اكرهك ... فماذا لو أحببتك؟
الحلقة ( 6 )
انا: خلينا نخشوا و توا نحكيلك
عمتي : ما فيها كيف نخش و بنتي
انا قاطعتها : بنتك ما فيها شي
ولاهي في المستشفى ولا شي
عمتي مصدومه😮
انا: ايه بس الوجع الي تحس بيه ميسون اكبر من اي و جع جسمي تعرفي علاش لانه نفسي لانها مش سعيده في حياتها مش قادره تعيش لا مع ام تستاهل الامومه و لا مع اب يستاهل كلمه بابا عمتي ممكن يكون كلامي جارح بس مش اكثر من جروح ميسون بنتك شفتي الوجع الي حسيتيه لما قتلك ف المستشفى انا شفت معاه في عيونك حب و حنين ليها ما نبيش نقولك ان احنا قاسيين قداش تعرفي ليش لاننا ما نحسوا بقيمه الي حولينا الا لما نفقدوهم بس للاسف ديما بعد فوات الاوان بس لما الوقت معاش يرجع وقتها بس تبيعي عمرك و تشري لحظه في الماضي بس للاسف حتى عمرك ما يكفيش ولا يفيد اشري هالوقت بلاش قبل ما يصير الي عمرنا ما حسبناله حساب عمرك حضنتي ميسون عمرك سألتيها شن مزعلها شن يفرحها صدقيني يوم الي تفقدها تتمني تشوفي في عيونها بسسس
ونزلوا دموعي مع اني عارفه الي درته صح بسسس خايفه من عمتي و ظلمها و كلامها الي زي السممم
امسحت دموعي : انا مش حنقول اني شفتك اليوم و نتمنى تنسي جيتي و تفكري في كلامي كويس و لما تحني لبنتك تعرفيها وين
بالمناسبه ميسون الي خلتني نجيك ميسون تبكي و فاقده الامل ف كل شي لدرجه تبي تتزوج اي حد و تفتك منكم
عمتي ولا كأنها تسمع فيا و لا رده فعل ع وجهها غير الصمت الي خوفني اكثر يا ريتها هزبتني لزتني ضربتني خفت عليها الحق: مافيش ام تكره بنتها و لا بنت تكره امها رجعي بنتك لخضنك
و امشيت و انا نبكي بحرقه صعب تكون الام قاسيه و في نفس الوقت عمتي ما عمري اتمنيت نقولها كلام زي هذا
روحت
ولقيت ميسون ع الدرجيحه برا و سرحانه
انا: بست
ميسون : وين كنتي و شكلك باكيه شن غميتها عليك
انا: لا ابدا
ميسون: ادسي عليا
انا: غدوا بنطلعوا للسوق اكتبي الي ناقصك خير ما ننسوا ماهو ريم و ميس ينّسوا الواحد ف اسمه
••••••••••••••••••••••••••••••••••••••••••••••••••
الصبح نضت انا و ميسون نكتنا الحوش و وتينا الفطور و بخرنا و درنا كل شي هذا كله و الساعه 9 كيف جت
بابا: اه على ريحه البخور و الحوش الي يفتح النفس
انا و ميسون ابتسمنا
بابا: صباحكم ورد
انا: الورد بوجودك
ميسون صباح الخير خالي
و جت ماما: سلم بنياتي الفالحات
و قعدنا نفطروا و الجو روعه و ضحك و حكايات لغايه ماجت الاميره جنه مكشره
جنى: و انا ما حد نوضني😞
ولا نسيتوني
انا: كيف ننسى قلبي انا
جنى:😞
انا: قلت خليك تشبعي ف النوم
جنى تهز ف كتافها و زعلانه
انا: امالا انا لمن مدايره كريب بالنيوتلا
جني ضحكت : اكيد ليا
انا: طبعا و ليك انتي بس هاتي بوسه قبل
جنى😘
اه ياربي احلا البنات جنجونتي
قمنا السفره و اغسلت الماعين
ماما: بندير بازين يا بنات شن رايكم
انا: ما تحتاج سؤال ع طول yes
ميسون: بازين و يييس ما يجوش بس انا اوافق
و صحكنا و كان اليوم روعه
بعد الغدا غيرت انا و ميسون
بابا: هاك ميسون هاك نادين
و عطانا فلوس
ميسون : عندي خالي
بابا : ما تخلو شي في خاطركم
ميسون : شكرا خالي
بابا همسلي كل شي يعجبها تاخدوه مهما كان حقه
انا: تم يا سيد الكل و بسته من خده
و طلعنا
و فتت ع البنات ميس و ريم
و سلموا ع ميسون
انا: اني مش الشوفير متعاكم نستناكم مر ثانيه نلقاكم في الباب
ريم بصوت واطي : ابدينا ف تعليمات المشوار المعتاده
ميس: اسمعي و طنشي كالعاده
ميسون تضحك
انا: بما ان بديت في التعليمات خلي نكملهم🙂1/ الروشن ممنوع ينفتح 2/ اي وحده تستعمل كلينكس تحطه ف شنطتها سيارتي مش سله مهملات ايواااه
3/ الناس الي تناشب في الشباب يناشبوا فيهم التنين زي بعض خارج حدود سيارتي
مفهووووووووم
الكل مع بعض : مفهوووووم
ميس: سي السيد
كلنا ضحكنا
و بدت عاد الجوله ما نحكيلكم ما خلينا محل ما خشينالها من عطور و من احذيه و من ملابس حتى الاثاث خشناله و اشرت ميسون كل الي تبيه و كانت فرحانه مش لانها شرت صح انك تشري الي تبيه سعاده بروحها بس لكونها لقت الالفه الي ما عمرها شافتها و الضحكه الي ضايعه منها و لقت ميسون النظيفه الي بيضا من داخل والي قسوه الايام حاولت تخلها قاسيه بس حنان قلبها تغلب عليها
ميسون اتقيس في اخر فستان اختاراته
ريم: هادي ميسون الي نعرفوها
ميس: لا والله شن هالطيبه
انا: اشششش تو نحكيلكم مش حلوه البنت تسمعنا
ميسون: ها شن رايكم
انا: خيال
ميس: نبيه ما دخليش
ريم: كانه مصمم ليك
و طلعنا ع مطعم
وقعدنا ناكلوا و الجو حللللللوو و اتمنيت ما نروحش لا انا و البنات بس الوقت الحلو يتم يتم
