اكرهك •••فماذا لو احببتك ؟
الحلقه ( 32 )
وصل محمد لحوش خالتي و هو عقله مش معاه و قلبه اه من قلبه
و طق ع الباب فتحت خالتي
محمد : السلام عليكم
خالتي : و عليكم السلام
محمد: هادي امانتك
خالتي : بارك الله فيك يا وليدي تعبتك معانا
محمد : ما فيش تعب و ردي بالك من هالملاك
خالتي :توا خشي بعدين حسابنا يا جنى
جنى شافت لمحمد تبيه يتوسطلها
محمد : ههههه لا يا خالتي جنى شاطره و تبي تتأسف و لا شني يا جنى
جنى : والله اسفه يا ماما
خالتي : اخر مره والله الجايه بنعلقك من رجليك
جنى : لا لا سامحيني
خالتي : سامحتتك ع خاطر محمد كنت ناويه نعطيك طريحه
جنى شدتلي ايدي متع انزل لوطه بنقولك حاجه
طبس محمد
وشوشتله : شكرا
و طارت تجري
محمد : ههههه هيا نستأذن منك
خالتي : والله ما صارها تشرب قهوه ع الاقل
محمد : لا كاني شربت صحيتي مشغول شويه
و طلع محمد و هو باله مش معاه
و قعد يلف بالسياره و لا عرف وين يمشي
يفكر في كل شي داره من اول ما طلعت في حياته
معقوله نادين تحب وائل و انا خشيت في النص قداش ما غبي ماشفتش الا الانتقام وما فكرتش في ابسط شي بالك البنت تحب حد
و فجأه اذكر وائل لما جاب جنى اكيدا شاف نادين و اكيد تكلموا اكيد جنى سبله بس زي المجنون غير مسار سواقته و ولى للحوش
انا قلقت ع محمد عطل و خفت نتصل بيه يتعصب عليا و احنا لينا فتره هادييين وياسر من المشاكل تعبت نعرف ما يحبنيش بس ياسرني كره و تعذيب اقل شي نعيشوا بسلام
"اما سلام الا عواصف قادمه "
اتصلت بخالتي
انا / وصلت جنى
خالتي / من بكري العصر
انا/ راك تضربيها
خالتي / قبل ناويتها لاكن ع خاطر محمد متوسطلها فتت المخطط
انا خالتي تدوي و انا نفكر في محمد ليه خمس ساعات موصل جنى وين امشي
محمد فيه عقل و طار ما عرفش كيف يتصرف
لين وصل و لقاني مقعمزه في الصاله
و من شفته ارتاح قلبي
انا : اتأخرت
محمد بتعجب : و شن ليك علاقه
انا انصدمت :
"ورجعنا ثاني "
محمد : خالتك سألتني شن قالك وائل لما جاب جنى
انا استغربت سؤاله : خالتي تسأله بروحها
محمد زادت النار في قلبه معناها اتكلموا مع بعض
و انا كملت بعفويه : انا ما شفتاشي بكل فتحت لجنى و كانت بروحها و قالت جابها وائل و بس
محمد ارتاح بس في نفس الوقت معرفش يصدقها اولا
بس المهم ناره بردت شويه
محمد : غدوه عندك مراجعه
انا: اي و الله نسيت
محمد : ارقدي باش نمشوا بكري
انا : تمام
و ركب و خلاني
و جي الصبح و محمد طول ماهو راقد يحلم في احلام غريبه عجيبه
وكلها مش حلوه و ما ليها علاقه بالواقع
المهم امشت ليله كئيبه
ريم في الكليه
حاسه بملل بعد محاضرتين و الثالثه تفكر تفوتها ما تحبش القرايا
و لقت وسام قدامها ( كملت هو الجو زفت زفت خلي تكمل)
وسام : ريم
ريم : الي عندي قلته ما تفهمش و لا ما تفهمش
وسام : نفهم
ريم: مدام تفهم اخطاني انا بنت مش متربيه
باهي هكي
وسام : حشاك لاش تقولي ع روحك هكي
ريم : بلاش منهم المجاملات انا واثقه في روحي كويس بس حسب وجهه نظرك انا هكي خلاص فووووتني
وسام : نبي نكون صديقك و تحكيلي كل شي في حياتك
ريم بملل : و المناسبه
وسام: هكي عجبتني صراحتك و نبي تكون عندي صديقه
ريم : بشرط
وسام : اشرطي
ريم : مش تجي تقولي حبيتك و حبيني و الجو اهوا
وسام: هههههه مش كأنه لسانك متبري منك
ريم: ولا يعرفني اساسا ههههه
وسام : مجنونه ههههه
ريم : ها شن لخص عجبك الشرط و لا خلي انوض نحضر المحاضره الي ما نبيش نحضرها
وسام : عجبني و نوضي احضري محاضرتك ما نبيش صديقتي تكون كسوله
ريم :ع خاطرك بس بنحضرها راهو
وسام: يسلم خاطرك هههههه
ريم : هيا باي
و مد ايده وسام
ريم : شنو فيه
وسام : وعد الصداقه
ريم: قصدك عهد الاصدقاء و جو ماشي ماشي نعيشوا الدور و سلمت عليه و امشت
وسام : مجنون ه
و رفع تلفونه : نجحت الخطه يا معلم
مش قتلك خليني نتكتك بمعرفتي انت الي دوتك فاضيه
وسكر و ع وجهه ابتسامه مكر
