مقدمة روايه اكرهك فماذا لو احببتك
نادين 23 سنه متخرجه من المحاسبه الي حببني و التخصص بابا عنده شركه نادين بنته الوحيده
بنت عفويه و حلوه و جريئه الي حد ما و مش خجوله نهائي وتحب تكون عمليه حتى في لبسها و نظارات زي ما تتخايلو ايوا لبس رسمي وجو 😉
صديقاتها ميس كانو مع بعض في الكليه و صداقه لابعد الحدود كانهم خوات
ريم بنت خالتها و صاحبتها تقريبا كل شي يحكو فيه لبعض طبعا ريم قلبها مفتوح للكل و كل مره تتعرف ع شاب و تحبه و يخونها او يتفرقوا المهم ممكن تكون النهايه لشخص يملك قلبها و مش معروف كم رقمه ف معارف ريم بنت حيويه و دلوعه و تحب نادين هلبا
عندها اخ اكبر منها و اخت عمرها 4 سنين وهي جنى و وائل يقرا البرا
نادين اتربت بين اب و ام يحبوها و هي اغلى شي عندهم بس لما اتخرجت رفضت تشتغل في شركات بوها لانها تبي تتبت نفسها و طموحها ما ليشي حدود و طبعا الحب اخر اهتمامتها او مازال ما دق هالقلب لحد السؤال هل رح تحب نادين و تعيش هالمشاعر ؟
وصار الي تبيه نادين انقبلت في شركه من اكبر الشركات و كانت غايه في النشاط و الحيويه و انها رح تحقق اول خطوه في احلامها بالرغم من انه هذا مش حيكون شي ساهل و حنشفوه في الروايه
رح تكون في مقدمه ثانيه لشخصيات الروايه بس بالتدريج باش ما تتلخلبطوش
اكرهك ....ماذا لو احببتك؟
الحلقة ( 1 )
اسمي نادين متخرجه من الاقتصاد تخصص محاسبه و حاليا نبي نخدم في شركه بس نبي نتبت نفسي وحنكون موظفه مواظبه
نحكيلكم شوي عليا انا بنت استايلي عملي و رسمي لابعد الحدود شعري طويل لونه كستنائي ونلبس في نظرات باش نعطي انطباع الجديه مع اني مع صحباتي و اهلي شي ثاني عفويه و صريحه و نحب البصاره بس لازم نفرض شخصيتي في العمل و بما ان وحيده اماليا لازم نكون قد المسؤوليه
اليوم اول يوم ليا في الشركه لبست بدله رسميه اتصلت ميس صاحبتي رديت و اول ما افتحت الخط
ميس : الو استاذه نادين امشيتي للشركه ولا راحت عليك نومه زي امس😂
نادين : شدهيلنا العمر كله توا🤭
ميس: لازم ناخد راحتي ديما نبي نشد عليك حتى نقطه صغيره بس للاسف وجتني بروحها
نادين : قوتلك تعباااااانه كنت بس اليوم في كامل استعدادي
ميس: اووووو خفي علينا بس
نادين: قوتلك تعالي اشتغلي معاي ع الاقل نلقا من يسايرني
ميس : نو نو نبي ناخد فتره نقاهه بعد التخرج خليتلك التعبب اه ما فيش احلا من النوووووم
نادين : اووو علينا مستر كسووول
ميس : الكسووول بيرجع بكمل مشروع الكسل متاعه غر قلت نربح فيك اجر وانوضك 😂
نادين: خيرك واصل ☹️و انا من ليا غيرك
ميس: خلاص خلاص بنرقد
نادين: سلام سلام
لبست وشاحي
اخديت شنطتي و حطيت رايحه ناعمه و طلعت
وصلت الشركه
اول ما وصلت قابلت نائب المدير
استاذ علاء : شن اسمك
