اكرهك ••• فماذا لو أحببتك؟
الحلقة ( 23 )
عارفتها قصيره بس وعد حلقه غدوا طويله وفها مفجات
وصلنا لحوش صاحبه
خشيت كانت مرت صاحبه جذابه و رقيقه شعرها قصير لابسه قفطان ازرق ملكي بسيط
هاجر: اهلين "و سلمت عليها"
انا :اتفضلي
هاجر: ليش متعبه روحك
انا: ولو
هاجر : نحي الكاب و خودي راحتك
انا نحيت الكاب و قعمزت
هاجر : اسمي هاجر
انا: عاشت الاسامي
هاجر : و انتي اسمك نادين صححح
انا: اها صح
هاجر : اسمك حلوو
انا: من ذوقك
هاجر : مازن و محمد صحاب هلبا بس احنا مستقرين اهنايا
انا: استاحشتي ليببا
هاجر : هلبا
هاجر : لحظه و نجيك
و جابت عصير
هاجر : و انتي و محمد اتروجتوا عن حب
انا معاش عرفت شن انقول : عن اعجاب لاننا تزوجنا بسرعه
هاجر:ههههه وصف دقيق
انا: ههههه
هاجر : انا و مازن كنا علاقه 5 سنين
انا: حلو
هاجر : ربي يحفظه لليو م نحبوا بعض
( وبان الحزن ع وجهها) حتى ربي مارزقناش بصغار قاعد يحبني
انا: ربي يفرحك بيببي حلو زيك
هاجر : يارب .... نستاذنك نحط العشا
انا: نساعدك !!
هاجر : خليك مرتاحه حبيبتي
واضح انها ذوق و كويسه
انسجمت معاها
هاجر : اتفضلي حبيبتي
و قعدنا نتعشوا
كملنا و جابت القهوه
هاجر: شن جوك مع محمد
انا : الحمد لله
هاجر : مع انه زي مازن وقته كله شغل
انا: ايه ..انتي ما تشتغليش
هاجر: لا لا
انا : كنت نشتغل في شركه محمد
هاجر : معنها حب من اول نظره
انا: هههه ايه و الله
و اتصل رقم ما عرفتاش رديت :الو
محمد : هيا نستنى فيك
انا: حاضر...... هذا محمد وقال هيا
هاجر : والله فات معاك الوقت فيسع
انا: المره الجايه عليك نستنى فيك
هاجر : حاضر
و سلمت عليها و طلعت
و اول ما ركبت : ساعه نستنى
انا استغربت: بس ما عطلتش
محمد : ايه صح
و رجعنا المشاكل من جديد
سكتت لاني ما نبي وجع راس
وصلنا خش لداره
و انا صليت ورقدت
الصبح كالعاده نضت و ما لقيتاش
ما لقيتش شي نشغل بيه روحي الا التلفزيون
وبعدين درت الغدي
و محمد ما جاش
ومع الساعه 5 فكرت نتصل بيه
اتغاظيت عن الفكره خايفاته يهزبني
و خطرت ع بالي فكره مجنونه
••••••••••••••••••••••••••••••••••••••••••••••••••••••
خالتي نوال : ريم
ريم: شن تبي ياماما نظفتها الصاله في حاجه تانيه
خالتي : تعالي نبيك
ريم : اهو جيت
خالتي نوال :في ناس جايين بيخطبوك
ريم: نعم
خالتي نوال : حتى انا زيك مش مصدقه
كلمتني مراه ما نعرفهاش و قتلي بنديرولكم زياره بعد يومين
ريم: منو هادم
خالتي نوال : من عيله الثابت
ريم: باهي
خالتي نوال: ربي يقدر ااخير
••••••••••••••••••••••••••••••••••••••••••••••••••••••
لبست و طلعت اهو تغير خير من الملل
كان الجو حلو قعدت نتمشى و ما نبيش نبعد هلبا نخاف ما نقدرش نرجع وين ما كنت لقيت حديقه خشيتلها
