اكرهك ••• فماذا لو أحببتك؟
الحلقة ( 10 )
في المستشفى و انا و بابا نستنوا في الدكتور يطلع يطمنا على ماما و اللحظات تمر ساعات
قلبي رح يوقف زي ما حاسه الوقت واقف وجع عمري ما حسيته
وطلع الدكتور: المريضه عندها انهيار عصبي
انا😮
الدكتور : اطمنوا حالتها توا مستقره عطناها مهدي و حتقعد راقده
انا: الحمد لله
بابا: شكرا ليك دكتور
انا نبكي : انا السبب انا الي صممت نحكولها
ياريتنا ما قنالها
بابا : ما تقوليش هكي امك قويه و حتنوض الموقف مش ساهل عليها يا نادين
ادعيلها و بس
انا: يارب
بعد ثلاث ساعات
انا: بابا روح استريح انا بنقعد معاها
بابا: حتى انا بنقعد
انا: مافيش داعي وضعها مستقر وهذا تاتير المهدي
بابا: نرجعلك الصبح
و روح بابا و قعدت معاها
قعدت واعيه لً اذان الفجر توضيت وًصليت
و من التعب غلبني النوووم
ما حسيتش الا و بماما تفيق فيا
ماما: نادين
نوضت مخلوعه : ماما
انتي كويسه
ماما : الحمد لله احسن ما تخافيش ( و ابتسمت
انا: الحمد لله ع سلامتك
ماما: الله يسلمك جيبلي اميه
انا : اتفضلي يا احلا ام (و شربتها الميه)
خلي نتصل ببابا نطمنه : صباحك ورد
ماما فاقت و وضعها كويس
انا : بابا جاي في الطريق
وبعد نص ساعه
.
.
بابا: جبتلكم احلا فطور لاحلى حاجتين في حياتي
ماما: ربي يحفظك لينا
بابا: كيف حالك توا
ماما: تمام الحمد لله
انا: ميته جوع
وقعدنا نفطرو
و بابا يوكل في ماما: اوووو رومنسيات
بابا: و انا من عندي غير وفاء
انا: و نادين معاش تنفع و لاشنوا
بابا: لا تنفع بس هي توا بتفضيلي الجو و بتمشي لشغلها
انا: بس ما نبيش نمشي
ماما: ما فيا شي اطمني و اتوكلي ع شغلك
بابا: انا قاعد معاها كوني متهنيه
رجعت للحوش دوشت و غيرت و امشيت للشركه
انا: صباح الخير
رهف: صباح الورد كانك متأخره شويه
انا: لا ابدا انتي جايه بكري شكلك
رهف: نسألك سؤال
انا: اكيد
رهف : خيرك امس و اليوم وجهك شاحب و مش طبيعيه
انا: ماما تعبانه شويه
رهف: سلامتها
وليش جايه و مخلتيها
انا: بابا معاها و اصرو اني نجي
شوي و طق المكتب
لميس: هاي
انا و رهف 🙄
لميس: انا لميس من قسم الماليه حطوني مساعده معاكم
كانت لميس غايه في الجمال و الاناقه و الدلع بس دمها ثقيل( مش حاسدتها ما تمشوش بعيد)
رهف: فعلا!!!!
انا: اهلا بيك انا نادين و هادي رهف
لميس: بيك حبيبتي
رهف😏
انا اشغلت روحي بالملفات الي قدامي
لميس: شن تبوا ندير توا
رهف: نادين ياريت تشرحيلها شن ادير
انا: 😨
امشيت لمكتبها و حطيت الملفات
تراجعي هادوم و لو خطأ تشأري عليه
لميس: خطا كيف
انا: في الحسابات لو مش مضبوطه
ع طول الملف لازم الاداره يكون عندها علم
لميس : اه اوكي
و رجعت لمكتبي
و بعد حوالي ساعتين
لميس: اوووف انا جعت و تعبت
