اكرهك ••• فماذا لو أحببتك؟
الحلقة ( 15 )
فقت الصبح على ابتسامه صهيب خديته في حضني وبسته
ونضت دوشت و صليت و وتيت الفطور
ماما: صباح الخير
انا: صباح الورد
ورن تليفوني
ماما: من الي متصل بيك بكري هكي
انا بخوف : محامي بابا
ماما: ردي شن الي تستني فيه
انا: الو
انا: تمام الحمد لله
انا: تحكي بجديات و امتا بيفرجوا عليه اليوم العشيه
الله يبشرك بالخير
سلام
ماما: احكي يا بنت شن في
انا: قيمه الشيك اندفعت و بابا حيفرجوا عليه اليوم
ماما: الحمد لله
انا : ماما سامحتيه؟
ماما: كل شي بروحه و حتى الحساب اليبيني وبينه بروحه
افطري توا وبري لشغلك و ل لانه محمد حبيبك بتسيبي
انا غصيت بالي ناكل فيهو قعدت نكح
ماما: بسم الله هاك اميه ....بنتي كبرت و بدت تحب و متحشمه الحمد لله عشت لها اليوم و بنشوفك عروسه و لشخص معروف و كويس
ليش تبكي حبيبتي افرحي ياسرك حزن الي صار فينا مش شويه معاش لا نبي نشوف دموعك و لا التكشيره اهيا
صهيب : دادين ابي زبنه
انا مسحت دموعي : يا روح دادين حاضر
ماما سامحي بابا ع خاطر هالملاك
ماما: ما دخلكش نادين
انا: مش تبيني ننسى الماضي انسي و خلينا انعيشوا والله تعبت
ماما: نادين وقت ع شغلك
انا : اهو ماشيه
و طلعت و انا عندي امل كل شي يرجع حلوو كيف ماكان
وقعدت ندعي لربي يرفقني في حياتي و يخليلي الي نحبهم
ابتسمت و نزلت من السياره و سمعت صوت وراي يقول: اقل شي مسج فيه شكرا
انا تلفتت و اصلا حافظه صوته غيب ( ابتسمت ) : شكرا
محمد : كل شي ليه مقابل مجاش وقت الحساب
انا: شن قصدك
محمد : مع الوقت تفهمي يا نادين
و كالعاده امشي و خلاني
خلاني ل افكاري و احتياري فيه و في شخصيته كيف اوقات يكون كويس و و اوقات يكون كتله من الغموض و عدم الوضوح
رهف: شن في بينك و بين محمد
انا: رهف
رهف: احكيلي و ما تقولليش ما في شي
شفتكم واقفين ع بعض
انا: محمد خطبني و قبل يومين جاب امه
رهف : بالحق
انا: يعني هذا شكل وحده تبصر!!!!
رهف: الف مبروك و ما تقوليش يا خاينه
انا: بروحي مش مستوعبه و يوم الي جو بابا مرض
رهف: و الله فرحتلك محمد شاب كويس و كل البنات يتمنوه
انا: بدليل انه مفهوم
رهف: هههههه مع الوقت تفهموا بعض و تتاقلمي ع طباعه
انا: ورنا شغل ولا ناخدو اجازه وخلاص
رهف: عاد خطيبه المدير يحقلك تتأمري عليا
انا: ايه ماهو يبيني حق و نبيه
رهف : شن قلتي
انا: يحقلي نخاف ع شغل خطيبي
و ركبنا و الشغل اليوم هلبا بحكم لميس مش معانا و نا ليا يومين ما جيتش و فات الوقت و انا ناسيه كل شي
حتى محمد و الافضل اني ننساه نبي نرتاح من التفكير و الخوف و انتظار غدوا شن بيصير
••••••••••••••••••••••••••••••••••••••••••••••••••••••
ريم يأست من خالد و عدم رده
قررت تنهي و كل شي
وبعتتله مسج ( للاسف انت ما حبتنيش الي يحب ما يتخلا على الي يحبه بسهوله و بالنسبه لمشاعري ما تغيرت قاعد قلبي مش ملكك اسفه مش قصدي نجرحك بس الحقيقه افضل من الوهم )
و مسحت رقمه