نادين: نادين
علاء: انا شفت السي في متاعك وعن نفسي نرحب بيك في الشركه و ما نقدرش نوقع قرار تعيينك الا لما يرجع المدير من بريطانيا
نادين: ان شاء الله نكون قد الشغل
علاء : بس لقبك مش غريب عليا
نادين اتوترت: نعمم😰
علا: اتفضلي ع شغلك حيقولولك وين مكتبك
نادين: ماشي شكرا
و طلعت للمكتب كان في زوز موظفات و كانت وحده منهم تشوفلي باستغراب و الثانيه كان تلقا تقتلني☹️مش لها الدرجه شكلني بالغت😅
نادين : انا نادين موظفه جديده معاكم
رهف: انا رهف و هادي دعاء
نادين : تشرفت بيكم
دعاء ومن تحت ضرسها : الشرف لينا
رهف: نورتينا خلي نقولك شغلك شني
و قعدت ساعه كامله تشرحلي لحد ما فهمت كل شي
رهف: وهاضم مجموعه ملفات ياريت تراجعيهم باش نتاكد انتي عرفتي كيف تشتغلي
نادين: شكرا تعبتك
رهف: ولا يهمك اي خدمه
نادين: شكرا
وفعلا حسيت بحماس و ارتحت لرهف وزاد اصراري اني لازم ننجح
وخديت الملفات و اشتغلت عليهم و نسيت روحي
دعاء: بتطلعي تتغدي ولا بتطلبي
رهف: لا بنطلب لاني مشغوله ......نادين
نادين: امممم
رهف: بتتغدي ولا شنو
نادين: مازال شويه قريب نكمل
رهف: قصدك تكملي الملف الي في يدك
نادين : لا مازال ملفين نكملهم قبل
رهف: قصدك كملتيهم
نادين: اها
رهف: لا انتي شكلك بتموتي روحك من الجوع شن نطلبك
نادين: بيتزا لو ما نتعبكش
رهف :تعبك راحه
وصلت البيتزا و تغدينا
واستأنفت العمل من جديد
لحد ما مر الوقت و انتهى الدوام روحت و انا حاسه بتعب
بابا: نادين
انا: نعم
بابا: قعدا مصره ع الخدمه في شركه ثانيه بتخليني بروحي
انا: بابا اتكلمنا قبل في الموضوع ما نبيش ننجح لاني بنتك نبي ننجح لاني قريت و تعبت
بابا: ماشي الي يريحك و انا نقدر عليك
انا: شكرا يا احلا اب😘 .....امالا وين ماما
بابا: عند خالتك نوال
انا: والله استاحشتهاعلاش ما استنتنيش
بابا: خلاص بري
انا: و انت قلتها
دوشت و غيرت و امشيت لحوش خالتي
خالتي نوال عندها بنتين و ولد ريم اصغر مني بسنه و وائل اكبر مني بخمس سنين و مسافر يقرا
و اخر العنقود جنى عمرها اربع سنين اتهبل
ريم: اووو مش مصدقه نادين اهني
انا: ايه اكيد الدنيا نورت بيا
ريم : مستحيل تتنازلي على غرورك
انا: احم ومن شر حاسد اذا حسد
ريم: عشن بنحسدك و انا احلا منك
جنى: لا نادو احلا
ريم: جنى😡
انا: قالت الحق😏
جنى : تزعليس ريم حتى انتي حلوه
انا: لاكن انا احلا😜
جنى: سوفي نادين سعري طول و قريب يبدا زي سعرك
انا: الله يهبل
جني: مس زي ريم سعرها قصير مس حلو
ريم: جنى خلاص خير ما
جنى : خلاص بنمسي لماما
انا: اه تهبل هالبنت
ريم: تعالي بنقولك
انا: نسمع فيك معجب جديد؟🤔
ريم: كيف عرفتي 🤭
انا: عاد موّزعه جنى اكيد فيها معجب😣
ريم: اسمه خالد و يهبل و ميت عليا
انا: على ما اعتقد كان ماجد نفس الشي
