اكرهك •••فماذا لو أحببتك ؟!
الحلقةً( 39 )
قعمزت في الجنان و انا نفكرر
ليش هذا كله يصير فيا ليش نحب الي عذبني مش قادره نباعد عليه نخاف عليه و نفكر فيه طول الوقت ليا شهرين عايشه بروحي
و نستناه كل ليله و هو نازل من السياره
باش نشوفوه شن مصبرني شن مخليني معاه
معاش تكابري يا نادين انتي لو تقدري تبعدي كنتي بعدتي محمد بدي جزء مني قلبي واجعني
قبل كنت مش قادره نبعد لانه متحكم فيا و توا حتى لو يعطيني حريتي مش حنقدر نبعد لانه قلبي ملكه
ليش رغم القسوه و الظلم حبيته و اتعلقت بيه
قداش ما حاسه بالاهانه لاني نحبه
ما عنديش كرامه مع انه في الحب ما فيش كرامه بس لما يبدا من طرف واحد
انا حسيت بيه وراي من ريحه عطره
اتاكدت انه حيرجع من وين ما جي باش يحتكش بيا
محمد اشتقتلها و ما نيش عارف كيف
مع اني اتهربت منها هلبا
ما قدرتش نكمل
محمد : نادين
انا اتفجأت : نعم
محمد : مش صقع مقعمزه اهنا
انا تلفتله لاني كنت مستاحشاته
: ابدا نحب هالجو
ياريت السنه كلها شتا
محمد : لا و نتجمدوا احنا عادي؟
انا: هههههه عادي
محمد : ههههه كله يهون ع خاطرك
انا استغرب :
محمد : احم
و قعدنا ساكتين فتره
انا: تبي تتغدا ؟
محمد : يا ريت
انا : بس انا ما طيبتش
محمد : اه املا ليش تسألي
انا: خاطري في بيتزا شن رايك
محمد : خلاص نمشي نجيب
انا : لا توا ندير
محمد : باهي
و امشيت و خليته
وقلبي بيطلع من مكانه وًمش قادره نتنفس و قعدت كلمته كله يهون على خاطرك تتردد مع اني نعرف انه مش قاصدها بس وترتني
عجنت العجينه و درت الصالصه
محمد ليش نفكر فيك يا نادين لما معاك و لما بعيد عليك شاغلتيني
من غير وعي لقيت روحي ماشي للمطبخ و واقف نتفرج عليها كيف ادير
كانت اتهبل شعرها مشدود بشكل عشوائي و لابسه ماليه دم غزال لحد الركبه و عليها سروال اسود ضابط
نتامل في تفاصيلها في حركتها
كنت ندير في البيتزا و كل فكري محمد محمد حتى مش منتبهه للندير فيه
و كيف بناخد الجبنه من الثلاجه لقيته
انا: ههى خلعتني
محمد : اسف اا جيت باش نساعدك
انا: تعرف
محمد : لا
انا : كيف بتساعدني
محمد : قوليلي شن اندير
انا: ههههه تعالى حط الجبنه
محمد: هاتي
قعدت ندير و انا متوتره من قربي منه
بس هديت روحي
كملنا
انا قعدت نحاول نرشه بالدقيق
محمد : ردي بالك ما نحباش نقعد نعطس
كل ما نقيم ايدي بنديرله : نادين نقتلك
انا احذفته عليه : توا نشوفوا كيف بتقتلني
و قعد يعطس
انا : ههههه
خدي دقيق و قعد يرش عليا و ليت بيضا زي الشبح
انا : لا خلاص
محمد : هههه انتي الي بديتي
انا : باهي هاه خود
محمد: خلاص اتعادلنا
انا : لاا ما نحبش التعادل لازم نربح
محمد جي وحاوطني
شدلي ايدي وراي و ضغط
انا قلبي وقف من قربي منه ما فيقنيش الا ضغطه ع ايدي وجعتني: اه ايدي
محمد ارخاها شويه بس قعد شادها : قاعده تبي تربحي
انا هزيت راسي : لا
محمد نسمع في صوت تنفسها و قلبها قريب يوقف
عجبني ضعفها
قعدت نقرب منها اكثر و اكثر
انا بصوت يا دوب طالع: محمد خليني البيتزا بتنحرق
محمد ارخيتها
انا امشيت للكوشه و مش قادره نتنفس
وقلبي بيوقف
مش قادره نتحمل بعده و قربه يوترني
ليش يا محمد هكي انا ع سبله
محمد : نادين
انا: ها
محمد : البيتزا جععت
