اكرهك ••• فماذا لو أحببتك؟
الحلقة ( 13 )
محمد :
شن دراني ما تكوني تتجسسي ع شركتنا
انا: انا😮
محمد رفع ايده و قاطعني : ع العموم انا عندي حل واحد باش تصلحي غلطتك
و عندي ليك مقابل مغري يعني مش حتطلعي بلاش
نعرف ان بوك توا محبوس بتهمه شيك بدون رصيد و عليه قروض
مستعد نطلع بوك من الحبس و ننقدكم من الي انتم فيه
بس بشرط
محمد : تتزوجيني
انا انصدمت 😱😨
محمد : صفقه مش اكثر انا نصحح مسار حياتكم وًانتي تكملي الي ناقص في حياتي
و ما اعتقدش حتكوني خسرانه انا الي حنطلعكم من خساره كبيره
انا حسيته بيلعب بكرامتي و مستهون بيا كانه بيشري لعبه مش لانها عاجباته بس لانه يبي يمتلكها و بس: عرضك مرفوض
محمد : يعجبني غرورك
بس بنعتبر نفسي ما اسمعتش الي قلتيه
فكري عندك 48 ساعه و نتمنى ردك يرضيني
و توا اتفضلي ع مكتبك
رجعت للمكتب
وانا مش فالدنيا كل الي درته خديت شنطتي و طلعت بدون احساس مش عارفه كيف وصلت للسياره و لا نعرف كيف وصلت الحوش
و من حظي ماما طالعه
خشيت لداري تقول واخده مخدر و مش واعيه
كلام محمد يتردد في راسي كأنه جرس
شن اندير و كيف نتصرف انا بين كرامتي و مصلحه عيلتي علاش مش مكتوبلي يفوت يوم في حياتي من غير صدمه
ماما: نادين ليا ساعه انادي
انا: ايوا
ماما : نوضي الغدا واتي
انا: ما عنديش نيه
ماما: لا نوضي قدامي جايبتلك محشي من حوش خالتك ما لبيتش نتغدا غادي
انا: حاضر كيف قعمزنا ع السفره رن الجرس
ماما: من الي حماته تحبه هذا
نوضي افتحي الباب
انا : حاضر
فتحت الباب
ولقيت مرا شاده ولد صغير راقد ما نعرفهمش
سهام: هذا حوش احمد العالي
انا: ايه نعم اتفضلي
ودخلتها الصاله
ماما: اهلين اتفضلي
سهام: انا نبي نتكلم في موضوع مهم
انا و ماما😯
سهام : انا مرت احمد و
انا كيف ما قدرتش نعرفها و معاها ولد كيف ما اتوقعتش و دخلته توا شن بيحلها
ماما: انتي شن تقولي
سهام: و هذا صهيب ولده عمره ثلاث سنين
متزوجه احمد من خمس سنين
ماما: لا احمد مستحيل يدير هكي
و ناضت و خلتنا
انا: ليش هكي درتي كيف كسرتي قلبها كيف قدرتي ماما شن ذنبها في زواجك
سهام قاطعتني: و انا شن ذنبي و شن ذنب ولده الي هو خوك اسمعي انا ما نبي شي انا مضطره نسافر ل اختي مريضه في فرنسا وما نقدرش نرفع صهيب معاي لانه ما عنداشي جواز و ما عندي لمن نخليه
مظطره نخليه عندكم اسبوعين لبين ما جيت
انا: شني قاعده تقولي
سهام: اسفه بس ما عندي غيركم خوك في امانتكم
و امشت
انا من المفجأه قعدت ساكته
سهام: هادم حوايجه و غيراته
انا: استني اهني كيف تبيني نخليه اهنايا و ماما
سهام: اسمه صهيب احمد العالي
يعني خوك وًانا لو مش مظطره ما نحطه عند ناس ما نعرفهمش اختي بين الموت و الحياه وًما ليهاش غيري في الدنيا
انا: بس
سهام: امانه لين نروح و مش مسمحاتك يصيرله شي
انا قعدت نشوف للملاك الي قدامي راقد و لا حاس بشي شن ذنبه في هذا كله
و حطيته ع سريري و امشيت لدار ماما
انا: ماما
ماما و هي تبكي : خليني يا نادين
انا: لازم نحكوا
ماما: نادين
انا: تعرفي انها خلت الولد و امشت قالت بتسافر و ما عنده حد غيرنا
ماما: شن هالوقاحه الي عندها جايه بكل بساطه تقول مرته و تخليه عندنا
وين بوك لازم نحكي معاه و نتفاهم انا وياه الخاين الكذاب
انا بديت نبكي : بابا محبوس حياتنا ادمرت من كل النواحي و الشركه ضاعت و انا تعبت تعبت معاش نقدر نتحمل ننصدم ب بابا متزوج و عندي اخ و ننصدم بخسارتنا لكل شي ماما بالله نبيك تقويني عارفه الي داره بابا غلط بس شن ذنبه الطفل
