وهادي حلقه ثانيه هديه بس معاش بننشر لين نكمل اصبرو عليا بالله
قراءه ممتعه احبائي
اكرهك •••فماذا لو احببتك ؟
الحلقه ( 30 )
ثاني يوم فقت وًانا ما زلت مضايقه خشيت المطبخ درت فطور
و قعمزت نفطر
و فجأه نلقا محمد خاش للمطبخ استغربت انه في الوقت هذا يكون ف الشركه
محمد : صباح الخير
انا: صباح النور
و قعد يدير في قهوه انا فرحت انه رايق مش ناقصه الحكايه
انا:نديرلك فطور
محمد : لا
انا في قلبي( اه كيف يقول شكرا و لا يرد باسلوب الطف من هكي باهي الي قال صباح الخير )
محمد : خيرك تشوفيلي في حاجه؟
انا : لالا
و رن الباب متع الحوش
نضت نبي نفتح
محمد : تو نفتح انااا
انا: ع اساس غيور ههههه
و نسمع صوت .......
رهف ف هالوقت تجهز في روحها تبي تمشي المزين
و تودع في اهلها زي اي وداع معبي دموع و حزن بس مش حيطول و تنتهي هاللحظات بفرح
ميسون
عمتي: تعالي نبيك
ميسون : نعم و جت حداها
عمتي : تذكري في ناديه جارتنا في حوشنا القديم
ميسون : ايه يا ماما نتفكر فيها صاحبتك هلبا كانت
عمتي : ايه ادور لولدها و اذكرتنا و تبي تجي تخطبك لنادر ولدها الكبير
ميسون اتحشمت :
عمتي : الخميس الجاي كان سخر ربي
ميسون : اوكي
عمتي : شن اوكي هادي
ميسون : باهي هههههه ان شاء الله خير
عمتي : ايواه هكي الناس يردوا ربي يعجلك بالخير
انا
نسمع صوت ريم: نادين قاعده؟
محمد : ايه اتفضلي
خلاها و خش المطبخ باش يقولي
محمد : ريم
قاطعته : اسمعت صوتها
قعمز يكمل في قهوته و انا طلعت ل ريم
انا بكل جفاف : شن انسيتي ما قلتيشي امس و جايه تبي تكمليه
ريم استغربت اول مره تتجمع فيا كل هالقسوه فهمت انها جرحتني هلبا: انسيت نقول اسفه ل اختي و بنت خالتي و صاحبه عمري
انا:
ريم: خلاص سامحيني عارفه لساني مش في طوعي
انا: ههههه سامحتك بس حاولي تخليه ف طوعك
ريم: يعني خلاص راضيه ؟
انا: اهو يعني
ريم : من وين جايبه هالبرود و الله ما عرفتك في الاول و قريب نضت روحت
انا: نحاول نتغير للاحسن
ريم: هكي للاحسن ؟
انا: ايه امالا شن ولا عندك راي ثاني
ريم: ابدا نوضي ديرلنا نسكافيه حلوان الصلحه
انا: اولا حلوان الصلحه يديره الغالط و ثانيا اخرلك مره تزعليني و ثالثا بنديرلك نسكافيه لانك ف حوششي و بندير جو المتزوجات غمزتلها و نضت
ريم : شن جابني انا اول مره نزعلها و قريب تتبرا مني
باهي الي مش كل يوم تزعل حصله
ما بعد محمد منها لما تقلب وجهها
انا : خشيت المطبخ و كنت نضحك ع ريم كل علامات التعجب ع ملامحها
محمد ( شن سر هالابتسامه غريبه هالبنت يوم دموع اليوم الي بعده تبتسم و جوها حلو)
درت نسكافيه و حسبت محمد مشش عارفه ليش
محمد : شارب قهوه
انا: قلت بالك سهفاتك ريحتها
محمد رفع حاجبه مستغرب
و انا طلعت لريم
محمد : مش طبيعيه هالبنت لالا ابدا