محمد رجعت للحوش و كان هادي و مافيش و لا صوت مش فاتحه التلفزيون زي عادتها استغربت و مش عارف شن خلاني ندورها في المطبخ و في كل مكان ركبت دورتها في دارها و ف ما لقيتهاش
لفيت ع كل الديار الحديقه برا ما ليهاش اثر
وين امشت
نزلت زي المجنون و خايف من شي واحد
انا حسيت اني اتاخرت نضت روحت
خشيت للحوش
لقيت محمد يدخن حسيت بالخطر ما اتوقعتش اصلا نلقاه
انا: احم
محمد بدون ما يشوفلي : وين كنتي
انا : ا
••••••••••••••••••••••••••••••••••••••••••••••••••••••
ماما تلعب في صهيب
بابا: وفاء
ماما: تبي حاجه
بابا: امتا بتسامحيني
ورن الجرس
ماما: نمشي نفتح خيرلي اكيد نوال جت
اول ما فتحت اتفجأت
ماما: اتفضلي
وخشت هي و سهام
ماما ابتسمت لبابا : نخليكم ع راحتكم
سهام حضنت صهيب
و ماما خشت لدارها تبكي : ويبيني نسامحه
اه يا احمد هانت عليك العشره اتزوجت و جبت الولد الي خاطرك فيه
ماهو من حقه يا وفاء ما تخليش غيرتك تعميك ربي ما رادلكش تجبيله الولد بتحرميه منه
••••••••••••••••••••••••••••••••••••••••••••••••••••••
محمد : قتلك وين كنتي
انا : مليت و طلعت نتمشى
محمد : عاودي ما اسمعتش
كان صوته حاد و حاط راسه لوطا
وشفت بجنبه كميه الدخان الي مدخنه ما يبشرش بالخير
محمد : عاودي
انا بملل : مليت وطلعت نتمشى فها حاجه؟
محمد و قف و شافلي و كانوا عيونه حمر زي الجمر
: مش تعطيني علم و لا طرطور و مش عاجبك
انا معاش عرفت نرد ولا عرفت شن نقول و لا عرفت نفكر من الخوف
محمد: شكلي عطيتك وجه هلبا
و بديتي تاخدي راحتك ولا شكلي طيب معاك ماهو الي يتهاون يركبوا عليه
محمد : اتكلمي ولا مجنون ندوي بروحي
انا :
محمد : تعرفي علاش ساكته لانك عارفه روحك غالطه انا: لا مش غالطه
محمد : و تكابري هي في بنت محترمه تطلع بدون علم زوجها 😏
انا: انا محترمه غصب عنك
محمد : يا محترمه تطلعي بالدرقه و متاكد لو روحت بعد ما توصلي مش حتقوليلي
انا: بالك تحساب روحك استعبدتني تحلم
محمد شدلي ايدي و حطها ورا ضهري: لسانك ما يطولش والا نقصه
انا: اه حول ايدي
محمد : استعبدتك و انتي وافقتي و لا ناسيه
انا نتأم و نبكي
انا: انت مش طبيعي من وين جايب هالقسوه وليش ادير معاي هكي
ارخي ايدي: تبي تعرفي ليش انا ندير هكي مع انه المفروض ما يكونش عندك الجرأه للسؤال
انا: نبي نفهم و الله تعبت شن الجريمه الي درتها
محمد : تبي تتجسسي ع الشركه و ما تبيش نحاسبك
انا: شني تقول
محمد : وصلتني معلومات ان في جاسوسه لصالح شركه جلال ويدفعلها في مبالغ ضخمه
فقلت نشريكً زي ما شاريك غر انا شريتك بشكل ارقى
انا من الصدمه مش قادره نحكي
محمد : نشريك و ننتقم منك ببطء و شر انتقام
ومافيش حل الا تكوني مرتي باش تتعذبي كل يوم
و انا نستمتع وهكي بس حقي يرجعلي
انا في دوامه ليها اول ما ليها اخر
يتبععع