ريم: لا هداكا خاين
انا: علاش
ريم: قصدك ما قتلكش شن دار
انا: ابدا
ريم : لقيته يكلم في صاحبتي ع اساس شنو صديقه وبس
انا: ارتحتي منه 😥
ريم: شوفي صوره خالد
انا: حلو بس ما جد احلا كان
ريم : معاش تفكريني فيه ☹️
انا: حاضر🙁
ريم: تعالي نحكيلك ع خالد
ريم قعدت ساعه موجعتلي راسي بخالد و طبعا بنقوللكم انها زي كل مره تتعرف ع شخص جديد وتوجعلي راسي بيه و بعدين تفوته
ريم: وين امشيتي
انا: لا معاك
ريم : مافيش معجب هكي ولا هكي
انا: منفضه
ريم:حركي روحك و انتي ديما جديات
انا: انا لما نبي نتعرف لازم يخش قلبي و نحس انه هذا هوو الي نكمل معاه حياتي
ريم: انا اسفه عارفه رايك شن خلاني اسألتك
انا: هههههه
ريم :كيف حال ميس استاحشتها
انا: ليا فتره معاش شفتها بس نكلم فها امورها تمام
جنى: ريم نادين قتلكم ماما تعالوا نتعسوا
ريم: جايين
و امشينا للمطبخ
انا: لازانيا الي نحبها
خالتي نوال: ايه على خاطرك بس
ريم: حتى انا نحبها على فكره
انا: تسلملي الغيوره
ماما: شن صار معاك في الشركه
ريم ضربتني بمرفقها و بهمس :شن موضوع الشركه و ابتسمت
انا: كل شي تمام بما انه اول يوم
ريم: نادين😡
انا: بديت نخدم في الشركه مش قتلك يومها و قتيلي سيبتي الشركه متاعت بوك ولا نسيتي
ريم : اه اذكرت
خالتي نوال: ربي يوفقك مش زي بعض الناس تموت في الراحه
جنى: قصدك يا ماما ريم
ضحكنا كلنا ماعدا ريم
ريم: جنى😡
ماما: شن اخبار وائل
خالتي نوال: مازاله شويه و يناقش الرساله و بدي يخدم
ماما: مش ناوي يروح
خالتي نوال: ومن سمعك نبيه يروح اليوم قبل غدوا
ماما: معليشي خلي يامن مستقبله
مر الوقت بسرعه روحنا صليت و طول رقدت
فقت ثاني يوم دوشت و صليت الفجر و لبست و امشيت للشركه
انا: صباح الخير
رهف : صباح الورد نطلبلك قهوه
انا: لا ما نشربش فها خلها شاهي
رهف: حاضر شفت الملفات الي راجعتيهم و كانوا تمام التمام
انا :حاولت ندقق فيهم
رهف: في منتهى الدقه
انا:الحمد لله
رهف : شكلك حتتفوقي علينا
انا: مش لها الدرجه🤭
رهف: دعاء واخده اذن و في هلبا شغل
انا: ما تخافيش حنكونو قدها
رهف : خودي راجعي هذا و هذا و هذا و هذا
انا:😟
رهف: هلبا ولا شنو
انا: يعني🤭
رهف : غر اليوم لان دعاء مش معانا
انا: اوكي
و بدينا في الشغل ولا قال نتم رهف من جهه و انا من جهه و مازال هلبا
انا: والله تعبت
رهف: حتى انا
انا: لو نقولك ليا ساعه تعبانه و نشوف فيك نشيطه و نقول لازم نكون زي رهف
رهف؛ ههههه و انا نقول مش معقول بنت جديده و نتعب قبلها لازم نكون قدوه☺️
انا: ههههههه ناخدو بريك🙁
رهف: مش غر بريك اليوم اووف
انا: بتفصليني🤭
رهف : طبعا
انا😟: ها
رهف : لا بس نكملوا غدوا 😂
انا: هههه تمام😀
