اكرهك ••• فماذا لو أحببتك؟
الحلقة ( 11 )
وصلنا للشقه و لقينا خالتي و وائل كيف واصلين
فتحنا الشقه كانت صغيرره
صاله صغيره و مطبخ و حمام و دارين
بس كانت حلوه
بعد حوالي ثلاث ساعات رتبنا كل شي
و خشيت للمطبخ ندير ف قهوه
وانا في عالم ثاني
نفكر
في حياتي
و شن مستنيني
وخش وائل للمطبخ بدون ما ننتبه
وائل : نادين ممكن نحكي معاك !!
انا: 😳
.
وائل : نادين
انا: لو سمحت يا وائل انا مش في وضع يخليني نسمع شي متمالكه نفسي غصب
( وخديت سفره القهوه وخليته و طلعت)
انا: اتفضلوا القهوه
خالتي نوال: انا معاش وقت عليا نبي نروح
انا: اشربي قهوتك قبل
خالتي نوال: باهي هاتيها
ماما؛ وين امشي بوك يا نادين
انا: قال بيجيب شويه حاجات
خالتي نوال: ما تزعلوش روحكم و الله كل شي يتعوض
ماما: الحمد لله
انا في قلبي غصه: الشقه تهبللل و الشركه ترجع زي ما كانت و احسن ان شاء الله
خالتي نوال : نخليكم ع خير
ورحت خالتي
ماما: نوضي ارتاحي تعبتي اليووم
انا : تصبحي ع خير
ماما: و انتي من اهل الخير
خشيت للدار و انا في دوامه مش داري و مش سريري
حاسه بغربه مهما حاولت نكون قويه انا طاقه وخلاص تمت
بكيت و بكيت و الدموع ما تقصوش وجعي
اخديت مذكراتي و قعدت نقرا في كل يوم حلو فات عليا و نبتسم لغايه ما غلبني النووم
الصبح فقت و انا نبي نبدا بدايه جديده
لازم نتأقلم و نتعود خلاص الي صار صار و حتى على خاطر بابا و ماما
دوشت و صليت و طلعت وتيت الفطور
بابا: نادين
انا خفت من الملامح المرسومه ع وجهه: خير ان شاء الله
بابا: الموظفين سيبوا الشركه و قررت نبيع المبنى خلاص
انا: فداك الف شركه ( قلبي اتكسر )
وجت ماما غيرنا الموضوع
انا: هيا انا مجهزتلكم احلا فطووور😍
ماما: الله السفره اتهبل
اتصلت ب رهف اخديت اذن
••••••••••••••••••••••••••••••••••••••••••••••••••••••
لميس : نادين ليش ما جت اليوم
رهف : تعبانه شويه
لميس: ممكن نشوف ورق الصفقه بعد اذنك ؟
رهف باستغراب : قاعده عند المدير
لميس : اوكي
رهف: كملتي الملفات الي عندك
لميس : لا هما هلبا
رهف : هذا شغلنا
••••••••••••••••••••••••••••••••••••••••••••••••••••••
خالد : نبي نشوفك
ريم: ما نقدرش ضغط امتحانات والله ما فيها كيف
خالد : ريم انتي ما تحبنيش؟
ريم : يعني لو قتلك امتحانات و ضغط معناها ما نحبكش؟
خالد: باهي اتحبيني؟
ريم سكتت
خالد بعصبيه: لما تعرفي الاجابه كلميني
