اكرهك ••• فماذا لو أحببتك؟
الحلقة ( 17 )
محمد طول الطريق ساكت و انا نستنى كالعاده يوجعني بكلامه
لحد ماوصلنا لحوشهم و كانوا دايرين حفله في جنانهم
محمد : وصلنا انزلي
انا( كيف بننزل وما نشوف في شي قدامي و الكعب زايدني ) قعدت ساكته
محمد : قلت انزلي
واخيرا فهم اتحرك و فتح الباب
محمد : هاتي ايدك مش حنخلصوا اليوم
شد ايدي
ونزلني
جت جوري قامتلي الكاب
لين وصلنا ع الكوشه كانت الديكورات غايه في الروعه
جوري قيملها الطرحه
محمد : شني
جوري : الناس تستنى
قاملي الطرحه و عيونه ملينات شررر
وشويه و ناض و ريحني المغرور
انا: جوري
جوري : شني
انا: بنشرب
و جابتلي اميه و مصاص
شويه و جت امه لتسلم عليا
وقفت و حضنتها
سعاد : ربي يهنيكم يا بنيتي و قعدت تزغرط
و جت بنت بتسلم عليا : انا روان بنت خالت محمد
حسيت ان لهجتها مش مريحه لاكن ياسرني محمد و الي حاساته معاه
تناسيت الموقف
قعدت كل شوي حد يجي يسلم
جوري :هيا اركبي لجناحك باش ترتاحي
انا: جوري
جوري ضحكت : ههههه عارفه الكعب
و ساعدتني
لغايه ما خشينا الجناح
جوري : خوشي دراك تو يجي محمد
وجت اللحظه الي خايفه منها انا و المغرور بروحنا جهزت نفسي لكميه السم الي بنسمعها منه اتعودت عاد
نحيت الكندره و قعدت نتفرج ع الجناح واضح لمسه بنت فيه : اكيد جوري
وليت لمكاني زي القطوسه
و شويه و نسمع في الباب ينفتح
قعدت ندعي و نقرا في القرآن في سري
طق الباب و خش
محمد : احم
انا😳
محمد : هكي الى حد ما متعادلين
انا:
محمد : صار كل الي نبيه صح تعبتيني شويه بس تمام
انا ولا رد و كل ما يتكلم قلبي يتآلم
محمد وعلا صوته: تسمعي فيا
انا انتفضت: ايه
محمد : مش لها الدرجه ماشفتي شي و قرب مني
••••••••••••••••••••••••••••••••••••••••••••••••••••••
وائل وخلونا نرجعوا ل اول ما اسمع بخطبه نادين
طلع وائل من الحوش و الدنيا بتنقلب قدامه حاسه بغضب بندم كيف ضيعها من ايده
ممكن ما حبهاش بس غروره يخليه يحس بالغدر بالتملك لشي مش ملكه
قرر يحجز ع اول طياره
روح للحوش
لقي امه تستنا فيه : كل شي نصيب
وائل : ليش
خالتي نوال: الله غالب انسى و توا ربي يرزقك بالي خير
وائل : ما تنشغليش
خالتي نوال: ربي يهديك
و ناضت
و يوم العرس افقد اخر فرصه و فقد الامل
و فقد اخر خيط يربطه بالبلاد
••••••••••••••••••••••••••••••••••••••••••••••••••••••
قعمز ع السرير جنبي
و حط رجل ع رجل و ولع الدخان
محمد : اولا مش حتكوني شي مهم في حياتي يعني صوره قدام الناس و اهم شي امي
انا:😯
محمد : اي شي نقوله يتنفذ
و بعدين هدف حياتك راحتي لبسي و اكلي و شربي كل هالتفاصيل
انا قلبي ينعصر بس قعدت ساكته و نمثل في الهدوء و انا داخلي بركان
محمد : هذا كل شي لتوا
و لما يصير شي جديد نتفاهموا عليه
اه قبل للننسى حذاري حد يعرف بالي بينا و الا
حتشوفي يوم اسود من ليله بلا قمر
و ياريت تتفضلي برا لانك مش حترقدي هنا الكنبه الي برا مكانك
انا باش نحافظ ع كرامتي نوضت و خطواتي رصاص و بنطلع
محمد : استني
انا (معقوله غير رايه )
كانت في شنطه صغيره فيها حاجت خاصه بيا
محمد : خوديها معاك مش لازم تزعجيني
خديت الشنطه : انت ليش اتزوجتني
محمد : انا نحدد بس شن نقولك ما تسأليش