مع اني كنت متحمسه جدا للشغل لاكن ما اتوقعته متعب هكي للحظه حسيت ان النجاح اصعب من توقعاتي بس لازم نحاول ع قد ما نقدر ولازم الحلم يكتمل مهما يصير
روحت و انا مهدوده ع الاخر لدرجه الشي الوحيد الي درته الدوش و النوم كانت تقريبا الساعه تمانيه
••••••••••••••••••••••••••••••••••••••••••••
تتستعد للنوم و رن تليفونها و طبعا من المفروض يكون خالد المعجب الجديد
ريم: يا الو
خالد: احلا الو نسمعها
ريم: لها الدرجه
خالد : و اكثر
ريم حست بالخجل : شن جوك
خالد : دام نكلم فيك ف احسن حال
ريم:
خالد: وانتي كيف حالك
ريم : تمام
خالد: حبيت نسمع صوتك قبل نرقد
ريم : اوكي
خالد : سلام
ريم :سلام
يهبل😍اول مره حد يجدبني بااسلوبه هكي
وقعدت تبتسم لين خطفها النوم و هي عايشه ف احلام ورديه
••••••••••••••••••••••••••••••••••••••••••••[]
الصبح
نضت ابكر من قبل لاني راقده بكري صليت الفجر و جهزت الفطور و الشاهي بالحليب الي نحبه و قعدت نفطر
ماما:شنو هالنشاط لا لا اما نشاط الا سبات
انا:هههههه صباح الورد يا احسن ماما
ماما: صباحك احلا من الورد يا قلب ماما
انا: درتلك الفطور الي تحبيه
ماما: تسلملي بنتي
بابا: صباح الخير
انا و ماما: صباح الورد
بابا : شن هالنشاط و الجو الحلو ع الصبح ربي ما يحرمني منكم
انا: ولا منك يا بابا ❤️ .......نخليكم تفطروا انا ما نبيش نتأخر ع العمل
وصلت للعمل
انا: صباح الورد رهف
رهف: صباح النور
انا: دعاء ما جتش حتى اليوم
رهف: لا و عندنا هلبا ملفات
انا: خلاص خلي نبدو و نوفروا الوقت
ورن هاتف المكتب
رهف: تمام حاضر .............استاذ علاء طالبك
انا: اوكي
امشيت و طقيت ع استاذ علاء
انا: صباح الخير
علاء : صباح النور اتفضلي
انا: طلبتني استاذ
علاء : ايه نبيك توقعي العقد مبدئيا لمده سنه و قابل للتجديد
انا: حاضر استاذ
وقعت العقد و رجعت لمكتبي
وكان الشغل اكثر من قبل و متعب بس بديت نتعود عليه
رهف : كملنا و اخيرا
انا: اي خلاص ما اتوقعت متعب هكي
رهف: بس انتي كل يوم تفاجئيني ب اصرارك
انا:لاني نبي نكون ناجحه و قد المسؤوليه
رهف : انتي في الطريق الصح.........شن رايك نطلعوا نتغدوا البرا
انا: ياريت حاسه بجوع فضيع
رهف : تمام هيا
وصلنا للمطعم
انا: حبيت نسألك
رهف: اسألي
انا: قداش ليك تستغلي في الشركه
رهف: نشتغل من 4 سنين
انا: نسألك سؤال خاص
رهف: متزوجه او لا
انا: هههههه كيف عرفتي
رهف: السؤال العادي يعني ههههه مخطوبه و عرسي نهايه السنه
انا: ع خير ان شاء الله
رهف: يا رب و انتي
انا: لا مش مخطوبه
رهف: مرتبطه!؟
انا: لا
وكملنا غدي
و رجعنا العمل
رهف: نادين
انا: نعم
رهف: يوم الاحد في اجتماع لكل الموظفين
انا:حتى انا
رهف: 😁وليش لا
انا: ما اتوقعتش اني حنكون مهمه في الاجتماع يعني
