اكرهك ••• فماذا لو أحببتك؟
الحلقة ( 20 )
اولا نشكركم جدا ع تفاعلكم مع الروايه و هذا يزيد في مسؤليتي ما تستغربوش لما الحلقه تكون قصيره ما نبيش نعبيها كلام ما ليشي لازمه و الله مرات ننهي في الحلقه باش انزل و ما نخليكمش متشوقين و في ايام ما نلقا ما نكتب ما تستغربوش مع ان الفكره واضحه عندي و حاطه مخيل لها بس ايام تهرب الافكار نتمنى منكم الدعم و تابعوني 🧡❤️
كمل الاجراءات و قعدنا مقعمزين في قهوه
طلب قهوه و نسكافيه و بريوش
شرب القهوه
وانا كليت شويه و شربت النسكافيه
ناض وخلاني و لا قال حرف
وبعدين علنوا ع رحلتنا قعدت ندور عليه بعيوني ما لقيته
يكونش دارها و خلاني معاش عرفت نتصرف الخوف تسلل لقلبي نتوقع منه اكثر
جمدت في مكاني وخلاص
افكاري تمشي و تجي ليش يدير هذا كله ليش التعذيب الي معيشني فيه يقدر يخليني و يكمل حياته بدوني لازم نعرف
بس قبل لنعرف كيف بنتصرف لو سافر و خلاني وين بنمشي و شن بنقول ل ماما و بابا لو عليا نبيه يطلع من حياتي اليوم قبل غدوا و معاش نشوفه بس مش بالطريقه المهينه هادي
ابتسمت ع اساس ما عشتش معاه الاهانه
•••••••••••••••••••••••••••••••••••••••••••••••••••••••••
ريم كان عندها امتحان و كانت طالعه منه
خالد: جاوبتي
ريم:خالد !!!!
خالد : ايه خالد
ريم: شن جابك
خالد : جاي نقولك اسف
ريم باستغراب: عشن
خالد: الفتره الي فاتت ضغطت عليك و
ريم: ولا يهمك
خالد: صفحه جديده!؟
ريم: خالد بجد اسفه بس انا ما نحبكش
خالد : في حد غيري؟
ريم: مافيش بسسس انا مش حاسه شي اتجاهك
وامشت و خلاته
مصعب : خالد شن ادير اهني و شن موقفك ع ريم
خالد: تعرفها ؟!
مصعب : صاحبه خطيبتي
خالد : نحبها
مصعب :وهي
خالد: مافيش امل عنيده انا مش في بالها
مصعب : بالك عندها حد تحبه
خالد: لا
مصعب: خليني نسأل بطريقتي
خالد: مافهمتش
مصعب : بعدين تفهم خليني نمشي للحب تستنى فيا
••••••••••••••••••••••••••••••••••••••••••••••••••••••
انا قاعده في توتري و تفكيري و قلبي الي مات خوف
محمد : هيا علنوا ع الطياره
انا هديكا اللحظه كأني طفله ضايعه و لقت بوها صعب تكوني مع شخص الثقه بينكم معدومه تماما كل شي نتوقعه منه بس انا ل امتا بنتحمل حتى المحكوم اعدام يعرف شن دار و انا مش عارفه شي من شي
محمد : نادين
و امشينا و طول الرحله و انا نفكر و كرهي ليه يزيد قعدت نذكر في حياتي قبل لنعرفه و قبل ليكون موجود كانت هاديه مستقره كان الحزن عنصر مفقود و توا حياتي مليها الحزن و الامر الخوف عدم الراحه قله الثقه ليش الارتباط بحد ما نعرف عليه شي و لا نعرف اصلا ليش انا بالذات عاجبته هذا شي مستحيل
وصلنا ع حوش فخم و راقي
خش ركب و حط شنطته في وحده من الديار انا خشيت ع الثانيه و حطيت فيها شنطتي كان نلقى معاش نشوفه بكل
محمد : نادين
انا :نعم
محمد : نستنى فيك لوطه
ولقيته طالب غدي
ولاني كنت جعانه كليت
اول ما كمل : ما تتعوديش ع الراحه من غدوا ح تهتمي ب امور الحوش
و ركب وخلاني
نضت قمت الاكل و رتبت الطاوله و ركبت دوشت و صليت حطيت راسي و انا في نفس الدوامه لين رقدت
