اكرهك••• فماذا لو احببتك
الحلقة ( 50 ) ((الاخيره))
اي حد ما تنفتحله الحلقه ما يقتح من فيس لايت افتحو العادي
قراءه ممتعه❤️
محمد : فرح معاش ينفع هالكلان
فرح : هذا ليش جيت انا لانه معاش ينفع اقتنعت
و .... جيت نودعك
لاني مسافره نتمنى تسامحني
محمد :وين
فرح: الامارات
ووو مش ناويه نرجع
محمد : فهمت
فرح مدت ايدها عشان تسلم: نتمنى تسامحني و نتمنى ربي يعوضك ب مرتك
محمد سلم عليها
و طلعت
اتكى ع الكرسي
فرح طلعت ع المطار و هي مرتاحه مقتنعه ب الي دراته عرفت انها لما تخلت ع حبها خسراته للابد و لو قاعده تحبه فضلت تخليه يعيش بسلام
بابا: فهميني نادين شني في ليا ساعه نسأل فيك
انا ما عرفتش نرد:
بابا: شن يخليك تسيبي حوشك و ف نص الليل
انا: لينا فتره مش متفاهمين و خلاص وصلنا لطريق مسكر
بابا: وليش ما قلتيش
انا : ما حبيتش نضايقكم
بابا : انتي متأكده من قرارك ؟
انا: ايه متأكده
بابا: مش حنظغط عليك انتي عارفه عمري ما غصبتك على شي
انا حضنته و شديت دموعي ع قد ما نقدر
خشيت لداري
ماما: هذا ما قدرك عليه ربي
بابا: شن تبيني اندير
ماما: اصلا انت الي مدلعها
بابا: ليش متعصبه ؟
ماما: شني قلت هذا كله ولاش متعصبه بنتك حتطلق
حتطلق
بابا: مدام مرتاحه هي حره
ماما: اتصل ب الراجل افهم منه
بابا: باهي باهي راسي و جعني
ماما: توا تتصل بيه توا
بابا خدي التليفون و اتصل ب محمد
.
.
وكملوا المكالمه
ماما: ها شني قالك
بابا: جاي بعد المغرب
ماما: ربي يستر انت حاول تصلح الموضوع مش تعوم على عوم بنتك
بابا: باهي يصير خير حطيلنا الغدي
ماما: و مازال عندك نيه
بابا: وفاء بلاش نعترضو لانه الي كاتبه ربك يصير
خالد: وسام لازم تعجل بالعرس
وسام: شهر هو قداش بنعجل
خالد : مش مشكله نصبروه هالشهر صبرنا هلبا و ابتسم بمكر
اما وسام يعلم بيه ربي
خالد: وين رحت
وسام : معاك
خالد بشك : في حاجه ما نعرفهاش؟
وسام: وشن حيكون فيه خليني نمشي توا
خالد: عندك الاذن
امشي وسام
خالد ابصر شن وراه شكله بيضيعنا و بيضيع كل شي خططتله لازم ناخد احتياطي
ريم/ وين انت
وسام/ ف الطريق
ريم/ وين كنت
وسام/ مش ملاحظه انك مكثره اسئله
ريم/ خيرك اليوم عصبي شني في
وسام/ خليني ريم توا نسوق
وسكر الخط عليها
ريم بدت افكارها ترفع و تجيب
خيره هذا مش ع بعضه في شي انا ما نعرفاش
قلقت لا انا نتوهم مش عارفه يا ربي مش عارفه
وسام كان متوتر و خايف و متردد حب ريم و ما يبيش يضرها و ندم انه خطبها لان حتنجرح منه هلبا لو ما كملش
وسام لازم نعترفلها بكل شي
و غير اتجاه السياره
ميسون طول الوقت متوتره و خايفه و متلخبطه
دارت الغدي و عقلها مش معاها بكل
قرب موعد مرواح نادر و زاد خوفها و تورترها فات ساعه ورا الثانيه و شي ما روحش
فكرت تتصل بيه ما فيش فايده كيف تقيم التليفون تتراجع
لين خش عليها نادر و حاجبه مجروح و يصب دم
ميسون خافت : نادر خيرك
نادر : ما تخافيش درت حادث بسيط
ميسون: حادث؟!!!!
نادر : ما في شي كلها كلها الخبش هذا
ميسون : لحظه نحطلك لصقه عليه
و جت وجايبه معاها كحول و قطن و لصقه
بدت تمسح لنادر ف الجرح و نادر هايم فيها
و هذا الشي وترها بس تماسكت على قد ما تقدر
و بعد كملت : الحمد لله ع السلامه
وخدت الحاجات و امشت
نادر غمض عيونه و هو فرحان : ياريت كل يوم ننجرح مدام ب اداويني