ماما: خلاص اهدي كل شي ينحل
معاش تبكي
و عندك حق شن ذنبه ولا شن ذنبك في هذا كله
بس عندي طلب نبي نشوف بوك
امشينا لبابا
بابا: ليش قلتيلها يا نادين
ماما: ع شني و لا شني ما تقوليش هادي اخرتها
و جاني اتصال من رقم غريب
رجعت للسياره و و رديت
انا: الو
محمد: نتمنى كنتي فكرتي
انا ؛ من معاي
محمد : فاتوا 20ساعه من المهله
انا: اا
محمد : مش حنرضى الا بالموافقه ع فكره
و سكر
انا حذفت التليفون ع الكرسي :
مغرور و مجنون
و جت ماما
انا: شن صار
ماما: انسي الموضوع و هيا الولد بروحه
انا: باهي
و اتصلت برهف : الو
رهف؛ اهلا
انا: تقدري تجيني توا
رهف: وين انتي
انا : قريب نوصل للحوش
رهف : مسافه الطريق و نجيك
ماما: شوفي الولد شن ناقصه و جيبهوله
ووصلنا للحوش
و اتصلت ريم رديت: مع اني زعلانه منك و المفروض ما نحكيش معاك و ليا فتره نتصل بيك و ما ترديش
بس يلا ما حبيتش اندس عليك شي
انا: والله يا ريم
ريم: وائل قال لمامايبي يخطبك
انا : شن قلتي
لا اهنا نادين رح تنجن؛ماشي ياريم تو نكلمك الباب يطق
فتحت لقيتها رهف
انا: خشي شوفي البلاوي الي تنحذف ع راسي
و طلع صهيب يحك في عيونه و مستغرب
رهف: من هذا
انا: هادي اهم و احلا بلوى
تعالى صهيب
و جي صهيب كانه يعرفني او ممكن مستغرب من المكان و يبي اي حد يخش في حضنه و قعد ساكت و خلاص
و لقيت ماما داير تله شربه خضره
وكلته
وحطيتله رسوم و قعدت نحكي انا ورهف
رهف: احكيلي خيرك
انا: شن بنحكي و شن بنقول بابا طلع متزوج و عنده ولد و وائل يبي يخطبني اتخيلي
و
رهف :و شن
انا ؛ لا شيء
رهف : و انتي شن رايك
انا: ما نعرفش
بس معاش نحبه و وكونه بيخطبني هادي صدمه ليا
رهف: اعطيه فرصه
انا: في دوامه من وين كان بيتزوج اجنبيه و من وين يبي يخطبني
رهف: و بالنسبه لخوك ؟
انا: مش عارفه
رهف: ما بعدك من هالاكشن الي ف حياتك
انا: صدمه ورا صدمه
وما خفي كان اعظم
رهف: ما قولتليش شن قالك محمد خلاك تطلعي من الشركه بدون ما تقولي ولا حرف و لا تردي عليا
انا: شن بيقولي يعني بس جاني اتصال شوشني
رهف: مرات الحل لكل مشاكلك انك تتزوجي فكري كويس
وما تنسيش الخطوبه فتره باش تعرفي الشخص و تحكمي يا تكملي معاه يا تسيبيه
انا: يصير خير
رهف : ياروحي رقد
انا: يهبل هادي
رهف : هيا انا توا بنمشي
انا: شكرا تعبتك معايا
رهف : ولا يهمك انتي اختي
و روحت رهف
و قمت صهيب حطيته في سريري
و انا ولا قدرت نرقد غمضه افكار و افكار و ائل و حبي القديم ليه و ماما و بابا و صهيب و محمد
اه من محمد هو الي متعبني كلامه وليش يبي يتزوجني و كيف مش عاطيني فرصه نتكلم معاه غروره و كبريائه و قسوته ليش انا و شن يبي مني
و صلتني رساله ع التليفون
اكيد تفكري فيا نيالي
انا: حيوان و تافه و مغرور
ما رقدتش و طلع الصبح وتيت روحي و امشيت للشركه
و ع طول ع مكتب محمد :
صباح الخير
محمد : صباح الورد ا
انا قاطعته: انا بنقولك ردي بدون ما تسألني
وقبل ما اتم المهله الي عاطيهالي
( ابتسمت)
انا مش لعبه تشريها بفلوسك و لا بنفوذك
ردي ع صفقتك لا
وجيت بنطلع
محمد بصوت عالي : استني
لين رجف قلبي
محمد: مازال المهله ما تمتش و نستنا منك الرد اليوم في الليل و الكلام الي تقولي فيه زوبعه في فنجان و حنسمع منك الرد الي يرضيني متأكد انا
انا طلعت بدون ولا حرف
مغرور و مجنون
يتبعععععععع