رهف: لا المدير يحب يركز على ادق التفاصيل و يهمه كل موظف مهما كان صغير او كبير
هذا اجتماع شهري يعني كل شهر لازم يجتمع بينا
انا: تمام
و اتصلت ريم
انا: الو
ريم: مشغوله علينا ما صدقتي يا سيده الاعمال
انا: مش لها الدرجه
ريم: زعلانه منك لاتسألي لا شي
انا: شن الي يرضيك
ريم : اعزميني انا وميس ع الكافي الي نحبه
انا: هههههه مع ان الزعل حجه لاكن حاضر من عيوني
ريم: اعتبريه هديه انك اشتغلتي
انا: اه انا نهديكم صار
ريم : غصب عنك😂
انا: كلامك سيف يا ستي
ريم: ايوا اتعدلي
انا: تمام الساعه سته كويس
ريم : اكيد
رهف: مكالمتك طولت نسيتي انك في الشغل
انا: اسفه😟
رهف : ما تتأسفيش بس انا نبهتك مرات حد يخش حيتهمك بتضيع الوقت
انا: اوكي
تم الدوام
روحت للحوش ورغم التعب بس دوشت و غيرت و امشيت للكافي انا و البنات
ميس : نادو استاحشتك
ريم: لو مش مني حتستاحشها اكثر
انا: اه من لسانك
ميس: عندي ليكم مفجأه
انا و ريم😮
ميس: في حد ليكم فتره ما شفتوشي و قرييب حتشفوه
وبعد صمت لا بأس به
ريم: قولي مش لازم من جو الاكشن😐
انا: عادات وتقاليد🙄
ميس: لازم تحرقوا المفجأه جود بتروح من كندا و خلاص بيستقروا اهنا
انا: احلا خبر سمعته
ريم: ليها وحشه
جود تكون صاحبتي انا و ميس من ايام الابتدائي بس سافرو من عشر سنين
ريم: مش عارفه امتا بنتخرج 😔
انا: كلها سنه خلاص معاش تقدري تصبري
ميس: تبي الحق يا ريم النوم حلو😆
ريم: اقهريني اكثر😕
ميس: ههههه نادين شن اخبار العمل طبعا الراحه و النوم مش شورك بكل
انا: تبو الحق متعب ما اتوقعته هكي🤭
ريم: اعترفتي الحمد لله
ميس: تبي تشتغلي في شركه EM ومتوقعه ترتاحي يحكو ع المدير صاعب هلبا
انا: ما تخوفنيش
ميس : اسألي بوك شركه ليها منافسه قويه مع كل الشركات و نظام العمل مرهق بشكل .....نادر اشتغل فتره معاهم قبل ليسافر و اتفنش و قال ماشفتش شركه نار هكي
ويحكي ع المدير خيال ما تشوفيش الابتسامه حتى ع وجهه تقول بيموت لو يبتسم
انا: وانا حنكون قدها ( ما نخفيش عليكم كلام ميس خوفني هلبا لدرجه شكيت اني نقدر نكمل )
ريم: خلونا من الهم و هيا نطلبوا
انا: يكون احسن كلام ميس خوفني
ميس: ما قلت شي😂
ورن تليفون ريم كالعاده
ريم: خالد
خالد: كيف حالك
ريم: تمام و انت
خالد: شن اديري
ريم: ف كافي مع صاحباتي
خالد: تمام استمتعي بوقتك
ريم: شكرا
خالد : سلام
ريم: اوكي سلام
انا و ميس قعدنا نشوفوا لريم
ريم: ايهبل
ميس : اعتقد الكلام هذا سمعته من قبل😂
انا: ربما🙄
ريم: خليكم انتم شن عرفكم
انا: واحنا شن نجو قدام خبرتك
ميس: ولا شي😂
كان الجو حلو مع البنات و خدانا الوقت
روحت صليت وقعدت نفكر في كلام ميس صح نبي نشتغل في مكان ناجح بس لما تبدا شركه ليها وزنها يكون الامر اصعب
وبعد تفكير طويل قررت نسيب الشركه
.
.
. يتبعععععع
