اكرهك •••فماذا لو احببتك؟!
الحلقه ( 24 )
ارخي ايدي: تبي تعرفي ليش انا ندير هكي مع انه المفروض ما يكونش عندك الجرأه للسؤال
انا: نبي نفهم و الله تعبت شن الجريمه الي درتها
محمد : تبي تتجسسي ع الشركه و ما تبيش نحاسبك
انا: شني تقول
محمد : وصلتني معلومات ان في جاسوسه لصالح شركه جلال ويدفعلها في مبالغ ضخمه
فقلت نشريكً زي ما شاريك غر انا شريتك بشكل ارقى
انا من الصدمه مش قادره نحكي
محمد : نشريك و ننتقم منك ببطء و شر انتقام
ومافيش حل الا تكوني مرتي باش تتعذبي كل يوم
و انا نستمتع وهكي بس حقي يرجعلي
انا في دوامه ليها اول ما ليها اخر
انا: عمري ما تجسست ع الشركه و لا ليا علاقه بالكلام الي تقول فيه
محمد : لما اشتغلتي معانا كان بوك شركته ماشيه امورها في حد يسيب شركته و يشتغل عند الناس
انا: عندي اسبابي الي خلتني ما نشتغلش في شركه بابا
محمد : ما تقولليش عارفتيها بتخسر
انا: كنت نبي ننجح لاني انا نتعب و نشتغل مش لاني بنت صاحب الشركه
محمد قعد يصفق: اووو برافو برافوا العبي غيرها يا شاطره ما تفوتش عليا
انا: انت ليش ما تبيش تصدقني
محمد : كل شي واضح قدامي مش محتاج نسمعك
انا: ما عنديش مصلحه نتجسس عليك
محمد : ابسط مصلحه تخلصي ديونكم
انا : باهي ليش ماخلصتهمش في رايك
محمد : خطتك ما كملت لاني عرفت
انا: هذا كله خيالك صورهولك
محمد : اها
انا : واثقه من نفسي و مش مجبوره نتبتلك و ما نبيكش تصدقني تمام هكي!!
محمد : تمام
امشيت و خليته
محمد : حتندمي و الايام بينا
••••••••••••••••••••••••••••••••••••••••••••••••••••••
خالتي نوال: قاعده راقده
نوضي ورانا تنكيت الناس بيجو غدوا
ريم: اك قلتي غدوا لاحقين نبي نرقد الساعه 8 قاعده
خالتي نوال : انا قلت نوضي ياسر منه البخل كبرتي و في ناس جايه تخطبك
امتا بتعقلي امتا
ريم : اهو نوضت ارتاحي ندوش باش نصحصح
دوشت ريم و بدت في التنكيت مع امها و مع ملاحظات خالتي لا مش هكي و حطي هادي اهنا ريم تعبت
خالتي: اسمعي انا بندير الغدا و انتي امشي للمربوعه نبها تلمع و ما تنسيش الحمام و المربع الخارجي متعها
ريم: و الله اتعبت
خالتي : معليشي اخر شي كملنا
و امشت ريم دارت الي قتلها عليه
ريم: قال عرسان شن ندير بيهم كان بتقلب ا شغال شاقه و بنحصل انا
خالتي : كملتي يا ام لسان
ريم : كملت
خالتي : نص ساعه و نحط الغدي
ريم: خلي ندوش مس طايقه روحي
وائل : خيرها راقيلها بنتك
خالتي : حصلت في الضمان ورعارفها دلوعه و كسوله
وائل: هههه و انا نقول خيره متفجر فيها لغم
خالتي: ههههه برا وليدي غير و صلي لبين ما حطيت الغدا وفضي روحك غدوا العشيه اختك جاينها خطاب
وائل : ريم!؟
خالتي : ريم امالا جنى!
وائل : يصير منها بنتك
خالتي : اطمن دوره تدربيه شهر تولي احسن ست بيت و انا امك
وائل: ما عندي شك في قدراتك
جنى : ماما جعت
خالتي : ثواني يا قلب امك
و جت ريم: ايه ناس قلب امها و ناس الصبع الصغير ديما مضروب
وائل : بطلي عنادك و تولي قلب و كبده و كل شي
ريم : هاهاها
خالتي : تعالو الغدي واتي
